2/12/2008

^_^













ولأني أحبك سأكتفي بالصمت


ولأني أعشقك


سأتكلم





***


صارلي فترة أحس بحالة صمت


سكووووت


لا حب ينطقني ولا حزن يخليني اتكلم


سكوووووت


بس مش حنصور





لغة الصمت لغة جميلة


يعني أنا نزلت عشر بوستات بس كانت بدون كلام


منو قراهم ؟


:)





أحساس بالحب لكل شي يعبرني ويتمشى ويتجول داخلي


برغم كل شيء وكل السنين يظل هالاحساس بداخلي





أحب نفسي لما أحب كل الناس


وأتمنى للجميع السعادة


ما أحب لما تسيطر علي شخصية الشرير


ههههه





أيي أحياناً تسيطر عليً بسبب أو أخر


لكني أطردها من نفسي بسرعة


أحب أكووون نفس أحساسي الحين


أحب كل شي


حتى أنور





:)





****


أتمنى أحبك وأتكلم


أحساسي فيك طاغي


يملأ كل ذرة في كياني


حب مختلف


لم تفارقني إبتسامتي


فمنذ رأيتك


والقلب لازل مشتعلاً بالفرحة





الحب يخلينا نحس بالرضا


والأمان والسعادة


حب كل شي


كل الناس إللى حوالينا


وكل الأشياء


أصغر الأشياء وأتفهها








*****


لكِ





لاتوجد أي كلمة تفي الغرض


أحساسي بك مجنون


بكل معنى الكلمة


ولكن


كلمة واحدة هي كل ما أشعره


وكل ما أراه


وكل ما ما أريد قوله


وكل شيء


كلمة واحد


:


:


:


...........


ليس بالضرورة أن أقولها


فأنتي والجميع يعرفها جيداً





*******





المشكلة كانت وراح تظل فييييك


ما أكرهك


على العكس تماماً


والله العظيم واايد احبك برغم كل شي


أحياناً يكون الفراق أحسن حل


من أجل أن يبقى التقدير والحب ربما


مع إن إللى صار مؤسف ومخجل وكريه


لكن هذي الحياة


أنا مقتنع إن المشكلة فيك إنت لأنك للأسف شخصية غريبة جداً


لكن المهم


أتمنالك من كل قلبي


كل السعادة وكل التوفيق


وكل الحب





:)





*****


اليوم أحسه يوم وداع الشتاء


الجو مغيم وحار وأحيانا ممطر


الجو رومانسي فيه نسمة حب


مال تقعد على البحر وتتخيل يصيرلك شي مفاجئ


مثل قصص العزيزة خروفا





:)





إنت قريب وايد رغم إنك بعيد وايد


أهداء خاص


لك





فزيت


21 comments:

الزين said...

اقول حسين

اذا كل هذا صمت
عيل السوالف شلون تصير

:)

بس والله خوش بوست
لك تعابير رقيقة تمس فينى شي
ما اعرف اسميه
تدري شلون
بقول تمس منطقة حسين بالقلب
:))

بس خوش بوستات العشرة الصامته
استمتعت فيهم وايد

الزين said...

هيااااااااا

وانا اول وحدة تعلق بعد

ياسلاااااااام

:)))

Najmah said...

أحب احساس الصمت
عكس الاحساس اللي قاعدة أمر فيه

كلام وايد وزحمة احاسيس لي درجة اني ضايعة وكل شي فيني متلخبط



شعور حلو دايما يصاحبني وانا اقرى بوستاتك :)

7osen said...

:الزين

ياهلا ومسهلا

أي والله يالزين صمت
ولازالت هالحالة مسيطرة

بس أسرق منها هنيهات
أتكلم فيها

ههههه
أهم شي هنيهات

تعرفين شلون
لما ماتلقى تعبير مناسب يوصف الأحساس الداخلي
مهما كان هالاحساس
حزين ولا سعيد

شكراً لج لأنج قريتي وأستمتعتي
في البوستات الصامته

شكراً للزين
تحياتي لج عزيزتي


================

:نجمة

أهلا وسهلا
بنجمة النجوم

أحساس الصمت فعلاً حلو
بس يصير مؤلم وقاسي إذا طول


حاولي ترتبين هالزحمة
أو خليها دافع للإبداع الفوضوي


شكراً لمرورج العطر

أجمل تحية

حنين الشوق said...

