5/20/2007

تساؤلات
















at first sight





عند الإبصار الأول





منو شايف هالفيلم





***********





فرنسيس بيكون يقول





كثيراً مانرى اسوأ الأزواج يتزوجون من افضل الزوجات





ويقول بعد





يكبر الإنسان سبع سنوات في افكاره في اليوم الأول من زواجه





**





تقول في السنه الاول من زواجي كان زوجي دائما اذا رد البيت تعبان





يقولي تعالي قعدي يمي ويحط ايده على كتفي يعني يلمني ويقعد يفكر





كنت احس بفرحة كبيره وبأمان كبير ،، لما يسوي جذي ،





بعد مرور سنتين على زواجنا صارت هذي الحركة ما تحرك فيني اي شعور عااادي جدا





بعد ثلاث سنوات صرت اتضايق منها حييييل ،،، واحيانا اوخر ايده عني حتى انه بدأ يستقرب





وانا نفسي مو عارفه ليش بدت تضايقني هذي الحركه مع انها تحسسني بقربه مني وحاجتة لي





**





هذا الوضع او شعور هذي الإنسانه شنو يفسر





***





يقولي انا احب زوجتي ،، احبها صج





لكني احيان كثيرة اكون ابي اقعد بروحي مابي اكلم احد





ابي استمتع بخصوصية خاصة بس فيني انا





ابي اشغل فيلم واطالعه بدون ما احد يكون معاي





يقول





احيانا اطالع لها اشوفها احلى وحده بالدنيا ،، واحيانا اطالع لها واحس انه لايعه جبدي





يقول هذا شي عادي ولا انا غير





*****





شنو اقوله هذا





***





في قصه قصير جدا فيها مقطع صغير يقول





( بما معناه طبعا )





يقول





كنت قاعد في احد فنادق العالم اشرب فنجان قهوة





فجأة حسيت بشوق جارف حق صوتها حسيت اني ابي اقول لها احبك





رفعت السماعة ودقيت ،، اياني صوتها مثل ما احبه





قلت لها كيف حال الأولاد





قالت بخير واكملت





اشتقتلك وااااايد





قلت لها يالله مع السلامة





****





ليس سوا جذي


شنو السبب





****





_______________________





هالأيام عندي شعور بالهدوء





وهذا الوقت وقت اخر العصر يزيد هذا الهدوء





احب اكتب بهذا الوقت





احس ان الحياة بكل تفاصيلها الصغيرة السخيفه جدام عيوني





احس اني سارح بدنيا ثانية ،،، بس دنيا حلوه





احد يعرف هذي الدنيا ؟؟





******





حقك


:





لازم تكون انت جزء من كل شي اسويه





:





تتخيل كل الكلام اللى ينقال يعنينا بشي





انا ما اظن





،،،،،،





عند هذا الحد اوقف لأن الكلمات بدت تتساقط من قلبي





لازم اقوم





***














28 comments:

TReSTeN said...

ودي اشرحاك لك تفاصيل موضوع ما .....

بس الجو فييه غييم

لوووووول
بس بالنسبة للهدوء للاسف مامريت فيه

حياتي دايما عاصفة وتتخبطني تارة فوق واخرى باسفل نقطة تقلباتها صعبة

لم تترك لي اي فترة هدوء ابدا يمكن احسدك على هالهدوء المؤقت

اتمنى اعايش بعض لحظاته

Mishari said...

كل اللى انقال طبيعى
واكثر شى
هالجملة


لكني احيان كثيرة اكون ابي اقعد بروحي مابي اكلم احد





ابي استمتع بخصوصية خاصة بس فيني انا



الحريم يتوقعون ان بس اهم لهم الخصوصية وكأن الرجل شاذى بس يحب الدواوين
ونسوى ان الشخص اي كان بالاخير بنى ادم
طبيييييييعى يحتاج الاسترخاء بروووووووووووووحه

Kuw_Son said...

الخصوصية شي ما يستغني عنه الريال ..

