5/06/2008

ولا شي










حقيقة عاجز عن كتابة شيء
متوقف النبض
ومنزوي الاحساس

***
تنتابني أحياناً هذه الحالة من الهدوء
ومع سرعة إيقاع الحياة
لا أجد الوقت الكافي للنظر إلى حالتي الراكدة

***
أنا من هواة مشاهدة الأفلام
طبعاً الإنجليزية مو العربية ما أحب أطالع الأفلام العربية
أو ما أستمتع فيها
لكن في الفترة الأخيرة صراحة مافي فيلم أثر فيني
مادري هل أنا صاير ما أتأثر ولا الأفلام صاير مو قوية
أحس من فترة طويلة ما شفت فلم وأستمتعت فيه
أحب الأفلام اللى فيها قصص غريبة أو اللى فيها قصص بالحرب
مثل أنقاذ الجندي راين وكولد ماونتن
أحب هالنوعية من الأفلام
ومن الأفلام إللى ما أنساها فيلم سفن أو سبعة مال براد بيت ومورغن فري مان
هذا الفلم واايد حبيته يعني لما شفته كنت متوقعة سخيفة لكن فعلاً أستمتعت فيه جدا
بالأضافة لأفلام جوليا روبرتس كلها تعجبني
دائماً أفلامها حلووة

سو
منو يقترح عليّ أسامي أفلام حلووة بأمكاني مشاهدتها
أو أقدر أطالعها
أو ممكن أشوفها
أي وحدة عادي
:)

*****
أنا بنتظارك مليت
ناري بضلوعي وحطيت
أيدي على خدي وعديت
بالثانية غيابك ولا جيت

****
لقربك طعم الحياة الجميل
أتمناك ، وأشتاق ، وأحبك
كيف أفسر شعوري بهذا كله ؟
لست أدري غير إني لست أدري

***
إهداء
لك



28 comments:

Najmah said...

وايد امر بهالشعور
من داخلي اشياء وايد تبي تطلع
لكن ما القى لها وقت
وان مريت بفرصة وييت ابي أطلعها
تتزاحم وتتداخل كلها ببعضها
وما القى نفسي الا انسحبت منها بهدوء :)
وقد يكون هدوء يسبق العاصفة :)


.
.


لقربك طعم الحياة الجميل
أتمناك ، وأشتاق ، وأحبك
كيف أفسر شعوري بهذا كله ؟
لست أدري غير إني لست أدري

معبـــــــــرة

ذكرتني بقصيدة لايليا ابو ماضي
منها ابيات احبها جدا وهي

قد سالت البحر يوما هل انا يا بحر منكا
هل صحيح ما رواه بعضهم عني وعنكا
ام ترى ما زعموا زورا وبهتانا وافكا
ضحكت امواجه مني وقالت :
لست ادري
ايها البحر اتدري مضت الف عليكا
وهل الشاطيء يدري انه جاث لديكا
وهل الانهار تدري انها منك اليكا
ما الذي الامواج قالت حين ثارت
لست ادري


شكرا حسين :)

PearL said...

وايد أحس بهالشعور

العجز عن الكتابة


عادي فترة وتعدي

بس معاك انت انشالله ما تطول

===

بالنسبة للافلام
شفت الفيلم اللي قلتلك عنه ؟ اذا اي عطني رايك فيه


من زمان ما شفت فيلم ابهرني

اذا طرى ببالي فيلم اقولك

الزين said...

صباحك خير يارب

هالبوست احسه مكتوب لي أنا
من صجي

تدري ليش؟

خلك من الجزئية الأولى لأن هالأيام عندي تدفق مو طبيعي

مليون فكرة تييني بس مالي خلق اكتب
:$

الجزيئة الثانية وهذي انا خبيييييييييرة وبعطيك لسته الحين

1. Love in the time of colera
2. The Final Inquiry
3. Vantage Point
4. Goya's Ghosts

عطيتك اربعة من اجمل والأفلام اللي شفتهم
قصة واخراج وتمثيل ومؤثرات صوتية

ان شاء الله يعجبك ذوقي

وعلى فكرة فيلم سفن لازلت ساعات اشوف لقطات منه

من كثر ما انا حابته
عجييييييب كان

الجزئية الثالثة


أنا بنتظارك مليت
ناري بضلوعي وحطيت
أيدي على خدي وعديت
بالثانية غيابك ولا جيت


ياااااه ياحسين
من أجمل اغاني ام كلثوم
من اجملها بالفعل

اليوم بالبوست صباحي
ينعش
مثل فنجان القهوة التركية

:)

7osen said...

