9/26/2007

راحة




مر 14 يوم على شهر رمضان بسرعة كبيرة جداً

سبحان الله الأيام صايرة تمر بطريقة مجنونة تركض ركض

رمضان له أجواء خاصة جداً ،، أنا أحس إني بأفضل حالاتي في هالشهر الكريم

عندي أحساس إني ودي أروح أقرقع ونااااسة هههههه

أجمل شي بالحياة لما تحس بالهدؤ النفسي والسكينه الروحية

وهالأيام هذي قمة الهدؤ والسكينة

أحساس يخليك بمنتهى الراحة ،، تقدر تسيطر على إنفعالاتك وعلى أعصابك

وتقدر تتحكم بتصرفاتك بكل أريحية

تحس إن قلبك مفعم بالعاطفة والحب لكل الناس ،، أحب لما يمرني هالأحساس

دائماً في شهر رمضان تمرني هالمشاعر المريحة

أحس هالأيام إني متغير للأحسن وأحس إني قوي من داخل مو مهتم لموضوع كان

يسببلي قلق دائم وحيرة مستمرة أشعر إنه مو قاعد يهمني بنفس الدرجة

يمكن هالشي صورة تطبيقية لمقولة لكل شي نهاية

يعني مو ممكن تظل على طول بشعور واحد ،، لازم في نهاية

وأحياناً النهاية تكون الحل الأمثل والأجدى لكل شي

والنهاية في بعض الأحيان تكون نقطة البداية لشيء أجمل وأكبر وأمتع

ومهما وصلنا لأي مرحلة متقدمة من أي شي بحياتنا

بإمكانا إنا نرد نبدى من جديد بكل تفاؤل وبكل أمل وبكل قوة

المهم إنا نكون مؤمنين بحقنا بالحياة بحرية وبسعادة وبإيمان


************

سؤال : إذا حبيت شخص يتحول هالحب بنفس القوة لأي شيء من ناحيته ؟؟

يعني هالأيام أحس إني أحب هالبنوته النتفة ذات الثلاث أشهر بنفس الطريقة

لحبي لوالدتها أحس إن ويها الحلو يبعث بالنفس راحة مثالية وحب بلا حدود

شهودة بنت بنت أختي

لازم أروح الحين أكل من قرقيعانها

:))))

يالله مع السلامة

35 comments:

78o8eYa said...

مساءك سكر

هالشهر له قوية خفية في التغيير للأفضل من جميع النواحي

على فكره، انت قوي دام قلبك ينبض ومشاعرك تتأثر
وإنسانيتك لاتزال تتنفس
انت قوي ^_^

والحمدالله ان نفسيتك مرتاحه
عسى دوم إن شاء الله
:)

وأهم شي إنك تبي (تقرقع) ، ودي أشوف ردة فعل الأمهات لي بطلولك الباب
;pP~

-----

ربي يسلّم شوشو ويخليها لأمها
الأطفال ببرائتهم وطفولتهم ينثرون الراحة والبهجة
شلون لو كانوا عيال ناس غالين على قلوبنا

أكيد كل شي من صوبهم بتكون له نفس المعزة
واكثر

، بالعافيه القرقيعان
وعساكم تعودونه
كل سنه وتصومونه
^_*

Unknown said...

هالشهر غير وكاهو سبحان الله مشى بسرعة عساك تعوده وتصومه سنين وسنين طويلة بالخير وبالبركة

عسى الله يحفظك اخوي بو على

SHAHAD said...

الشهر الفضيل بأجواءه الواحد يحس بطمأنينه وراحة مالها مثيل
عسى ربي يديم عليك الاحساس بهالشهر وبعد هالشهر

.
.

أحلا شي إنه تبي تقرقع
تصدق حتى آنا ودي لووول
أمس وانا أسوي قرقيعان أخواني الصغار
اشتهيت اسويلي قرقيعان باسمي لووول

.
.


فديت سميتي ;)
ربي يخليها لكم إن شاء الله
وتشوفها عروس وتفرحون فيها
دايما إذا نحب شخص غلاة عياله تكون كثر غلاه وأكثر بعد

بوست جميل
فرحت لك من كل قلبي

`~MnO YeNSa! ~` said...

zooqa allah ekhalehaaa enshallah ,, o erma`6aaaan eeeh walla maboqa shay o ekhaleee9 :( .. ena e9ara7a bagage3 mali sha`3ell :p

Shaima'a Alkandari said...