المشكلة ان شافته زوجته قاعد بروحه و ما يبي أحد معاه .. قالت أكيد عنده شي أو اني مضايقته أو ما يبيني ..

الريال من قترة لأخرى يحتاج لأن ينسحب و يدخل عالمه لوحده و يحب في بعض لأوقات أن يكون له عزلة مع نفسه ..

لو تقرأ كتاب الرجال من المريخ و النساء من الزهرة .. في موضوع تطرق له الكاتب عن الرجل و كهفه الخاص وانه يحتاج لأن يدخل كهفه ولا يحب أن يشاركه أحد فيه !!

Almas said...

الرجال لهم خصوصية
وأيضا
النساء لهم خصوصية
لأن الأثنين بشر

أحيانا الواحد يبي يشعر بشئ خاص فيه أهو بروحه .. في منطقة محظورة على الغير أيا كانت علاقة القرابة

إن شاف الريال المرأة معتزلة ... قال صادة عني

وإن لاحظت المرأة قالت أكيد سرحان بشي .. أكيد في انسانة بحياته

المشكلة تكمن بالحوار والتواصل المناسب في المواقف المناسبة

واعتبار خصوصية كل من الطرفين

magnoonah said...

اطلع اكبر جذابه لو قلت لك ان عندي رد لاسالتك
لا عندي التجربه ولا عندي الخبره
اتوقع الباقين راح يفيدونك ويفيدوني بعد بردودهم


احسك بكلمات كنت حيل صادق ما اتوقع هذي خاطره لا بالعكس هذي كلمات انصبت من القلب على الورق مثل الماي


انت ليش وقفت ؟؟

بنت الشامية said...

ترى هذى هى الحياة الطبيعية

ما فيها زيف او تمثيل...كل يتصرف على

طبيعته.....لانها مو يوم او يوميين

هى حياة عمر



لذا اتخذت مع زوجى قرار...من مده

طويله....ان كل واحد ياخذ اجازة من

الثانى مره بالسنه على الاقل بالنسبة لى

لانى ما اقدر اهد عيالى

اما بالنسبه له فله مطلق الحريه


صدقنى ان هالاجازة تجدد الحياة بينا

ونوله على بعض لان الانسان يحتاج ساعات


كثيره ان ينفصل عن اقرب الناس لديه

ويكون بروحه

وعلى كل واحد ان يحترم خصوصية الاخر


بس مو معنى ان الحب انتهى بيننا



او الحياة صارت بارده بينا

بس من اجل تجديد الحب وكسر الرتابه

بالحياة

charisma said...

لا تقوله شى
الوضع طبيعى جدا
انا من مؤيديين الفجه
بريييك شوى برييك
ادااد
تخيل هالحياة ابديه لين الله ياخذ امانتك
او ما تكمل معاها
بتكون مجابلها
!!

الابتعاد يجدد الوله والشوق

ويثبت كلامى ان لما يسافر الزوج فتره يحس بالشوق والوله

وخصوصا اذا الزوجه معشرها حلو

:)

Breeze said...

تساؤلات تستوقفني أحياناً بكثير من علامات التعجب و الإستفهام ..

تساؤلات تحتاج إلى جواب ( مقنع ) رغم عدم وجود أي تقبل بداخلي للإقتناع بأي سبب أو حجة قد تنطرح ..

تساؤلات عندما تنقر عقلي الصغير من خلال المواقف التي قد أسمعها أو أمر فيها تجعلني أصل إلى حقائق لا يمكنني إنكارها ..

1 -
اللي ما نبيه يبينا واللي نبيه عيا البخت لا يجيبه ..

2-
دوام الحال من المحال

3-
آخر حقيقة توصل ذاتي لإستكشافها هي أننا دائما نسعى وراء الأشياء التي نفتقدها وعندما نحصل عليها نحن لإفتقادها


--

يعطيك العافية :)

TReSTeN said...

