9/17/2008

رمضان قرب يخلص






رمضان قرب يخلص





والله ودي يظل على طول


لكن هذي الحياة لكل شي نهاية


واحنا قربنا من نهاية شهر من اجمل وارحم وافضل اشهر السنة





اهم شي سويته في رمضان إني عوضت قلة النوم في الفترة اللى قبل رمضان


والله كنت مانام الا شوي جم ساعة





الحين لا ،، الحين دوامي بعد الفطور يعني انام على راحتي ليما اشبع نوم


احس صج ارتحت وشكلي تعدل


صج قلة النوم تعفس الواحد وتخلي شكلة على طول تعبان





ثانياً هالايام اسهر على راحتي يعني عندي وقت اخذ راحتي في الفترة الدينية قبل وخلال وبعد صلاة الفجر


الحمدلله صار عندي وقت طوويل


:)





وطبعاً السهر بالديوانية مع الشباب ،، كل يوم نسوي مسابقات في لعبة المعلومات العامة


يعني اخوي عنده كتاب المعلومات اللى يحاط بحراسة مشددة علشان محد يغش


ههههه


وكل فريق مكون من شخصين نلعب ثلاث او اربع فرق


واحياناً إذا واحد زايد يصير مع اي فريق خصوصاً إذا كانت معلوماته ضحلة


:)





انا فريقي زميلنا العزيز بابل


وطبعاً دائماً الاول بكل جدارة


ههههههه





لا الصراحة دائماً نطلع الاخير


بس بفرق قليل جداً سؤال او سؤالين


بس مو دائماً طلعنا الثاني مرتين


طبعاً الاول مالنا امل لأن في فريق دائماً مسيطر على المركز الاول


بس مرة وحدة طلع الثالث


صراحة الاسئلة مو وايد صعبة بس الوقت قصير وماتقدر تفكر عدل


ثانياً أنا عن نفسي لايمكن اتذكر تاريخ حدي انسى ما اتذكر حتى لو حدث قريب


ما اتذكره


:\


وفي اسئلة مالي شغل فيها احسها اسئلة تبط الجبد


يعني مثل سؤال حده ضحكني


متى انضمت الصين الى الفيفا


انا قلت هذا السؤال مابي اعرفه وماراح اشير حتى خلينا مكانه فاضي


وفي اسئلة ثانية حلووة وتستفيد منها


مثل سؤال من اول شخص اكتشف امريكا وسميت على اسمه


انا استانست على هذا السؤال علشان حافظ اسمه من زمان


:)





وفي سؤال اعرفه يعني مو بس اعرفه الا متأكد منه امية بالامية


بس جوابته غلط مادري شلون تخربطت في الاسامي


كان ، من هو الشاعر الذي قالوا عنه إنه اشعر العرب ومن اسمائه الملك الضليل


هذا معروف أمرؤ القيس


انا كتبت قيس ابن الملوح شكو مادري


اختلط علي الاسم وللحين متحسف





صرحة وناسة ،، ونستفيد وااايد


يعني كل يوم قاعد نكتسب معلومات يديده بجميع المجالات


بس الاهم الحفظ والتذكر





منو يبي يلعب معانا حياكم


ابي واحد معلوماته غير طبيعية علشان ابي اطلع الاول


منو يقدر ؟؟





:)





**********


احيانا قبل الفطور اروح اتمشى على الممشى


وذاك اليوم لما كان الجو رطوبة


قلت خل اروح امشي


والله ياجماعة بقيت اموت


ما قدرت اتنفس احس خلاص نشفت


ماصدقت وصلت سيارتي


ويومها ما تفطرت اي شي صج ماكليت اي اكل


كله عصاير وفيمتو وسلطة فواكة بس ليما حسيت بطني يبي ينفجر


من السوائل





بس وناسة لو كل يوم جذي


يخلص رمضان الا نازل عشرين كيلو





إن شاءالله بعد رمضان راح اطبق رجيم قاسي ثاني مرة مع نادي صحي


علشان استعيد لياقتي


اللى راحت مع العيوش اللذيذة


شسوي والله احب العيش


وما اقاومه ،، ليش وزني بسرعة يزيد وبسرعة ينزل


ودي اكون بوزن ثابت شلووون





؟؟





*********


كلمة أخيرة





الدنيا ماتسوى لحظة حزن وحده


حبوا الناس وعيشوا بسعادة


الدنيا وايد احلى بالخير وبالحب


اتمنى لكم كل الفرح




















23 comments:

