2/25/2007

اليك



















انني احبك



ولا اريد اقراصاً منومه لأشواقي




ولا حبوباً لمقاومة الدوارْ




انني بخير هكذا




فأنا اكون في احسن حالاتي




عندما تهاجمني نوبات الهذيانْ




فأنسى تاريخ وجهي




وأنسى مساحة جسدي




واتلاشى تحت شمس عينيك




كما تتلاشى مدينه من الشمع




******




كلما رأيتكِ




أيأس من قصائدي




انني لا أيأس من قصائدي




إلا حين اكون معكِ




جميلهُ انتي الى درجة أنني




حين افكر بروعتك الهث




وتلهث لغتي




وتلهث مفرداتي




*******




اني احبك




ولا العب معك لعبه الحب




ولا أتخاصم معك كالأطفال على اسماك البحر




سمكة حمراء لكِ




وسمكة زرقاء لي




خذي كل السمك الأحمر والأزرق




وظلي حبيبتي




خذي البحر ، والمراكب ، والمسافرين




وظلي حبيبتي






(نزار )

18 comments:

Purplecious said...

انني احبك

ولا اريد اقراصاً منومه لأشواقي



اذا ما تبيهم عطني اياهم انا احتاجهم
ههههههه


اولا احب اشكرك على ردك على تساؤلي

الحين وضحت الصوره

:)

وبالنسبه للبوح بهذه المشاعر انا كان قصدي اذا لقيت انشاءالله اللي تستاهل حبك و قلبك لا تبوح لها بمشاعرك جذي بهالقوه و المبالغه

أما هني بالبلوق لا بالعكس خذ راحتك و بوح باللي تبي و بحبح بعد
ههههه

sologa-bologa said...

لوحة جميلة
رُسمت بكلمات معبرة

والأجمل تلك الصورة في أعلى الخاطرة
منحت للكلمات انطباعا أكثر جمالا



بس عندي سؤال

ليش البوتاغاز موجود بين الحبيبين والبحر أو النهر
؟؟؟

:)


ودمت بحب وود وعشق جميل دائم

78o8eYa said...

نــزار
..
غرام لا نهائي


أحسنت الاختيار

أحسنت جداً

^_^


***

سأتطفل
وأوضح للأخ
سلوقا

بان هذه الصورة تم نشرها في احدى الجرائد اليومية قبل فترة ، وكان التعليق المكتوب أسفلها
يبيّن حالة عاشقين من ايران ،على قمة أحد الجبال ، بعيداً عن الوضع السياسي و حديث النووي

أَهم كاشتين .. طالعين كشته
فـ طبيعي وجود
هـالـ بوتاغاز على قولتك
;p

ونعتذر على التطفل البريء
^_*

7osen said...

: Purplecious

اهلا عزيزتي

اتمنى انج ماتحتاجين اقراص منومه

حق اشواقج ،،، خليها دائما صاحيه

فالشوق يولد الابداع

--

انا بعد اشكرج وايد

وسعيد لأن الصوره وضحت

--

انشاالله اذا لقيتها ما راح ابوح لها بشي ،،، بس ليش ،، يعني اللى يبوح باللى بقلبه حق الانسان اللى يحبه يكون غلطان

هذا شي دائما يتناقشون فيه الناس المختصين

يعني من الافضل ان الشخص يبوح بكل اللى بقلبه

ولا يخلي اشواقه ومشاعره بداخله

الصراحه مادري لكني افضل الصراحه 0

شكرا لج

اتمنالج التوفيق

======

:sologa-bologa

اهلا وسهلا اخي العزيز

بالفعل الصوره معبره كثيرا

واعتقد ان الاخت حقوقيه مشكوره

كفت ووفت على تساؤلك

اهم طالعين كشته وقاعدين على اعلى الجبل فلازم يكون معاهم بوتاغاز

مو دارين عن النووي وسوالفه 0

تحياتي لك

========

:حقوقيه

اهلا وسهلا عزيزتي


بالفعل نزار غرام لا نهائي

هذا الشاعر يستطيع ان يصور ادق تفاصيل الشعور

غير طبيعي

--

شكرا لج على التوضيح للاخ سلوقا

كفيتي ووفيتي

ماقصرتي

شكرا لج عزيزتي كثيرا

اتمنالج كل السعاده

charisma said...

ولا أتخاصم معك كالأطفال على اسماك البحر

سمكة حمراء لكِ

وسمكة زرقاء لي

خذي كل السمك الأحمر ولأزرق
وظلي حبيبتي

خذي البحر ، والمراكب ، والمسافرين

وظلي حبيبتي

نزار قبانى وما ادراك ما نزار قبانى
عجيييبه

ارد بكل كومنت اقولك كلماتك عوار قلب
:)

eng-q8iya said...

تحب .. ؟

و لاتبي أقراص منومة ولا تبي تقاوم الدوار ؟

بالنسبة لي هذا شي أبدا مو مفهموم !

تعتقد إنه الحبوب تساعدك على المقاومة ؟ و ليش تقاوم ؟

إذا ما حسيت بالدوخة و الدواروعدم التركيز شلون بتحس بروعة الحب ؟

أقراص و حبوب ... عشان توعيّك ؟ شان تصحّيك ؟ عشان إتطوف عليك لحظات غير مرجوعة ؟

مثل ما قلت إنت جذي بأحسن حالاتك بس واللي يعافيك بدون هذيان و تهرطق !