مساك الله بالخير أخوي

للصمت لذة وراحة لا يشعر بها إلا الصامتون
أنا أعشق الصمت
مع أني أجتماعية و وأحب المخالطة
بس الصمت له احساس ثاني
احساس يخليك تحس بروحك و مشاعرك
الصمت يخليك تتخذ قرارات صائبة أغلب الأحيان
يخليك ترى الدنيا من منظور مختلف
الصمت عالم
أحلى ما فيه الهدوء

أخي الكريم
كنت مبدعاً في كلماتك
تقبل تحياتي

PearL said...

i'm happy

Long time i didn't read 7osen

:)

البوست مريــــح بدرجة غريبة

صمتك معبر
فما بالك بالكلام


اذا كان صمتك مؤثر للدرجة اللي يأثر فيني

اخلي لك التخمين عن أثر الكلام علي

اشكرك

PearL said...

i'm happy

Long time i didn't read 7osen

:)

البوست مريــــح بدرجة غريبة

صمتك معبر
فما بالك بالكلام


اذا كان صمتك مؤثر للدرجة اللي يأثر فيني

اخلي لك التخمين عن أثر الكلام علي

اشكرك

darkness said...

تمارس الكلام بدون كلام؟

كم هو جميل و سامي هذا الحوار

و لكن يبقى للكلام وقع خاص

نحتاجهه جميعا

و لا نستغني عنه


بس منو انور؟؟

Shaima'a Alkandari said...

نأسف على هذا الازعاج



الاغنيه موشغاله



الصمت ابلغ من الكلام يا اخوي العزيز

وكلماتك اليوم احسها تنبع من قلبك واعماقك

عسى الله ينيز دربك ويسعدك

بس مرات لازم تتكلم وتنطق وتنطلق بالحديث لانك تحتاج للي يسمعك

5roofa said...

هلووو


تدري شنو اشتقت لكلامك

من صج من صج فقدتاا
و حبيت كل سطر
كل حرف
كل كلمه
كل شي

حبيت كل شي من صج

و احم لول شسوي ياربي احب المفاجات حلات الشي اي فجاة لول عشان تحس بطعمه عدل
:P

الجو حسين لا تخليني اتحجه عن الجو

والله اتازم انه انا بالمدرسة محكوره بجو روعه
تصدق اليوم طلعت البنات درسنا بالحديقه بس عشان اعيش الجو

اقص على نفسي شسوي لوول

يارب يملي قلبك هالحب و اكثر و يخليك مستانس طوول عمرك

o 9ij
Happy Valentine :D

salamz dear...

SHAHAD said...

الصمت من أجمل اللغات .. خاصة إذا كان حسين هو الذي يتحدث بها
يصبح للغة الصمت معنى مميز معك
.
.
اشتقت لبوستاتك
ولأحاديث حبك الصامت الجميل
.
.
كلامك يغمرني بـ حب
يخليني أعيش جو مختلف

شكرا لك حسين من كل قلبي :)

Shather said...

الصمت احيانا يكون ابلغ من الكلام

لكن الشاطر اللي يفهم ;)

تسلم

7osen said...

: حنين الشوق

مساء الخيرات

أهلا وسهلا فيج أختي العزيزة

حقيقة تأملت تعليقج واايد
وأعدت قراءته عدة مرات

وصفتي الصمت بطريقة مبدعة وجميلة جداً

لست أعشق الصمت وحسب
بل الصمت جزء من تكويني

شكراً على هذا التعليق المتميز والرائع
أجمل تحية لكِ

=====================

:بيرل

أهلاً وسهلا
واااايد

تبين الصراحة مادري شقولج
إنتي بالذات مادري شقولج

شي واحد
إفتقدت وجودج
كثيراً


هنيه وفي مدونتج

دائماً وجودج له وقع خاص

أتمنى لكِ الأجمل دائماً

أخت وعزيزة والله يابيرل

:)

===============
: darkness

أهلا وسهلاً عزيزتي

كلامج صحيح
يبقى للكلام أهميه كبيرة

لكي نخرج كل مانشعر
ولكن أحياناً الكلام يقصر
معي أنا دائماً مقصر

أنور
البنغالي إللى يشتغل معاي في المكتب

:))

تحياتي لج عزيزتي

=====================


: Shaima'a Alkandari

ياهلا ومرحبا بالإخت العزيزة

مادري ليش ماتشتغل عندج
أنا عندي شغالة !!