qesat_5ayal said...

بقي القليل من رمضان
وأغلبه راح


الله يتقبله منا
ويبلغنا ليلة القدر



أحلى شي أن نظامك تعدل في رمضان
:)



بس العيووش مو جين
أنت اكل عيوش بس لا تكثر
نتيفه نتيفه
:P


اللـه جو رمضان عندكم حماسي
أنا ودي ألعب معاك
بس نخسر
:P
ونكسب وناستنا

صبا said...

هللللللو حسين

يا حلو رمضان

صج ضيف خفيف علينا راح منه بسرعه مو بقي الا ايام معدوده ويودعنا
واحنا ما شبعنا منه ابد

كله روحانيات
يكفي انه يقربنا لربنا

يا حلو هالشهر انا من مواليده :)))

وانشالله تفوزون بالمره اليايه


وانا عكسك ابي امتن شوي
ودي يصير وزني 63
او 64

الله متي متي ؟؟؟
اشلوووووووووووووون


تحياتي

Blog 3amty said...

الدنيا ماتسوى لحظة حزن وحده


حبوا الناس وعيشوا بسعادة


الدنيا وايد احلى بالخير وبالحب


اتمنى لكم كل الفرح





=====


الله يعوده عليك وعلينا بكل خير :)

الوتين said...

مرحبا اخوي شلونكم
مطول الغيبات
صج رمضان خلص بسرعة ما يمديه الواحد سوى شي
صج عليك بالعافية عالنوم و الراحة تستاهل و بعدين اكل عليك بالعافية و لاحق عالرجيم
فعلا الدنيا وايد احلى بالحب و الخير

malak said...

انا بعد تعدل نومي صرت انام مبجر و اقوم مبجر


و صج الوقت الحلو يخلص بسرعه :(

ان شاء الله يمديني اختم القرآن



و على سالفه الوزن

انا اقول اكل اللي تبيه بس التزم بالرياضه و اشرب ماي وايد :)

7osen said...

قصة خيال

ياهلا ومرحبتين

امين رب العالمين
أن شاءالله الله يتقبل منا صالح اعمالنا


اي والله النظام تعدل

والعيوش ممممم
صعبة نتيفة نتيفة
ههههه


حياج معانا
بس انا ابي واحد يطلعني الاول مو يخسرني
:)

مشكورة قصة على مرورج الحلو
اتمنالج كل الخير


------------
صبا

ياهلا ومرحبتين

ايي والله ضيف خفيف
كله ايمان وخير وبركة

الله يعيده على الجميع بالخير والعافية
ماشاء الله من مواليد رمضان
حظج حلو
:)

صبا من صجج تبين تمتنين
انا ما اصدق اذا واحد قالي ودي امتن

اسهل شي بالعالم انك تمتن
هههههه

اكلي الاشياء اللى تمنتن
انواع المعجنات
انواع العيووش

ولا اقولج بدليني
انتي ضعفني وانا امتن

:)

يعطيج العافية
وحياج الله

-------------

: بلوق عمتي

ياهلا ومرحبا
كيف حالك عزيزي

امين رب العالمين
الله يسمع منك ان شاءالله

شكرا على المرور الحلو

-------------
الوتين

اهلا وسهلا اختي العزيزة
الله يسلمج ويعافيج

اي والله بسرعة خلص
دائماً الاشياء الايام الحلوة تمر بسرعة


الله يعافيج أن شاءالله

وانا بعد اقول مثلج لاحق على الرجيم

:)

اتمنالج كل السعادة
وحياج الله

------------------

ملاك

ياهلا ومرحبا
شلونج


زين تسوين تنامين مبجر وتقومين مبجر
احسن شي والله

والله يساعدج ان شاءالله وتختمين القرآن

اي والله اهم الرياضة اهي اللى تحافظ على الوزن

يعطيج العافية
مشكورة على مرورج الجميل

Funny Q8i said...