بهذا الصباح على الرغم من تعبي بهذا اليوم الا انى دخلت الى مدونتك وقرأت حروفك

بهذا الشهر الفضيل تصفو النفوس ويأتي بخلد الانسان شعور براحه وطمأنيه ليس لها مثيل شعور جميل يراود الانسان

صدقت بقولك ان النهايه تعلن بدايه جديده مليئه بالكثير والكثير

والانسان متغير بكل شيئ وحياته متجدده باستمرار ومنا من يتجه ويتغير للاحسن ومنا من يتغير للأسوأ او يقف بنفس ماوصل اليه لاتغيير

الحياه حلوه ومستمره وتجدده فلنغتنم الفرص ونجدد حياتنا وننعم بحياه هانئه جميله

وبالنسبه لسؤالك مااعتقد لان في تفاوت ممكن معزه بس

والله يخليها لكم يارب وعقبال ماتكلون ككاو عرسها

ودرب السلامه

5roofa said...

دووووومز يااارب لووول تعال انثر علينا شوي من هالراحه
يارب دوم مرتاح و مستانس و مايكدرك ولا شي قول امين

على النهايه تدري اخاف ممنها اخاف انهي شي ماحب انهي شي ماحب نهاية الشي حتى لو كان متعبني مادري يمكن تفكيري عوي بس تي عرات الاشياء الي مسببتلي قلق و محاتاة و مخليه بالي مو مرتاح و قلبي مختبص فوق تحت اهي الاشياء الي ماودي تنتهي
;/
مادري اذا ينفهم الي قلته ولا طلع حجي مو مفهوم

الله يخلي البنوته ياارب و تشوفها عروسه عادي هالشعورو تحسه عرات على اشياء سخيفه تحبها و اتعلق فيها لانها فيها من الي تحب

T.C

salamz friend...

Najmah said...

اي صج سبحان الله راحة وهدوء وبال وسيع
عسى ربي يتمم ويعوده عليك بالخير والبركات

لما نحب انسان شي طبيعي انحب كل شي متعلق فيه :)
الله يحفظ شهودة ويخليها لكم يارب
:)

TReSTeN said...

اقووووول حجي تعال قرقع عندي

وتعرف شعطييييييك

هههههههههههههههههههههههههه

انت شفت شهوودة الصغييرة

وجذي اشلوون لو تشووف شهوودة الكبييرة

واااااااااااااي

اتوقع بصيير عندك سكووووت عااطفي

ونااطرك ضروووري تقرقع عندي

esTeKaNa said...

قرقيعان وقرقيعان
بيت قصير ورميضان
عاده عليكم صيام كل سنه وكل عام
الله يخلي شهوده الله يخليها لامها
:))
واي الحين ارتحت،صار لي جم يوم بخاطري اقرقع،بس خايفه على برستيجي يقولون كبرت واستخفت
:)
نرد حق البوست العجيب
رمضان فرصه ونقطه بدايه
والعبره مو بس برمضان
العبره قوتنا وجهادنا حق نفسنا بعد رمضان
حسين
مرات تمر علينا لحظات نعتقد انه في امورما نقدر عليها،وانه بنتعب
وبنضيع
وبصير اشيا وايد عقبها
بس اذا صارت الله يمسح على قلوبنا
ويبرد علينا
!!
توكلنا على الله واليقين انه كل شي خيره راح يخلي امور كثيرة تكون اسهل
ليش قاعده اقول جذي؟
مادري البوست في شي بين السطور
:))

Nora said...

:D
عاااااااااااش حسين
و اخيرا وصلت لنفس القناعة اللي وصلت لها
الحمدالله على السلامة
نعم .. نتعلم من الحياة .. فن النهايات .. رفضته شخصيا
و ما ارتحت الا بمواجهته
:))

لكل شيء نهاية ..و تكشف نهايته الكثير من الحقيقة

وااي فرحانة لك ما ادري ليش
بس حس التفاؤل طاغي الله يتمم و احب انا كلمة سكينة و سلام داخلي اشوفه سر السعادة و يعتمد على نظرة الانسان فقط لا غير بغض النظر عن ظروفه

.
.

المشاعر الفوق صادقة هي التي تنتقل لأي شيء من ريحة الغاليين

الله يبلغكم فيها و ايي اليوم اللي تكتب فيه عن بناتك الحلويين
:)

PearL said...

سبحان الله هالشهر له طعم ولون و حلاوة مو طبيعية


الله يخلي بنت بنت اختك :)

7osen said...

:حقوقيه

ياهلا ومرحبا

أي والله يعني انا مؤمن إنه له قوة خفية
فعلا هاشهر يغير الواحد للأحسن دائماً

مشكورة عزيزتي على الكلام الحلو

:
ردة فعلهم أكيد راح تكون بمنتهى الطبيعية هههههه
تخيلت الموقف

:)))

الله يسلمج
وشوشو تسلم عليج

شكرا على الصدارة

تحياتي القلبية

:)

7osen said...