فعلاً هي كلمات نابعة من الداخل

أما الصمت فهو حسب رأيي دائماً أفضل وأبلغ من الكلام

شكراً لج على الدعوة الطيبة الحلوة

أتمنالج كل التوفيق


=================

:أبله خروفا

ياميت أهليين وسهليين

:)

تشتاقلج العافيه إن شاءالله

عاد تصدقين خروفا
دائماً لما اشوف البحر أتذكر قصصج الحلوة

وأقول الحين تصير جدامي قصة نفس قصص خروفا

:))

الجو هالأيام حلو بأخر أيامه
لازم تستمتعين فيه قد ما تقدرين

تحياتي لج أبله خروفا


===================

: شهد

ياهلا ومرحبتين كبااار

للصمت
لغة وتعابير
والم ومشاعر كبيرة جداً

فلصمت
تعيش كل أنواع الأحلام

أتمنى إنج تعرفين هاللغة جيداً

تشتاقلج العافية
وأنا أيضاً أشتاق لوجودك وتواصلك الجميل

سعيد جداً بكلامج
صج
سعيد وااايد مو مجرد كلام

:)

أرق تحية للرقيقة شهودة
تحياتي لج

===================

:شذر

ياهلا ومرحبا بالغالية شذر



دائماً الصمت أبلغ من الكلام

لازم نفهم هالشي

يسعدني
مرورج
أختي العزيزة

دمتي بكل الخير

Mamloo7a Q8ia said...

خوش صمت يا خوي يا حسين
صمتك جدا معبر
بوست روعه كالعاده
تسلم ايدك

Peace said...

لغة الصمت تختلف
من صامت لاخر

و اللبيب بالصمت يفهم

charisma said...

لهت على بلوقيييك

:)))

مسااء الخير والاحساس والطيبه



أحساس بالحب لكل شي يعبرني ويتمشى ويتجول داخلي


برغم كل شيء وكل السنين يظل هالاحساس بداخلي


مى تو
احسه عنى

اصدق حسين اتعب من الصمت هالشعور الى تتكلم عنه يحوشنى وايد
بس اتعب
اتعب انى ما اقدر اتكلم واعبر بالى داخلى

ووايد القى الى ما اقدر اعبر عنه القاه مكتوب فى بلوقاتكم
ما تتخيل سعادتى انى لقييت الى ابى اوصله واعبر عنه بس مانى قادره
ههههههههههههه

شعور حلو يحوشنى :)))

اهم شى نفسك تكون مرتاحه وهاديه

تصبح على الف خير عزيزى

7osen said...

: Mamloo7a Q8ia

ياهلا ومرحبتين

مشكورة على مرورج
وعلى ذوقج

شكراً مملوحة

أتمنالج صمت جمييييل
وكلمات أجمل
دمتي بكل الخير


===================
: Peace

ياهلا ومرحباً

كيف الحال ؟

مادري
يمكن يختلف الصمت

لكن الصمت إللى اعنيه
أهو الصمت إللى تحس معاه إن مافي أي كلام يقدر يعبر عن إللى بالداخل

عجبتني واايد
اللبيب بالصمت يفهم
ضحكتيني

شكراً لمرورج الجميل
ولكلماتج المميزة

أجمل التحايا
وأرق الأماني

:)


====================

: كاريزما

ياهلا بإللى لفاني ياهلا به

أهلاً وسهلا
من اليوم لي باجر

وحشتينا
يا غاليه
علينا

تصدقين البلوقز بدون كاريزما
ماله لون ولا طعم ولا رائحة

**
مساءٍ مايليق إلا بأحبابي

حبيت تعليقج واايد

الصمت أحياناً يكون أكبر من أي كلام

وأنا عندي دائماً يكون أكبر من الكلام


كاريزما
أتمنالج كل الخير والسعادة
أختي العزيزة

وشكراً على الطلة الحلوة

5roofa said...

salamz 7seen

شلونك خيو شخبارك

يايه اقولك امبي مشكور على اي قلته و كتبته خيوو

صج صج صج ما انحرم منها ياارب

ماقصرت والله

مشكووووووووووور
لول

salamz dear....

Aldenya said...

والصمت في حرم الجمال
جمال يا حسين


تصدق
اول مرة أقرا هذا المصطلح
يوم وداع الشتاء

حتى الشتاء
ودعنا

والدور علينا


تسلم ايدك ياحسين

Barrak said...

البوستات الصامته قريتها
حسيتها

وهذه المره الثانيه تجيب طاري انور

جم مره اقولك عرفني عليه وانت معيي

7osen said...

:خروفا

اهلاً وسهلا خروفا

مشكورة عزيزتي واايد
أتمنالج كل الخير

============

الدنيا

اهلا وسهلين

نعم الصمت في حرم الجمال جمال


كل شي يودعنا

لكن لازم لنا لقاء ثاني

مشكورة ياعزيزتي الدنيا
على هالمرور الحلو

أتمنالج كل السعادة

==============

براك

ياهلا ومرحبا بالغالي براك

أشتقنا لهالطلة الحلوة

مشكور واايد يالبرك على مرورك
طول عمرك مبدع
حتى بأقل كلمة مبدعة

أتمنالك كل الحب
أجمل تحية