كان فيه برنامج مسابقات اجنبي يحطونه قبل، المتسابقين اللي يوصلون لي نهايتة يدشون كرستاله عودة ,وكانوا يشغلون مروحة وتتطاير اوراق ذهبية وفضية، ولازم علشان تفوز انك تيمع اكبر قدر من الاوراق الذهبية، وانا اشبه هذا برمضان، يعني الواحد لازم ييمع على كثر ما يقدر من الحسنات، لأنة بهالشهر الفضيل شغلتين فيه حدهم سهليين، تجميع الحسنات، وزيادة الوزن
***
للأسف من رجعت من امريكا والجو معاكسني، وخصوصا الغبار، چنه يقولي شرجعك؟!!! بس يبي يحرني ، وين ايام السنترال بارك، الحين حتى ممشى مشرف موحاصل
***
حلو الواحد يقوي معلوماته، والله يخليلنا ويكيبيديا، تذكر "اسألوا لبيبة" كنت اتمنى انه تطلعلي صج، والحين صارت موجودة

هذا ردي وايد عجبني چني بحطة ببلوقي لووووول ،يصييير؟

terkwaz said...

لكل شي نهايه والنهايات هي الاعصب..

لا تعد شهر دخلنا فيه يوم...
والحين صرنا بالعشر الاواخر...
____

الوقت بيمشي
بحزن ولا بفرح
نختار الفرح افضل


اللــه يديم عليك الفرح..

7osen said...

: Funny Q8i

ياهلا ومرحبتين
بصديقي العزيز

ايي والله كلامك صحيح
الواحد لازم يستغل هالايام المباركة

وذكرتني في هالبرنامج قبل كنت متابعة
كان في واحد اقررررع

:)

يالله ماعليه جم يوم وتتعدل الاجواء إن شاءالله
انت ماجربت الصيف شلون كان الحين وايد اشوا

ايي والله الحين كل شي موجود بظغطة زر

يالله حطه في بلوقك
خووش رد

يعطيك العافية
وحياك الله عزيزي

7osen said...

: terkwaz

ياهلا ومرحبتين
تركواز

ايي والله الوقت بسرعة يمر
خلاص جم يوم ونودع رمضان

واعتقد احنا مانقدر نختار شلون نحس بحرية كاملة
الظروف والاقدار اهي اللى تتحك بالجزء الاكبر من حياتنا

اتمنالج كل الفرح
وحياج الله دائماً وابداً

بس said...

من عواده

بوست خفيف

:)

و انا كذلك اتمنى لك الفرح

المرحومه said...

تقبل الله صيام الجميع واعاده علينا بالصحه والخير والمسرات
حلو باجي فيه ناس يستغلون قعداتهم ويا بعض بشي مفيد

(لسا الدنيا بخير)

انا بنك معلومات متحركه ولله الحمد لكن مااشارك الا ومعاي شيشتي :)

ادري ضيف متطفل وهذي اول معانقه لي لأسطر مدونتك ولكن من باب الرغبه بالشرف اللي منحته احرفك للجميع هنا

ShLaLaT said...

