3/12/2007

صج مشكله

الحياه ترينا نماذج كثيره من البشر

فيها من تود البقاء معه كل اوقات حياتك

وفيها من تتمنى قربه بلحظات معينه

وفيها من لا تطيق رؤيته

حقيقه مشكله كبيره نفسيات البشر وطريقة تفكيرهم

احيانا في مشكله ما مع شخص اخر تود بكل صدق ان تحل هذه المشكله

ولكنك تصتدم بعقليه متمسكه برأيها رغم انها تعرف انه خطأ

تحاول بكل ماتملك من منطق وواقع ان تبين له رأيه الخطأ

ولكنه لا يسمع سوا نفسه

وعندما لا يجد ما يرد به يقول هذا انا ،، انا هكذا

ماذا تفعل بهذه النوعيه من البشر


انا اعلم انها شخصيتك وانك هكذا

ولكن هذا لا يعطيك الحق ان تتجاهل الاخرين

وتطالبهم بعدم اخذ موقف منك


سؤال

عندما يحدث تصرف من شخص عزيز عليك يضايقك جدا

فتقول له ان تصرفك هذا ضايقني جدا ،،، واحزني كثيرا

فيعتذر منك ،، ويقول انه لم يكن يقصد وان هناك شيء اجبره على

التصرف هكذا

فتقتنع ،،، وترجع الى طبيعتك معه ،،، وبعد ايام

يرجع الى نفس التصرف بطريقه تستفزك ،، وتجعلك تراجع كل علاقتك به

ويرجع ويقول انه لم يكن يقصد ؟؟؟؟

وانك لم تفهم شخصيته بعد

تحاول بكل طريقه ان تجد له العذر ولكن لا تجد

ماذا تفعل بهذه الحاله ،،، وبالاخص ان هذا الشخص عزيز جدا

ماذا تفعل

هل تتنازل عن جزء من كبريائك ،، ولا تتعنت في موقفك

ام تتجاهله ،،، وترا ردة فعله ؟؟؟؟

**************

الى حبيبتي

احبك بكل صدق


********

اهداء


جيتي وصرتي انتي الابدى

انتي الدنيا والايام

انتي الحاضر انتي باجر

انتي العذب من الاحلام

ربي يخلي هذي الضحكه

تملأ عمرك فرحه ونور

ربي يخلي ربي يسلم

ويحميك من كل شرور

( عبدالرحمن بن مساعد )

25 comments:

Anonymous said...

لا تظلمني .. انا فعلا تصدر مني تصرفات قد تكون ما تعجبك بس من صج ما اكون اقصد هالشي انا تغلبني العفويه وعلى نياتي وايد وانت تعرف هالشي اكيد ولو على قولتك ما عندي اهتمام جان ما شاركتك اغلب تفاصيل حياتي وكل شي تعرفه قبل اي احد وحتى اشياء اقرب الناس لي ما تعرفها بس انت تعرفها وانت تدري بهالشي .. بس ساعات الواحد يكون مجبور انه يتصرف تصرف معين بموقف معين قد يكون غصبن عنه وقد يكون مو قاصد .. وهذا اهاو بالتاكيد موقفي ..
لا تظن اني اتجاهل .. او انقص من قيمتك بالعكس انت عزيز وايد علي وانا عموما ما احب انقص من قيمة اي احد ..
اتهامك لي بانني اتمسك بالراي حتى لو كان غلط !
لو تقرا كلامي راح تعرف انه مجرد اتهام

انا ما احب اطول عليك بس ابيك تقرا هالكلام وابي كل الي يبون يعلقون انهم يقون ردي لان الكلام موجه لي شخصيا ومن بعدها يعطون وجهة نظرهم الي راح احترمها بالتاكيد ..

واذا كنت زعلان وانا ادري انك زعلان واعتذرت منك واكرر اعتذاري لانك شخص عزيز جدا .. واتمنى انك ما تاخذ بخاطرك ..

كلام وايد بخاطري بس حبيت اختصر !

LORD.M.M said...

صراحة ..

اذا كنت اود هذا الشخص فأني ألجأ الى اساليب اخرى لجعله يفهم اني تصرفه يؤذيني
او يضايقني

اما اذا لم اكن اوده فأني اقطع علاقتي به بعد 3 اخطاء ..