Breeze

فعلا استوقفني كلامج بشكل مثير

انا عن تجربة شخصية حبيت اقولج ان كلامج صحيح تماما تماما تماما تماما
لقد اصبتي كبد الحقيقة

والله بشكل غريب كلامج يعبر عن واقعنا باختصااار

Purplecious said...

اييييييي هذا الفيلم مال فال كيلمر دوره أعمى
قديييييم ما أذكره عدل


حسين قوله

c'est la vie

ترى الحياة بسيطه بس احنا معقدينها

و على قولتهم: كبرها بتكبر صغرها بتصغر
هههههه

اللي لاحظته ان الريال يحب يقعد مع نفسه أكثر من المرأه
المرأه تستاحش هههههه

سمعت عن دراسه مفادها ان حديثي الزواج يحتاجون 5 سنوات على الاقل لمعرفة طباع بعض

Cixousian Panic said...

hmmmm...

ananiyah 3a6ifiyah o 5of.

كادي said...

كل انسان محتاج للخصوصية حتى بين الأزواج والحياة الزوجة صعبة موسهلة والإنسان يحس خلالها بالحب الجارف والحب العادي والإشتياق والفتور بس أن الواحد تلوع كبدة من الثاني فهذي مرحلة خطرة لازم الواحد يعرف سببها ويقعد يتصارح مع الطرف الثاني وإلا يكون الكلام صحيح ان أسوء الأزواج لأحسن الزوجات أوالعكس صحيح لأن إذا مافي مصارحة كل واحد يشوف الثاني كله عيوب وهو الملاك ويتحسر على نفسه

ZoZOta said...

غريبة تناقضات مشاعرنا احيانا
نبي نكون قراب بس هم بعد نبي خصوصيتنا
نبي حب بس هم بعد نبي نرتاح من هالحب
نبي نشار حياتنا مع الآخرين ونبي مساحتنا الخاصة

http://al-zain.blogspot.com/

7osen said...

:TReSTeN

من الافضل عدم الشرح

:)))

لأني اعرفك ان شرحت استرسلت

وان استرسلت ابدعت

:)))

الهدوء الاجمال هو الهدوء الداخلي

الهدوء الذي يغلف مشاعرنا بالسكينه والطمأنينه

اتمنى ان تحضى به

تحياتي لك

7osen said...

: Mishari

اهلا وسهلا

اييي والله بعض الحريم من شافت الريال قاعد بروحه قالت خلاص مل مني


كل واحد يحتاج خصوصيه ولحظات من الاسترخاء والوحده 0


تحياتي لوجودك عزيزي

7osen said...

: Kuw_Son

اهلا اخوي

صدقت

الرجل دائماً يحتاج انه يدخل عالمه الخاصه بدون مشاركة من احد

ولو علمت الزوجات انها لما تخليه بروحه فترة من الزمن يستمتع بلحظاته الخاصه راح يرجع لها بكل الحب والشوق

جان ما تذمرن من هذي التصرفات للرجل0

تحياتي

7osen said...

:الماس

عجبني كلامج جدا

وخصوصاً هذي الجمله



أحيانا الواحد يبي يشعر بشئ خاص فيه أهو بروحه .. في منطقة محظورة على الغير أيا كانت علاقة القرابة

ايي والله صدقتي بس لو نفهم هذا الشي عدل ؟

تحياتي عزيزتي

7osen said...

: magnoonah

اول شي

انا موافق على تأليف مقدمات المسلسلات

خوووش فكره

:)))))


شوفي انا برايي ان موشرط الإنسان يكون عاش التجربه على شان يكون فيها راي

يعني ممكن نقول راينا بأي تجربة كانت حتى لو ماعشنها

وتحياتي لكلماتج الجميله

:
متى نبلش بالتأليف ؟

:))))))

7osen said...

:بنت الشاميه


جميل جدا هذا الاتفاق

وهذا الوعي بطبيعة الانسان وبرتباطه بالشريك


الصراحه احييج على هالتصرف وهالاتفاق اللى فعلا يجدد الحب بين الزوجين


تحياتي عزيزتي

7osen said...
This comment has been removed by the author.
7osen said...