:نجمة

ياهلا بنجمة النجوم المتألقة

شلووونج

هالحالة إللى ذكرتيها أنا قاعد أمر فيها هالأيام

شنو أحتاج علشان أغيرها ؟

أحتاج موجة كبيييرة من الهدوء النفسي

وحليب حار و ( بسكوت ) علشان يتعدل المود

:)

كلمات القصيدة عجيييبة
تسلمين عزيزتي على المرور الحلو

أتمنالج كل الحب والأمل والسعادة

7osen said...

: بيرل

ياهلا ومرحبا عزيزتي

شلونج بيرل وشخبارج

تصدقين أنا متأكد إنج تمرين بنفس هالحالة دائماً لأنج ماتكتبن شي من فترة

أهو إذا الواحد فكر يكتب بس علشان يكتب ما راح يطلع شي

الكتابة تيي بروحها من تلقاء نفسها

:)

لا والله للحين ماشفته

صراحة مو محصلة
سألت عنه بكذا محل ماحصلته
بس أكيد راح أشوفه وأقولج رايي فيه
إن شاءالله يطلع حلو مثل ما متصورة أنا
مع إني متأكد من ذوقج ومتأكد إنه حلوو


مشكورة على وجودج
ولاتطولين إنتي بعد علينا فبوست يديد

أجمل التحيات وأرق الأمنيات

7osen said...

: زوزو

صباح الورد
ياهلا ومرحبتين

وناسه إذا عندج أفكار كتبي لا تتكاسلين

كتبي وخلينا نستمتع بكتاباتج المميزة والرائعة

يعني صج والله أنا لازم أجيك على مدونتج كل يوم واستانس إذا حصلت بوست يديد
لأني وايد أستمتع بما تكتبين


مشكورة على الأفلام
إن شاءالله أقدر أحصلهم


بس شوفي زوزو ترى أنا صريح
إذا ما عجبوني راح أقولج


وناسه أحب أطالع أفلام تكون عاجبة أحد من قبل
أحس إني أكتشف ذوقه

:)

مشكورررة زوزو

أتمنالج كل الخير
ودمتي بحب وود

:)

charisma said...

يااامسااء الانوار

مرات النفس تحتاج الركود
انا اقول استسلم للحاله الى تمر فيها
خل روحك تهدى بعدين ترجع لنا بحماس
:)

عن نفسى اميل للافلام الرومانسيه وفى 3 افلالام ما انسااهم ولا امل من شوفتهم


someone love you

message in a bottle

pearl harbor

pretty woman , ham hatha wow

:)

وشكرا على الاهداء

Shaima'a Alkandari said...

كل الناس يمرون بمثل هالحاله

لازم يكون في ركود لان بعد الركود ستجمع الكثير والكثير من الامور

بس بعد هالحاله بتحس نفسك بنشاط

وبتكون متجدد

وبالنسبه للافلام فللاسف موذاك الزود مع الافلام يمكن اشوف مرات بس مااحفظ الاسامي

Shaima'a Alkandari said...

كل الناس يمرون بمثل هالحاله

لازم يكون في ركود لان بعد الركود ستجمع الكثير والكثير من الامور

بس بعد هالحاله بتحس نفسك بنشاط

وبتكون متجدد

وبالنسبه للافلام فللاسف موذاك الزود مع الافلام يمكن اشوف مرات بس مااحفظ الاسامي

5roofa said...

مشتاااقيييين خيوووو

امبي اخر شي امبي امبي شصار فيني والله بجيتني و انا مشتطه بقولك الافلام


انا اشووف افلام حب و غرام ولا هندي

تشوف ؟؟؟

انشالله كل امورك تكون بخير يااارب

salamz dear...

5roofa said...

امبي نسيت اقولك حسين الاغنيه اول مرة اسمعهاا

امبيييييييييي تينن

مشكور خيوو

salamz dear....

Lavender said...

فتره و تعدي انشالله ياحسيييييييييييين اسم الله عليك

من الأفلام اللي أحبها

Rush hour 1 and 2

أنصحك أتشوفهم و تضحك شويييي و تغير المووود


و إهدائك ولا أحلى :)

U-Turn said...

حـــاله ليـــست بغريبه ..,,
تـــزور الكــل وماتخــلي أحــد بحاله :]

بــس فتره وتعــدي إنشاء الله
............................

