7/01/2008

حليب












أحب الحليب

في علاقة عشقية بيني وبينه

إذا ما بديت يومي برتشافه من قلاص الحليب ، أحس إن شي ناقصني

ويكون مزاجي جداً متعكر وسيء

طبعاً هالعلاقة هذي منذ زمن بعيد ، يعني صج مو بس أحبه ، أعشقة

وبجميع الأنواع

أحياناً في إجتماعاتنا مثلاً في المقهى الشباب يطلبون قهوة وجاي

أنا أحب أطلب حليب أولاً ، طبعاً مغلي مع شوي سكر يخليلي مزاجي بقمة النشوة

برغم إني ما أنكر أيضاً حبي للقهوة والشاي

لكن الحليب شي ثاني ، يعني علاقتي فيه علاقة حب عاصفة مالها حدود

:)

وأحلى حليب أشربة دائماً يكون من إيدين الوالدة إذا ظبطته في يوم إجازة الصبح

مع ريوق مسنع ، الله ، بلحظتها نكون في قمة علاقتنا العشقية الأبدية انا والحليب

هههههه

والله صج أحب الحليب بشكل مبالغ فيه

*****

أمس كان أخر إمتحان للثانوية العامة لصديقنا العزيز ترستن

طبعاً ترستن عاد الثانوية العامة علشان عنده خطط مستقبلية

اتمنى أنا إنه يقدر يحققها ، لكن الأهم من هذا كله إنه يقدر أييب نسبة عالية

علشان يحقق وينفذ هالخطط


وكان في تحدي كبير بين بعض المشككين في قدرته على إنه يحقق هالنسبة

وبين صاحبنا إللي بذل كل مايقدر عليه من مجهود

بالدراسة وبالمدرسين والسهر والمذاكرة

وأعتقد إن الدافع ما كان بس علشان يحقق إللي يبيه

السبب الأهم هو إسكات الأفوه المقللة من شأنه ومن إمكانياته

هههههه


وأحنا بإنتظار النتايج


طبعاً أنا أتمناله النجاح بنسبة عالية وكنت من المشجعين والمؤيدين له

لكني أعتقد إنه صعب أييب نسبة بسبب إبتعاده كل هالسنين عن الدرسة

لكن جم يوم ونشوف

:)


******


الجو غبار ويضيق الخلق

والدوام يملل

قاعد أفتر بين المدونات

شكراً لكل من كتب شي جميل

خلاني أستمتع وأبحر مع كلماته لدنيا

الجو فيها براد ومافيه غبار


*****

شكراً لمن أهداني هالحليب والبسكوت إللي بالصورة

32 comments:

5roofa said...

انااا عاد بيني و بين الحليب عداوة لانه يسببلي حساسيه لوول

بس من كثر ما وصفت الحليب والله خليتني اتمنا اشربه

:P

----

الله يوفقه ترتسن و ياخذ الشهاده و فيها الدرجاات الي يتمناها يااااااااارب

استانست لمه شفت يديد حسيين من صج اشتقنالك خيوو

salamz dear...

الزين said...

يااااه

طلعت من عشاق الحليب

بس على فكره انا هم احب الحليب

بكل انواعه

مهيل
مع شاي
بارد
دافي

المهم انه حليب
واحلا شي لين صارت يمه قطعة كوكي

شفت شلون ان فيه تشابه بينا

:)

بوست حليبي مشوق

LaDY RaiN said...

حسين :)

تدري شنو أحلى شي..؟
لما نسافر أول ما نوصل الأوتيل تلاقي حاطين مثل غوري صغير ويمه tea bags, شوية شكر
حليب صغار عاد أنا قبل لا أطلع ملابسي من الجنطة على طول سيدة على الحليب الصغار هذيل وأشربهم كلهم ورا بعض ما أخلي شي.. اهني أحس قمة في المتعة ;P~

حتى بالمطاعم.. إذا مريت صوبهم لازم أسحبلي جم واحد عن الخاطر ;)

حلو الحليب ومفيد ترى :)

ملينا من الغبار ها !
الحل الوحيد انه ننحاش بعيد.. هناك هناك هناك... عند الغيم :P~

7osen said...

:خروفتنا

ياهلا ومرحبتين

ليش خروفا علاقتج مع الحليب مو او كي
عاد وايد مفيد للجسم

بس إذا فيج حساسية خليه عنج
وماتشوفين شر يالغالية

مشكورة على تمنياتج لترستن

ومشكورة على دوام قربج وتواصلج
ومشكورة على وجودج المختلف والجميل
يا أطيب خروفا

أجمل تحياتي

7osen said...

:الزين

ياهلا ومرحبا
بزوزو

أي والله من عشاق الحليب
مو بس عشاق إلا حياتي بدون الحليب سلطة
:)

نفسج أنا أحبه بكل حالاته
نسيتي تقولين مع زنجبيل
الله
ياللهول


انا محظوظ إذا كان فيني شبه من الزين
:)

تحياتي لج عزيزتي

7osen said...