شيء اخر ..

العفوية و البساطة صفات حسنة لكنها واعية و يمكن التحكم بها ..
لكن هذه التصرفات تنتج من قلة الاهتمام بالتفاصيل و تذكر ما يحب و يكره الشخص الاخر
و هذا بدوره يدل على التظاهر بالمودة و الاهتمام

و التمسك بالرأي من اقبح الصفات عموما و تدل على التعصب و الانغلاق الفكري

الذي يريد ان يتمسك براي يجب ان يقدم الادلة على صحة رأيه

ثم ان الاهتمام بتفاصيل الحياة تدل على اهتمام الشخص بالاخر
و لا يعني اهتمام مبادل ..
اذا انا سئلت عن تفاصيل حياتك و انت جاوبتني اذل انا مهتم بك اكثر من اهتمامك بي
لأني اسأل لكي اعلم ما تحب و ما تكره

اما كلمة هذا انا ,,
فأنها تدل على اللامبالاة
فأذا رضيت بي ابقى و اذا لم ترضى ارحل


تحياتي صديقي

May said...

بالنسبة لي إذا كان الشخص عزيز على قلبي وأحبه ، فأنا دائماً أنسى وأرضى أو مرات أتناسى

وأنا عندي تجارب كثيرة مع ناس عزيزين علي
وفي كل مرّة ،، اتأكد أن العتب والإستفسار عن الموقف؟
ما يفيد بشي ، بالعكس دائماً يعقد الأمور

خاصةً لمّا يكون الإعتراف بالخطأ مستحيل عندهم
أو يشوفون الموضوع من وجهة نظرهم بدون ما يحطون نفسهم محل الشخص الثاني


عذراً على الإطالة ،،
تحياتي لك ،،
ودمت بود وحب وسلام ،،

sologa-bologa said...

اذا الغلطان اعتذر
هذا شي طيب
واذا كانت طبيعته يكرر الخطأ
ويعتذر
فهذا يعني إن طبيعته ما يقدر يغيرها
فإذا كان شخص عزيز جدا
أحاول اتكيف مع طبيعته وبالمقابل اعلمه
على طبعي
واذا كان صديق خاص فالعلاقة تتحول من صداقة خاصة
الى صداقة عادية يعني سلام من بعيد لي بعيد
واذا كان شخص مجرد تعرفه
فالبعد عنه غنيمة

لأنك مهما حاولت ما راح تغير طبيعته
لأن الطبع يغلب التطبع

وأنا أشوف إنه صديق عزيز عليك وايد
وهذا اللي خلاك تكتب عنه
وكذلك التعليق الأول واضح

وهذا يعني إنك لازم تحاول تتكيف مع طبعه لكن بالمقابل خله هو بعد يتكيف مع طبعك

والله لا يجيب الزعل

ودمتم بحب ووئام دائم

Cr8ivia said...

مادام انه ما يكابر على الخطأ
و يعترف فيه
و يعتذر
حتى لو يتكرر مليون مره
اهون من المكابر و التجاهل

اذا كان شخص قريب و عزيز احاول التألم و ايجاد حلول و لو كانت من انصاف الحلول

الاء سعود المجيبل said...

انا مشكلتي ان يكابر ولما يحس بغلطته ما يعترف....:(

والطامه الاكبر اني ما افشلها ولا اقولها مثلا مو قلت لج اني صاجه !!!

ما احب احرجها وياما تكررت هالمواقف معاي بس شسوي عزيزه علي واحبها وادري انها بالاخير بتغير رايها والحياة بتعلمها....:)


========


بس في حالتك انت وعقب ما قرات اول تعليق ....حلو ان الواحد يعترف بغلطته بس احيانا الواحد يكون مزاجه مو زين فتكون ردة فعله جذي ...اممممممم

عموما الله يخليكم لبعض...:)


=====

عبدالرحمن بن مساعد****

شي مو طبيعي وبصوت اصاله اروع...:)

يعطيك العافيه...:)

charisma said...