حرام تطوّف أثمن اللحظات بشوية هرطقات ... اللي يروح ما يرجع .. فليش إنضيعه ونقعد نهذي ؟

... بالعكس

... خوش إختيار حق نزار !

هني أهو صريح ... كل الصراحة ... يعطي بدون تفكير .. عطاها البحر كله ... أكو أكبر من جذي ؟
البحر كله..بزروقته و جماله و غدره ... كله بس عشان تظل تحبه ...

أكيد لازم تصارح اللي تحبه ! بس مو دفعة وحدة ! شوي شوي

على حسب مساحة البوح اللي يعطونك إياها

ENG-Q8iya

7osen said...

: charisma

اهلا عزيزيتي

انا بس ابي اعرف ليش عوار القلب

الحين كلمات شحلاتها مليئه بالحب

كلمات شاعر اكثر من رائع

كلها رقه وابداع

ليش عورت قلبج

؟؟؟؟

7osen said...

:eng-q8iya

اهلا وسهلا

انا بعد اعتقد ان اللى يحب مايحتاج حق حبوب للمقاومه

اجمل شي بالحب الاستسلام

اجمل شي ان ترفع الرايه البضياء

وتدخل في الاسر طائعاَ

لكن الحب يصير مؤلم اذا انتهى بالفراق

بهذا الوقت فعلا تحتاج الحبوب والعلاج

اللى ما يكون موجود اصلا 0

اما الهذيان والهرطقات لهم متعه خاصه
كلما احاول اهرب منهم القاهم يطاردوني ؟؟

شكرا لج عزيزتي

اتمنالج التوفيق

charisma said...

تعور قلبى لانها وهم وهم وهم
تعور قلبى لانها كانت اكبر جذبه بحياتى
تعور قلبى لانى كرهتها على كثر ما حبيتها
تعور قلبى من حلاتها ولانى اتمناها بحياتى
بس وين الى يستاهل هالكم من المشاعر والعطاء والرومانس

بس اظل اقولك ما اقدر اعيش بدون هالرومانسيات ولو كانت من وهم خيالى

واظل متناقضه يا حسين
:(

sologa-bologa said...

78o8eya

&

7osen

أشكر لكم توضيح معنى الصورة
البوتاغازية

:)
ودمتم بحب

2 u ALL said...

نعم ظلي حبيبتي ...!!؟

صح لسانك .. رائعه الفكره والكلام ..!!؟

7osen said...

: charisma

كلماتج اثرت فيني

اسف لأني اثرت شجونج

لكني تأكدي ان الناس اللى تستاهل الحب موجوده

والحياه ما تنتهي عند تجربه او عند شخص ما

ومشاعرج الجميله لابد ما تلقين اللى يستاهلها

والتناقض من صفات الاشخاص اللى عندهم مشاعر قويه

لأن التناقض يأتي من قوة الاحساس

اتمنى انج دائما تعيشين بالرومنسيه والحب

لأنها مشاعر تعطي للحياه معنى 0

تحياتي لج

========

:سلوقا

انا ايضا اشكر الاخت حقوقيه على التوضيح

وشكرا لك وحياك الله دائما
لك تحياتي

=========

: 2 u ALL


اهلا وسهلا

سعيد لأنها نالت على اعجابك

شكرا لك عزيزي

Breeze said...

فأنا اكون في احسن حالاتي






عندما تهاجمني نوبات الهذيانْ



-
اللــــــــــــّه !!!!!!!! إنت روعــــــــة والأروع هو إحســـــاسك الذي أحس به .. والله أحس فيه !!! وكأنك أصلاً تكتب تعابير قلبي وحبه !!!!

دمت بحب يا فنــان المحبة

:)

MiaMi said...



تدري .. متى أدخل بلوقك ؟

لمّا أكون مشغولة ومو رايقة

ما أدخل

لأن يحتاج لي جو خاص

:)

عشان أقرأ كتاباتك

لازم أكون رايقة

وأقراها أكثر من مرّة

إختياراتك جميلة دائماً

،،

Cr8ivia said...

يا سلام

كتاباتك سهله صعبه

Kuw_Son said...

يبيله أقراص منومة .. فاتح اللابتوب في دورة بنيوهورايزن و قاعد أقرا بلوقك .. و مالي خلق أحد .. أبي أقراص منومة :)

كلمات جميلة :)

Kuw_Son said...

يبيله أقراص منومة .. فاتح اللابتوب في دورة بنيوهورايزن و قاعد أقرا بلوقك .. و مالي خلق أحد .. أبي أقراص منومة :)

كلمات جميلة :)

7osen said...

: بريز

اهلا وسهلا


شكرا لج اختي العزيزه على هالكلمات

الرائع هو وجودك وكلماتك

شكرا لإحساسك العالي

تحياتي لج

============

: ميامي

اهلا فيج اختي

اتمنى انج دائما تلقين ما يسعدج في مدونتي

شكرا لتواصلك

اتمنالج كل التوفيق

==========

: Cr8ivia

حياج الله اختي الكريمه

يسعدني مرورج

لك اجمل تحيه

========

: Kuw_Son

اهلا اخي العزيز

لا عاد انت حدك ما يبيلك اقراص منوم

يبيلك اقراص حق التركيز

لازم تركز بدورتك وتشد حيلك

شكرا لمرورك

اتمنالك التوفيق