: ليدي رين

ياهلا ومرحبا

سعيد بهالزيارة الجميلة

ليدي تحب الحليب ، وناسه
يقولون إن أغلب المبدعين والفنانيين يحبون يشربون حليب

الحين تأكدت من هذي المقولة

:)

أي والله قمة بالمتعة
أنا مرة شربت حليب المراعي لتر كامل
قاعد جدام التي في واشرب وبدون مادري ولا شاربه كله
لذيييييذ
:)

شكراً لهذا المرور المختلف
أتمنالج كل السعادة

Najmah said...

انا اتمنى احب الحليب
لأن ابوي من سنين لما اليوم
واهوا كل صباحية يقول لي شربي حليب
وانا اقول له ماحبه
ما اشرب الا ببيت يدتي مادري ليش
!!

ومبروك ترتسن
الله يسهل كل اموره يارب

charisma said...

صبااح الورد

ههههههههههه
وصل وصل حبك لحلييب وصلته بشكل خلانى اشتهى الحليب الحين
:))))

علييك بالف عاافيه

والله يوفق ترستن ان شاءالله
:)


وعنى انا احب الحليب بس ما اشربه الا ناادر واكثر منه وقت الشتا عشان الدرابيل والبقصم
غرامى التقمس
:))

JooJ o MaJooJ said...

صباح الخير...انا أأيدك ألذ شيئ بلدنيا الحليب ويا الجاي ولا إذا كان علفحم بلبرد مع قرص عقيلي خيااال
:P
والدوام حدى ملل مادري ليش بل صيف مايكون في شغل
jooj ;)

7osen said...

:نجمة
ياهلا ومرحبتين

نجمة مايصير لازم تحبينه
الحليب مفيد للجسم

لازم تسمعين كلام ابوج وتشربين

تصدقين أنا أستغرب من إللي يقول ما احب الحليب

بس للناس في ما يعشقون مذاهب

أجمل تحياتي لج

7osen said...

: كاريزما

ياهلا وأمية مرحبا

وصباح الحليب الحار

:)

كاريزما مايصير تحبينه بس ماتشربينه وايد
لازم كل يوم على الأقل قلاص حليب واحد

:)
أي والله التقمس بالشتا باليل
يا سلااااام

يعطيج العافية كاريزما
منورة البلوق

7osen said...

: JooJ o MaJooJ

ياهلا ومسهلا

شكراً على التأييد
أي والله
من الذ المشروبات الحليب
كلامج صحيح

والدوام بالصيف حده ملل
يضيق الخلق

يعطيج العافية عزيزتي
وشكراً على المرور

Purplecious said...

عفوا عفوا عليك بالعافية

هههههههه

أنا بعد من عشاق الحليب

:‏)‏))))

و كنت استغرب وانا ياهل ليش اكو ناس ما يحبون الحليب

كل يوم تقريبا أشرب بس أكثر شي مع القهوة
و مع الكورن فليكس احببببببه كل شوي أزيد الحليب أحلى شي

البارد افضله مع الأوريو وليس الكوكيز

سؤال عالماشي.. أي نوع حليب تشرب؟


و بالتوفيق لتريستن بلغه تحياتي

Purplecious said...
This comment has been removed by a blog administrator.
JooJ o MaJooJ said...

hi 7osen...
ana majooj..
ma agoool ella gaaaal bu9alee7 oo bu9alee7 9aadeg.. :p
el 7aleeb alath shay.. wallaah etha nega9ni 7anan..ashrab 7leeb :P

7osen said...

:بيربل

اهلا وسهلا

أيوااااا شهالصورة الحلوة

:)

بيربل مايصير تشربين حليب مع القهوة وتقولين أحب الحليب
لأن بهذي الحالة تصير قهوة ( بالحليب ) عرفتي شلون يعني الحليب يفقد شخصيته لما يكون مع القهوة

:)

أنا أحب الحليب البارد من كي دي كاو
الأزرق الكبير

وأحب حليب المراعي حار غير طبيعي
وطبعاً مافي حليب من أي نوع ما أحبه
بس الكارنيشن بجميع أنواعه ما أحبه وايد لأني أحسه ثقيل


وإن شالله تحياتج واصله
شكراً على المرور الحلو
وإجازة سعيدة

:)

7osen said...

: majooj

ياهلا ومرحبا

الله وناسه إذا فاقده الحنان تشربين حليب
والله زين

يعني جذي إنتي ضامنه ماتفقدين الحنان
:)

إن شاءالله دائما غارقة بالحنان وبالحليب

يعطيج العافية عزيزتي
وشكرا على المرور الجميل

Sn3a said...

عيل تحب الحليب المهيل
انا احب النسكافيه بالحليب
بس بروحه اكل معاه كورن فلكس

الصورة تشوق

عليك بالعافيه
وربي يتمم المحبه

Shather said...