انا الى يضايقنى ان انسانه قريبه منى وتعرفنى زيين وتعرف جدى من ضحكى وتقلب الضحك جد وتزعل !!
وافهمها موقفى واتزيد الطين بله جنها تبى الشاره على
وتقلب كل ضحكى وقشمرتى وتفضفضى لها وشطتى على موقف معين الى جد واوضح انها ضحك وقشمره
تقولى لالالا ابد كنتى من صجج تتكلميين!!

اتبلى على واهى تعرفنى وتعرف اطباعى وتدرى اهى شكثر غاليه على

والله يا حسن التعامل مع الناس صار متعب

وانا من صجى تعبت
انا انسانه اجتماعيه فوق ما تتخيل
وارضاء الناس غايه لا تدرك
وحاليا امر بازمه نفسيه من هالناس الى اهمه قراب منى حيل
دايما انا جذى ما تيينى الصواعق الا من اقرب ناسى
الى ما شافو منى الا كل خير
الناس الى رسمت البسمه على ويوهم ووقفت معاهم بالشده
اهمه الى يضايقونى ويتعبونى

حاليا اعانى من 3 ازمات وكل وحده اقوى من الثانيه
3 اشخاص
كلهم مره وحده
والله تعبت
وصلت لى مرحله بس ما ابى اواجه ولا ابى افسر هذا انا الى عاجبه حياه الله والى ما عاجبه الله يحفظه ويوفقه

سورى بس من صجى احتاج اقول هالكلام ويت فيك
كتبت بوست عندك
:)
كله من بوستك اهو السبب

barrak said...

استاذي
انت وهي
عاشقان حتى الثماله
قرات كلامك وتعاطفت معك لاني اعرف احاسيسك الشفافه
وقرات كلامها وتعاطفت معها
احاسيسكم هي السبب
قلوبكم هي السبب
انت لاتحتمل تكرار نفس الخطأ
وهي احاسيسها مفعمه بالعفويه
استاذي
ردها لك كفيل بان يبقى الوضع على ماهو عليه
مااجملكم
استاذي
من النادر وجود انسان مثلك
ومن النادر ايضا وجود انسانه مثلها
استغلوا هذه الندره بالحب
احيانا العفويه نحتاجها لكي نعرف مافي القلب
واعتقد ان كلام قلبها ظاهر في عيناها
وفي عيناك

انت تقول
اهي مو مره لا حبيبتي أمرار
نفس الخطا من جديد ينعاد
ابلقالك عذر مليت اعذار
تنهين حبي واناأخلقله ميلاد

وهي تقول
لاتظلمني ومابالحكي حبيبي اسرار
تغلبني العفويه وعالنيه انقاد
اهو غلط ايه بس شي وخلاص صار
انت تدري اني احبك يالله عاد
وانا اقول
انا بعلاقتكم كتبت اشعار
هيجتوا حرف واحتويتو فؤاد
يبقى الحب مهما هالزمن دار
انسوا هالزعل وخلو الشوق يزداد

إداد منكم اداد

Anonymous said...

الاعتراف بالذنب فضيلة..

بصراحه اللي ما يعترف بغلطته

انسان ما يستحي.

ana_sokkarah said...

أول مرة أطوّف.. وإذا عادها مرة ثانية أبين له إني متضايقة وبنفس الوقت ما أجرحه لأن بطبع المحب التسامح لأقصى درجة.. وصدقني راح يفهم ويحس ويحاول إنه مايعيد هالشغله إللي نرفزتني وإذا يه بيغلط نفس الغلطة مرة ثانية يحاول يتراجع من نفسه خاصه إذا شاف نظرة لها نوع معيّن مني.. وما أقصد نظرة الغضب أقصد نظرة العتب وشي ثاني

أهو كل واحد يقدر يتصرف بطريقته لكن الأحسن إنه يفكر بعقلانيه أكثر إذا فعلا هالشخص يهمه وقضى وقت طوييييييل معاه وحرام أصلا علاقات حلوة جذيه لها عمر كبير تنهد بمجرد زلّه أو غلطه

تحياتي لك عزيزي وموضوعك شيّق جدا كما عهدناك

:)

7osen said...

:Anonymous

شكرا على التعليق والاهتمام

:))

7osen said...