: مشاري

اهلا وسهلا

أي والله هالشهر غير

بس للأسف بسرعه يمر

الله يوفقك ويسلمك عزيزي
ويعوده عليك بالخير

تحياتي لك

7osen said...

:شهد

ياهلا ويا مرحبا بشهوده

الله يسلمج مشكورة على هالكلام
والشهر الفضيل شهر الراحه النفسية فعلاً

أي والله ليش مايصير الكبار ايقرقعون
هههههه
تخيلي

:
مشكورة على هالكلام

تصدقين أنا كل ما أقرا اسمج اتذكر شهوده الصغيره
علشان جذي اقولج شهوده

:))

الله يسلمج عزيزتي

أتمنالج التوفيق

7osen said...

:MnO YeNSa!

أهلا وسهلا

الله يسلمج مشكوره

مشكله الايام تمر بسرعة كبيرة
والشهر مابقى فيه شي
الله كريم

:
أي والله

يبيله قرقيعان

:))

تحياتي لكِ

7osen said...

:شيماء
اهلا وسهلا عزيزتي

والله يسلمج من كل تعب
وما تشوفين شر

كامج صحيح هالشهر يترك بنفوسنا راحه وطمأنينه كبيرة وايد

:
انا وايد مؤمن إن النهاية دائماً وراها بداية أخرى

تحياتي لج عزيزتي
ومشكورة على كلماتج المميزة

والله يسلمج

7osen said...

:خروفا

اهلا ومرحبا

شكرا لج خروفا على كلامج

بس صراحه رايج شوي فيه غرابة

يعني انتي ليش ماتحبين الأشياء اللى مسببتلج قلق ومحاتاة تنتهي ؟؟

المفروض يكون العكس

:

شكرا لج عزيزتي وما قصرتي

تحياتي وأمنياتي

7osen said...

:Najmah

أهلا وسهلا عزيزتي

الله يسلمج ومشكورة وايد

على مرورج وكلماتج

أتمنالج كل التوفيق

7osen said...

:ترستن

اقول شقرقع عندك

إنت ناس وااااس

ولا تقعد تخربطلي بكلام مو مفهوم

أحسن شي إنك تستمر بمسابقتك

وتشوف في أحد طلع بعد المركز
96 مليون
و537 الف
و741

ولا لأ

ههههههه
بس إللى بهالمركز شلون صاير شكلة

ههههههههه

7osen said...

:إستكانه

اهلا وسهلا عزيزتي

بعد هالتقرقع
لازم نعطيج من قرقيعان شهوده
:)

صراحه حبيت كلامج واايد
لأنه حقيقي

فعلا لازم المحافظه على نفس الشعور حتى بعد رمضان وهذا المهم

شكراً لج إستكانه على كلماتج إللى دائماً أخذها بعين الأعتبار لأني أؤمن بصدقها

تحياتي لج

7osen said...

:a7La eNG

مرحبتين
اهلا بالمهندسه

أيي والله أخيراً وصلت لهالقناعة

أجمل شي وأريح شي المواجهة
لأنها لازم تأتي مهما حاولنا أنأجلها

مشكورة عزيزتي على المرور
والله يسلمج ويسمع منج

أتمنالج كل التوفيق

7osen said...

:بيرل

أهل وسهلا عزيزتي

شلونج


أي هالشهر كل شي فيه غير
صج راحة نفسية


الله يسلمج ويخليلج بنتج

تحياتي لج

ودمتي بكل الخير والسعادة

5roofa said...

لانه اغلب الاشياء الي مسببتلي محاتاة و قلق اشياء احبها و ماقدر استغني عنها لول مادري اذا شي يدش العقل او لا بس احس هذا شعوري

thanks again

salamz....

Ms Lonely Lavandier said...

ياحلو رمضان ^_^
صج فيه سهوله كبيره للتغيير ولله الحمد

عسى ربي يونسك دووم وراحتك ماتنتهي مع نهايته
ان شاء الله = ")

الله يبغلنا فيك ابو يا بوعلي X' )

الزين said...

صار لي مده ما مريت

حبيت اسلم

واقول لك لكلماتك انا حنيت

وحتى لو غبت وغطيت

انت على البال ومدونتك ابد ما نسيت

7osen said...

:خروفا

أهلا وسهلا

والله مادري خروفا يمكن أقدر أفهم شعورج

بس القلق شعور واايد متعب

الله يبعدج عن القلق والمحاتاة

تحياتي لج

7osen said...