بوستك ييوع :|


و الله يوفق اخونا ترستن في امتحاناته و ان شاء الله يبيض الويه

:]

SHAHAD said...

شخباارك حسيين ؟
تصدق شهيتني .. أبي حليب .. عاد توني قاعده من النوم لوول

والله يوفق ترستن ويعطيه على قد نيته يااارب
أمانه سلم عليه : )

الوتين said...

انا كنت اشرب الحليب مع يدتي الله يرحمها و ضروري مع درابيل بس لما توفت صارت فيني عقدة الحليب ما احبه و لا اشربه
ساعات في اشياء نحبها تكون مرتبطة بناس نحبهم و لما نفقد هالناس نفقد احساسنا هالاشياء و حبنا لها
مع الشكر

sologa-bologa said...

الله يخلي لك الوالدة ويطول بعمرها

ونتمنى التوفيق للزميل المدون تريستن
ويحصل نسبة عالية
ويحقق طموحه

بالمناسبة
أنا ما أحب الحليب
أنا مدمن قهوة
:)

7osen said...

:سنعة

ياهلا ومرحبتين

أنا بعد احب الكورن فليكس
مع حليب بارد واايد لذيذ

بالعافية

شهيتيني بروح الحين أكل كورن فليكس مع حليب بارد
مو متعشي
:)

يعطيج العافية
وأهلا وسهلا فيج

7osen said...

:شذر

ياهلا ومسهلا

أي احسن أييوع
علشان تقرينه وتروحين تاكلين
وتشربين مع الأكل حليب حار

ههههه

الله يسلمج

ترستن صج بيض الويه ياب 84

حياج الله دائماً وابدا
ودمتي شبعانه

:)

7osen said...

:شهد

ياهلا ومرحباً
شلونج شهد وشخبارج
وشهالغيبة الطويله عن مدونتج

مفتقدينج


أحسن شي تسوين لما تقعدين من النوم تشربين حليب

يعني صج عجيييب

وإن شاءالله يوصل سلامج لترستن
حده مستانس حقق إللي يبيه


يعطيج العافية
نورتينا

7osen said...

:الوتين

ياهلا ومرحبا

الله يرحم يدتج إن شاءالله

كلامج والله فعلاً صحيح
من كثر حبنا لشخص نحب معاه الأشياء إللي يحبها
وبمجرد فراقه نحس في بعدنا عن هالأشياء

فعلاً هالشي دائماً يصير


يعطيج العافية
وشاكر مرورج الجميل

7osen said...

: سلوقا بلوقا

ياهلا و ومرحبا

الله يسلمك عزيزي ويخليلك والدتك إن شاءالله

شكراً لتمنياتك الصادقة لترستن
وأبشرك حقق نسبة رائعة 84

وحده فرحان

وبالنسبة للقهوة أنا بعد أحبها وايد بس مو إدمان
انا مدمن حليب

القهوة فعلاً لها علاقة في تعديل المزاج بس الاكثار منها فيه سلبيات

أتمنالك كل ماهو جميل
عزيزي المبدع

تحياتي وأمنياتي

Shaima'a Alkandari said...

الله عليك

تدري الحليب شي موطبيعي فعلا له نكهه خاصه ويوم تشربه تحس انك تبي بعد وماتشبع منه ابد

بس ماحبه واهو بارد

والله يوفق ترستن وبشر ترى النتايج طلعت طمنا وبشرنا ياخوي

وحلو ان الانسان يخطط ويحاول انه يحقق اللى يسعى له

ونرد من تاني للحليب

تسلم ايد الوالده والله يخليها لك
وترى الحليب مفيد للعظم

ومتى تعزمنا على حليب ومعاااه هيل او زنجبيل

Mala.Da3e said...

ماتتصور شنو الحليب بالنسبة حق بيتنا

شي مقدس ؟ ...... شويه عليه

بس مادري ليش انا ماحبه

إلا اذا كان من ايد امي

هاذا شي ثاني ... ماقدر اقاومه

****

مدونة جميلة

استمتعت بقراءتها

تسلم ايدك

=D

ShLaLaT said...

احلى شي الحيب

احبه مع الكورن فليكس
مع البسكوت
مع الكيك
مع كل شي

بس لا يمكن اشرب حليب بارد



بعز الصيف اشرب حليب حار عادي
بس ما اشربه واطلع

:)


احب الحليب يكون ريوقي بالويكند
وعشاي بايام الاسبوع

وفي بعض الحالات يكون غداي :)

JooJ o MaJooJ said...

حسين..
ما صارت حليبه..
طسست
يالله طولت الغيبه
ناطرينك :)

MaJooJ

7osen said...

شيماء

ماله داعي

شلالات

جوج و ماجووج


شكراً لمروركم الذي أثار غبار الفرحة في ردهات قلبي المتهالكة

وعذراً على التأخر بالرد

يبدو إني لست على مايرام

اتمنى ان تقبلو إعتذاري

لكم جميعاً كل امتناني ومحبتي