لا الأفلام مو قوبه ..,, كل فلم أسخف من الثاني !!

ماكو قصـــه @@

من الأفلام القويه وإلي شفته 3 مرات ولا مليت منه "Enemy at the gates "
الفلم عن قناص بس حده قوي ويونس صج حرب وكله ذبح بس ممتع وايــد بس ترى قديم شوي

اممم كل أفلام مل غبسون حلوه وقويه عندك the patriote
قديم أعتقدإنك شايفه :]

اتمنى انا فدناك بشي :p
...............................

بطبيعتي لا أحب لحظات الإنتظار !!
ينتظرونني ولكن من المستحييل أن انتظرهم
لا أستطيع الإنتظار حتى يحيين الوقت
بــل أتمنى أن ينتظر الوقـــت حتى أحيين أنــا !!

أعلــم إني أنانـــيه حتى بالوقــت !!

.............................
ناس بوجودهم ينسونك العالم
وفي ناس إن غابوا فقــت العالم بكل ما فيه

أصعــب ما في الحــب عندمــا تحــب ولا تعــرف إحساســك!!
تحـــب ولكــن لا تعرف لماذا؟!
لا تعــرف متى وإلى أيــن؟



يعطيـــك العافيه
خــــــوش بوست
وعساك على القوة

7osen said...

: كاريزما

ياهلا ومرحبا عزيزتي
شلونج وشخبارج

أي والله لازم أستسلم أحسن
:)

مشكورة على الأفلام الحلوة صراحة ذوقج عجيييب

message in a bottle

pearl harbor

pretty woman

هذولي الأفلام كلهم شافيهم وكلهم روعة
صج عجيييبين

وأحلى شي بريتي وومن على شان فيه جوليا
:)

اما هالفيلم
someone love you

مو شايفة ، راح أشوفه اكيد حلوو

مشكورة عزيزتي على مرورج الحلو
أتمنالج كل الحب
ودمتي بكل الخير

Barrak said...

بحالاتك الراكده ايضا مبدع



انا ماأشوف افلام انجليزيه
رغم ان ثلاث ارباع الافلام عندي بس مالي خلق


وبما انك لاتستهويك الافلام العربيه انصحك بمشاهدة فلم الكيف
فقط مشاهد الفنان فؤاد خليل

Naif Abu-Saida said...



صديقي.. كثيرة هي الأفلام الجميلة
لكن اسمح لي باقتراح ثلاثة افلام فقط لك
وسأنتظرك بعدها
بقلبٍ دافق!

If Only
بطولة (Jennifer Love Hewitt و Paul Nicholls)

NoteBook
بطولة (Ryan Gosling و Rachel McAdams)

London
بطولة (Jessica Biel)


دمت بود
نايف

Purplecious said...

حسين شفت فيلم
3:10 to Yuma???

تذكره؟
هههههههههه

عندك
Clive Owen
أفلامه وايد حلوه انا وايد أحبه
مثل:
-Children of Men
-Inside Man
-Shoot 'Em Up
انا اعجبوني

و قالولي عن
Rendition
بس ليلحين ما شفته بس شكله حلو

:)

7osen said...

:Shaima'a Alkandari

ياهلا ومرحبا بالعزيزة شيماء

أي والله كلامج صحيح

دائماً بعد الركود تتحرك الأشياء
هذي سنة الحياة

يسعدني عالمرور الجميل
ويعطيج العافية

أجمل تحياتي عزيزتي

==============
خروفا

ياهلا ومرحبتين كبار
شلونج خروفا وشخبارج

تشتاقلج العافية إن شاءالله
وأحنا بعد والله مشتاقينلج

مشكورة عزيزتي على تواصلج وكلامج الحلو

والأفلام الهندي أنا مو وايد أحبها
لكني أتابعها بعض الاحيان
أحلى فيلم هندي شفته كابي كوشي كابي قم
السعادة والحزن
ههههه
أسمه حلووو


يعطيج العافية عزيزتي
ودمتي بكل الخير

=============
لافيندر

ياهلا ومرحبا

إن شاءالله فترة وتعدي
مشكورة وايد على هالكلام الطيب

هالفيلم هذا قدييم
شايفة الجزئيين
صج حلووو
بس أنا ما احب هالنوعية من الأفلام

:)

يعطيج العافية عزيزتي
أتمنالج كل الخير

7osen said...