:Ms Lonely Lavandier

اهلا وسهلا

أي والله صاجه ياحلو رمضان

مشكوره عزيزتي على الزيارة الجميله

الله يعطيج العافيه

وتحياتي لج

7osen said...

: زوزو

ياهلا ومرحبا

شهالغيبه هذي

حياج الله عزيزتي

ومشكورة على هالطله الحلوه

والكلمات المميزة كالعادة

دمتي بكل الخير

magnoonah said...

تقرقع ها ومن وراي بعد ؟؟؟


شوف امي خذت قرقيعاني وعطته حق عبود كله الله يرضاها عليه بالعافيه
وعوافي عليك قرقيعان بنيتكم
:)
اما سؤالك عم رمضاني فانا اسميه رمضان طاش ما طاش على الحركات القرعه الي يسوونها فيني اهلي
:)
ــــــــــــــــــــــــ
الراحه , السكينه ،الاستقرار النفسي
هل هي اماني لم احلام نعيشها
حتى لوتمر بالواقع مرات
عسى ربي يتمم عليك وفعلا ترى انت محتاج هالشي ما ادري احس جذي
ورمضان لانه شهر العباده والواحد يكون قريب من ربه ومصفي النيه اكيد الله ما راح يقصر معاه

اتمنى احساسك ما يتغير ولا ينتهي واذا تغير حاول انك تغيره للاحسن

تحياتي

Manooya said...

اجواء رمضان ماكو مثلها فعلا =)

يا بخت الي يستغل هالايام بالطاعه ..

القرقيعان موسم عوار بطن صار =\

وايد كاكاو وحلاو .. انا اقترح يسوون شي يديد يحطونه بدال الحلاو .. ميك اب مثلا =\

ويصير التشيحط وانا قرقيعان بنتي ديوور وانا قرقيعان بنتي جيفنشي لوول ترى يسوونها لا تستبعد =)

كل البنات بيستانسون صدقني =D


لا تلومني انا بالدوام وحدي نعسانه ومو مسئولة عن اي تناثر لفظي ممكن يصير الحين =\


مبارك عليك العشر الاواخر لوول حسين تصلي جيام =P ?

بدال القز ويا تريستن روح صليلك ركعتين يفيدونك باجر وخر عن تريستن ترى ما وراه غير جهنم وبئس المصير ;P

تحياتي ميشو =)

7osen said...

:مجنونه

أهلا وسهلا

شلون المجنونه الصغيره

بالعافيه عليه قرقيعانج

:)))

مشكورة على كلماتج الحلوه

وإن شاءالله الأستقرار والسكينه للجميع

شكرا لج أختي الغالية

وناسه أحلى شي طاش ما طاش
ههههه

تحياتي لج

===========


: منويه

أهلا وسهلا

تصدقين مادري شقولج

إنتي تدرين أنا شنو بقولج صح ؟؟

**
راح أخلي ميشو أهو يرد عليج
لأنه سليط اللسان

تحياتي لج

The Doctor said...

بوست يبعث الأمل


بالتوفيق دائما


و إلى الأمام

بس استغربت من تعليق لقيته بين التعليقات

يالله الناس أجناس ... وياما نعيش و نشوف


أبارك لك ما بقى من الشهر

2 u ALL said...

عساك بهذه الحاله "الحلوه" دائماً ..!! وليس في شهر رمضان ولكن انشاء الله في كل شهور السنه ..!! والنهايات لحالات "القلق الدائم والحيره المستمره" دائماً ما تخلق بديات جديده و رائعه خصوصاً أن كان قرار "النهايه" مبني على أقتناع ..!!؟

الحب يتبع الحب ..!! فأذا حبيت شخص تحب كل شئ من طرفه أو تبعه ..!! وعسى الله يخلي لك "شهوده" وأمها وجدتها ويخليك لهم ..!!؟

lawyer said...

انشاء الله تشووووووفها عرووووس

:))))))

7osen said...

:Angelic

اهلا وسهلا

شكرا لج عزيزتي على هالكلمات الحلوه



والتعليقات
هههههههههه

اي والله الناس اجناس وياما تشوفين اشياء غريبه عجيبه

يعطيج العافيه
تحياتي

============

:2 u ALL

أهلا وسهلا اخي العزيز

مشكور على كلامك الطيب

والله يسلمك على الدعوه الحلوه

يسعدني تواصلك

تحياتي لك


==========
: لوير

يا هلا ومرحبا

الله يسمع منج إن شاءالله

مشكورة على هالزيارة الحلوه

اتمنالج كل التوفيق