: LORD.M.M

اهلا عزيزي

اعجبني كثيرا تعليقك

بالفعل هي التفاصيل الصغيره اهم شي بأي علاقه

هي من تدل على عمق العلاقه او سطحيتها

شكرا لك
وحياك الله

7osen said...

: MiaMi

اهلا وسهلا

شيء جميل انك تنسين وتسامحين

لكن الشيء اللى اختلف فيه معاج اهو العتب

اذا انسان عزيز علىّ لازم اعاتبه

مو يقولون

العتب على قد المحبه0

ومافي اطاله ولا شي
يسعدني تواجدك وتعليقك

حياج الله

7osen said...

:sologa-bologa

اهلا اخوي سلوقا

كلامك سليم اميه بالاميه

اذا كان شخص عزيز لازم تتكيف مع طباعه

كلام جميل جدا
لكن المشكله اللى صعب تلقى لها حل

تكرار الخطأ

هذا اكثر الاشياء اللى تزعجني

ومثل ما قلت الله لا يجيب الزعل0

شكرا لك

7osen said...

: Cr8ivia

حياج الله

الصراحه انا وااايد اختلف مع كلامج

ما اعتقد في فايده من شخص يكرر الخطأ مليون مره

حتى لو يعترف فيه

واكثر شي حسب رأيي يسبب المشاكل
انصاف الحلول

مع احترامي الكبير لرأيج

تحياتي عزيزتي

7osen said...

: Q8ya

شي جميل انج ماتجرحين صديقتج او اي احد عزيز عليج

لكن هالشي لازم مايكون على حسابج
او حساب شعورج

والاعتراف بالخطأ شي اجمل

لكن اللى يفسد هالجمال التكرار 0

اي والله صدقتي عبدالرحمن بن مساعد شيء غير طبيعي
اكثر من رائع

اسعدني مرورج
واتمنالج كل التوفيق

7osen said...

: charisma

اسعدني جدا تعليقج والتعبير عن مشاعرج

وانا اقولج اقري تعليق الاخ سلوقا فيه الكثير من الحقيقه

لازم انج تتعرفين على اطباع اصدقائج
وتحاولين تتكيفين معاهم

ويمكن رفيجتج تضايقت من الغشمره وحبت تقلبها جد

لأن احيانا في غشمره تكون ثقيله شوي
في ناس ما يتحملونها

وصدقيني محد يزعل عليج الا اللى يحبج

لكن اعتقد انج لازم تراجعين نفسج

لأن صعب ان يزعلون عليك ثلاث اشخاص بوقت واحد

وتكون انت مو غلطان على اي واحد
صعب جدا 0

اتمنى انج تراضين كل احبابج وما تزعلين مع اي احد

واخذي راحتج بالكلام واكتبي امية بوست اذا تبين

يسعدني جدا تعليقج

تحياتي لج

7osen said...

: barrak

مادري شقولك

رائع انت يا براك بكل مشاعرك
وبكل عفويتك
وبكل شاعريتك

تتفاعل مع الغير وتعيش بتفاصيلهم وكأنك انت اللى عايش هالشي

صراحه كلماتك جدا جميله

اعجبني جدا جدا

ابلقالك عذر مليت اعذار
تنهين حبي واناأخلقله ميلاد

هذا الشطر جدا رائع

والله صج عجيييب

شكرا على كل كلمه كتبتها هنيه
شكرا لك

7osen said...

:محمد بن سالم

اي والله يا خوي صدقت

اللى مايعترف بالخطأ انسان مايستحي

اوافق الراي بشده

شكرا على مرورك وحياك الله

7osen said...

: ana_sokkarah

اهلا وسهلا اختي

كلامج جميل جدا

انتي قلتي انج تبينين انج متضايقه

شي جميل

بس شتقولين اذا قلتي انج متضايقه
وتناقشتي بهالموضوع

وبعدين يرد نفس الخطأ يتكرار 0

الله لا يوريج زعل مع احبابج انشاء الله

تحياتي لج
واهلا فيج

3ateeja said...