: يو تيرن

ياهلا ومرحبا بالفوق تحت

أكيد فترة وبتعدي إن شاءالله
وأهي عدت وخلاص

:)

هالأفلام هذي شافيهم
Enemy at the gates

عجيييب هالفلم من الأفلام إللي أحبها وايد
وإللى أستمتع فيها وايد
وباتريوت بعد حلوو لكنه مادري شلون أحس إنه مكرر

::::
الإنتظار كلنا مانحبه
لأنه واايد صعب وممل
لكن أحيان كثيرة يكون مفروض علينا فرض

:::::
أصعــب ما في الحــب عندمــا تحــب ولا تعــرف إحساســك

أي والله صدقتي
كلمة بالصميم

تحياتي لج عزيزتي أسعدني مرورج

:)

7osen said...

: براك

ياهلا ومرحبا بالبرك
شلونك وشخبارك
إن شاءالله تكون بخير وبصحة


فيلم الكيف
هذا الفيلم أنا أعتبره من أجمل وأروع الأفلام العربية

يعني فعلاً فعلاً فيلم عبقري
محمود عبدالعزيز ويحيى الفخرني تمثيل صج محترف
والحوار شي مو طبيعي
يعني هالفيلم صج مثال حق الفيلم الناجح والكامل


تحياتي لك
ويعطيك العافية

7osen said...

: نايف

ياهلا ومرحبتين

سعيد جداً بهذا المرور الجميل
لشخص أحمل له كل التقدير والأحترام والإعجاب

شكراً على الأقتراح
سأحرص على مشاهدة هذه الأفلام
لأني متأكد من حسن إختيارك

ومتأكد إن الذوق متشابه

تحياتي لك عزيزي
ودمت بكل الخير

7osen said...

:بيربل

ياهلا ومرحبتين بالنفسج

أييي بيربل شفته
لكن
ما عجبني
أهو مو سيء لكن ماعجبني واايد
لأنه مافي ( خرابيط ) أقصد مافيه قصة حب
هههه

بس لازم أشوف الأفلام اللى قلتي عليهم
لأنج صراحة بيربل ذوقج غامض يعني مو واضح شنو نوعية الأفلام إللى تستهويج
علشان جذي راح أشوفهم وأكتشف

هالممثل شايفله فيلم أتذكر لكني ناسي أسم الفيلم كان واايد حلو


شكراً لج على المساعدة
راح أحرص على إني اشوف هالأفلام بس ياويلج إذا أطلعوا مو حلووين
ههههه
أتغشمر

:)

أجمل التحيات

5roofa said...

لا وين حسين شووف فلم

veer-zaraa

umrajaan

امبي هالفلمين روعه

و فلم

kal hoo na hoo

لوول خبيرة افلام هندية افا عليك

:p

salamz dear....

7osen said...

هلا خروفا

شلونج

تصدقين هالفيلم كال هو نا هو
ههه

وايد احبه
يذكرني بفترة حلوووة


شكرة لج خروفا
تحياتي أبلة

SHAHAD said...

لا أجد الوقت الكافي للنظر إلى حالتي الراكدة

.
.

تصدق مي تو يا حسين

.
.
ويالنسبة للافلام
ذوقك فيها يششابه ذوقي حييل
فلم سفن حده عجييب
وأفلام جوليا من أجمل الأفلام اللي شفتها
.
.

لقربك طعم الحياة الجميل
أتمناك ، وأشتاق ، وأحبك
كيف أفسر شعوري بهذا كله ؟
لست أدري غير إني لست أدري

عجييييبة كلماااتك .. عشتهاا

يسلموو

the.thinker said...

عطني نوع الفلم .. مثلا دراما .. اكشن .. واذا قديم أو يديد

وابشر باللي خاطرك فيه لأني مدمن أفلاااااااااااااااام :)

تدلل بس .

7osen said...

:شهد

ياهلا ومرحبا عزيزتي

شلونج شهد وشخبارج

أي والله انا هالايام حالتي راكدة

صاير مالي خلق شي
مادري ليش


مشكورة شهودة على مرورج الحلو

أجمل التحيات

============
: the.thinker

ياهلا ومرحبا
شكراً على أستعدادك للمساعدة

أنا أحب أفلام الدراما
والـ
LOVE STORY

واي شي قديم ولا يدي نفس الشي عادي
اشكرك جداً وبنتظار إقتراحاتك

دمت بكل الفرح

5roofa said...

حسيييييييين ضرووورييييي تشوف

JODHA AKBAR

امبي امبي امبي حسين مو طبيعي هندي طبعا بس روعه

SALAMZ dear...