: charisma

اهلا ومرحبتين


كلامج صحيح

مثل البقيه الابتعاد يجدد الشوق والحب

بس احلى شي كلمة اداد

ذكرتني بغنية قديمه حق نوال

خلاني اصيح اداد اداد

حلووووه هالكلمة

تحياتي عزيزتي

منوره

7osen said...

: Breeze

تعجبني طريقة فهمج وتحليلج للاشياء

حقيقة تعجبني جدا

يعني انتي قلتي اخر نقطة رقم 3

آخر حقيقة توصل ذاتي لإستكشافها هي أننا دائما نسعى وراء الأشياء التي نفتقدها وعندما نحصل عليها نحن لإفتقادها

هذا تساؤل دائما يحيرني

ليش لما نحصل على الشي يفقد قيمته عندنا

واخطر شيء اذا كان هالشيء انسان

صراحه احيانا تكون تصرفات الانسان قمة بالتناقض والتعقيد ويصعب على الواحد فهم الدوافع وراء هذه التصرفات 0

دائما متميزه بتعليقاتج

تحياتي لج

7osen said...

: Purplecious

اهلا

اخيرا حصلت واحد شايف الفيلم ويعرفه

ايي اهو اللى فيه فال كيلمر

والله عجيييب هالفيلم فكرته واايد حلوه

صج ممتع

نصيحه ردي شوفيه مره ثانيه

انا دائماً اعيد مشاهدته

:

على قولتج الحياة بسيطه

كبرها بتكبر صغرها بتصغر

حلوووه هالكلمه

حبيتها

اكيد راح اعلق عليها

:)))))))

7osen said...

: Cixousian Panic

اهلا

اهي مشاعر مختلطه

كل شي يتخللها

تحياتي

وشكرا على المرور

7osen said...

:كادي

فعلا العلاقه الزوجيه صعبه جدا

مو سهله

تحتاج علشان تستمر بنجاح المصارحه الدائمه

والكلام بين الزوجين بكل شفافيه ووضوح

تحتاج الكثير من الصبر والكثير من الاحترام والاهم الكثير من الحب 0

7osen said...

:ZoZOta

اهلا وسهلا

انا ما اظن ان هالشي غريب

هذي طبيعة الانسان

يحتاج احيانا يكون مع الناس واحيانا يحتاج يكون بروحه

والانسان بطبيعته ملول

يعني يمل حتى من اقرب الناس

علشان جذي احيانا الابتعاد لفتره قصيره يكون علاج ناجع

:
تحياتي لج وحياج الله

2 u ALL said...

الأنسان يحب الأنفكاك من القيود ..!! لانه أنسان "حر" ..!! وفي نفس الوقت لا يستطيع العيش وحده ..!! لأنه أجتماعي بطبعه ..!!؟

والأنسان يحب التعود على الأشياء..!! وفي نفس الوقت يعشق التغيير ..!!؟

فمن يفهم أن الأنسان دائماً ما يجمع النقيضين من كل شئ في داخله ..!! عرف نصف الحقيقه ..!! ومن عرف بأن الراحه التامه هي في خلق حالة توازن بين هذين النقيضيين عرف كل الحقيقه ..!!؟

فحاول أن توازن بين النقائض الموجوده في نفسك ..!! وأن لا تطغي أي منها على الأخرى ..!!؟

7osen said...

: 2 u ALL

اهلا اخي العزيز

وين هالغيبه ؟؟

حقيقه كلامك قمه الحقيقه وعلى مايقولون زبدة الحجي

جدا عجبني تحليلك

وفعلا الانسان اللى يقدر يوازن بين النقائض الموجوده في نفسه

اكيد راح يكون مرتاح في جميع اموره
وراح يلقى صيغه مناسبه لجميع علاقاته

شكرا لمرورك الجميل
تحياتي