يقول رويشد
ناس عن ناس ياعمري تفرق مو كل نجمه بالسما تبرق
يعني على حسب هذا الشخص
اذا كان مصر على الخطأ من باب الجهل فأعذره ...واذا مصر عليه من باب العناد وهالخطأ ينزل من كرامتي لا يبا اقول اللي يقوله الشافعي
ففي الناس ابدال وفي الترك راحه وفي القلب صبر للحبيب ولو جفى
وبشكل عام .....الله لا يمل من الغران حتى نمل من الاستغفار ...والله غفور رحيم ..اذا الخطأ ما يسوى ما المفروض نصير حساسين وايد
وبالنهايه كلامي يعبر عن وجهة نظري:)

7osen said...

:3ateeja

اهلا اختي

احترم رايج وااايد

واهو يحمل الكثير من الصواب

ومثل ما قلتي تكرار الخطأ ممكن نتحمله من ناس وممكن نرفضه من ناس ثانيه

ويضل هذا الشي حسب تقدير الانسان

شكرا على المشاركه والتواصل

تحياتي لج

ana_sokkarah said...

مرحبا أخوي حسين.. آنا مو من طبعي أقرى تعليقات غيري قبل لا أعلق اهتمامي للموضوع المطروح فقط لاغير لكن ما أدري شاللي خلاني أقرى التعليقات عندك لفت نظري الحب خلال كلماتها الصادقة العفوية فعلا ومن كلماتها مبين انها ماكانت تقصد شي ويمكن كانت تتغلى بطريقة ما وانت فهمتها غلط ومثل ماقلتلك المحب دائما متسامح يابوعلي

بس بقولها شغله إذا ممكن.. عزيزتي مهما كانت العفوية عندج لازم تحاسبين على كلامج وتصرفاتج معاه أو بالأحرى خلاص عرفتي إن هالشي يضايقة والمره الثانية ييتي بتغلطين نفس الغلطة حاولي تسحبين هالتصرف في إنج ماتسوينه أو الحجي في إنج ماتقولينه وتذكري دايما إن هالشي يضايقه.. وإللي يحب وآنااختج يعرف شنو هالشخص يحب وشنو يكره وشنو هالتصرف اللي يحبه أو يكرهه عاد احنا البنات نموت على هالسوالف ونحاول كثر مانقدر نراضي خاطره..عاد ماشاءالله من كلامج مبين انج تبارك الرحمن انسانه حبّوبة وايد وفاهمة وحساسه وعاد اذا تبين شي انا حاضرة وموجودة انتي بس آمري

غاليتي هذي نصيحتي لج واتمنى انها وصلت وفهمتيها

عزيزي بوعلي عاد انت لاتضغط عليها ترى حواء حساسة جدا جدا وتتأثر لأقل شي ديربالك على احاسيسها ومشاعرها وداري خاطرها وحن عليها وماشاءالله مبين من كلماتك بكتاباتك إنك انسان رومانسي جدا وحبّوب جدا وهالشي والله مايقلل من الرجوله بالعكس يحببها فيك أكثر

عسى الله يهنيكم ويوفقكم ويبعد عنكم أي سوء تفاهم يارب.. بس ترى ملح العلاقات الحلوة الخلافات اللطيفة الخفيفة والمصالحة فيها.. بس عاد لاتكثرون من هالوصفة حلاتها ملح خفيف لطيف ظريف

:)

تحياتي لكم

7osen said...

: ana_sokkarah

اهلا فيج اختي

شكرا لج عزيزتي على هالتعليق الاكثر من رائع

شكرا لكل كلمه كتبتيها

وشكرا لهتمامج

حقيقه مو عارف شرد عليج

بس راح اقولج شكرا جزيلا

ويعطيج العافيه

اتمنالج كل السعاده

Anonymous said...

يا جماعة مشكورين على كل التعليقات الي انصفتني والي ما انصفتني بعد .. والي اكشفت عن ناس مشاعرها تشمل الدنيا بالي فيها من الطيبة والاحساس بس للي فاهم غلط ترى الي بيننا مو الي في بالكم .. حسين صديق عزيز علي واخو احترمه وايد .. لا اكثر =)

الحين وضحت اكثر .. صح ؟

نسيت اوضح هالشي من البداية سامحوني =)