اهلااا حسين


شوقتني ودي اصير صبي واثعد بدوانيه العب وياكم
عندي شوي معلومات
على كثر ما احب القرايه ما عندي معلومات وايده

بس اخوي مشاء الله عليه عنده كتب معلومات عامه
ومرات ينزلهم ويسألنا لوول لا تشوف الضحك اللي يصير
:)

الله يونسكم بالعافيه
ويخليك على طول مرتاح وشبعان نوم
ما تحس نفسيتك تتغير بالرمضان ؟

احس كل الناس صايرين هادين
مادري ليش ماكو دوام ؟
ولا لاني ما طلعت من البيت
;p

U-Turn said...

والله خووش شي على الاقل تستفيدون :]

بس انا وخر عني لايمكن اشارك ويني ووين المعلومات :p
انا الشي الي صاير امس ما أذكره ;p


ايي والله راح رمضان
يالله الله يجعلنا من من قام رمضان ايمانا وحتسابا
ويغفر لنا
ويتقبل منا قيامنا وصيامنا :]



ويعطييك العافيه اخوي وعساك على القوة

kAiKa-MGroMa said...

وصلنا آخر المشوار

مع حبيبنا شهر رمضان

أهم شي انك نزلت بوست يديد

لأنه كل ما ادش اشوف الريول اقول الله يعينه

=D.

7osen said...

بس

ياهلا ومرحبا

شكرا على المرور الجميل
لكم اجمل تحية

------------

مرحومه

ياهلا ومرحبتين

الله يعيده على الجميع ان شاءالله بالخير والصحة

واهلا وسهلا فيج دائما وابداً

وحياج الله معانا
بس بدون شيشة لأن التدخين ممنوع عندنا

:)

تحياتي لج
وشكرا على المرور

-----------------

شلالات

ياهلا ومرحبا

لا لاتصيرين صبي ولا شي
خلي اخوج ايي يلعب معانا مادام عنده معلومات
يمكن اطلع الاول

:)

اصلا برمضان كل شي غير مو بس النفسية

انا قاعد افكر بالايام اللي بعد رمضان
وبعد العيد

دائماً تكون حدها كئيبة

الله يعين

مشكورة على المرور عزيزتي

-------------------
يو تيرن

ياهلا فيج

ايي والله وايد نستفيد وحماس ووناسة

عاد اهم شي في المعلومات الذاكرة

مشكورة عزيزتي على مرورج
والله يعيده عليج بالخير والبركه

--------------------

كيكة يا كيكة

اول شي بقول شيين

الاول
شلونج

والثاني
ليش ما اقدر ادش بلوقج شسالفته
انفايت ولا شنو ؟؟

تصدقين صج الله يعينه
انا مبتلش فيه
انوقل فيه

ههه

---
كيكة شكرا على مرورج
مادري ليش احس بضحكة
كل ما اقرا اسمج واشوف الصورة

احس اني مطيح الميانة
:)

تحية كبيرة لج

kAiKa-MGroMa said...

6g 6g 6g

لا لا محد ميانه

=|

انا زينه الحمدالله

وبلوقي صار عادي اي احد يقدر يدرعم

لاحظ انه ردي بالمديور
=D.

7osen said...

كيكة

افا ليش محد ميانه

ههههه

ان شاءالله دائماً بخير وبصحه

وزين خل اروح ادرعم في بلوقج
كل ما ابي ادخل عندج يطلعلي شي غير

:\

يعطيج العافية عزيزتي

kAiKa-MGroMa said...

لول اي كنت مادري شمهببه


حياك الله حجي حسين

=D.

7osen said...

كيكه

الله ايحيج

الظاهر كنتي معصبه كله من التغريزة

:)

يعطيج العافية عزيزتي

Peace said...

اتمنى لكم
كل الفرح
و السعاده

7osen said...

بيس

ياهلا ومرحبتين اختي

اجمعين إن شاءالله

شكرا على المرور
تحياتي لج

bello said...

:)

فعلاً الايام الحلوه

بسرعه تمر

الله يعود رمضان علينا ان شاء الله

::::

انت و بابل مو خوش :)

كله الاخير عن جداره ههههههههه

ان شاء الله تعوضونها رمضان الياي :)