11/24/2008

مالي خلق شي
















ملل
وضيقة خلق

مالي خلق اي شي

ودي اتهاوش


:(






حدي


متملل





كتبت واايد اشياء ومسحتها





نفسي رافضة اي شي


اي شي





لا كلام ولا قعدة ولا نوم


ولا قراءة





مسكت الكتابة وحذفته





وبعدين يعني


شسوي علشان اغير هالحالة





مادري والله شنو الحل





اللي يعرف يقولي





اييييييي





تذكرت





مالي حل إلا


ادق على عبيّد


هههههههه








شسوي والله ملل





م ل ل





م ل ل


م ل ل


م ل ل





------------


تذكرت سالفة قديمة


ضحكتني


بقولها


وعذراً على سخافتها


ترى صج ماعندي سالفة








مرة كنت في محل فيديو وتسجيلات


ويت وحدة ، بنية شباب منقبة ولابسة عباة





جان تقول حق اللي يبيع


عندك شريط عيضة المنهالي إللي فيه اغنية ( تدري ) ، قالها ايي موجود وعطاها اياه





جان تقول لا ابي اتأكد لازم تسمعني اياها





المهم شغل الاغنية


اول ما غني ( تدري إني موت احبك ، وان مالي غير حبك ، واللي ينبض في ضلوعك هذا قلبي ماهو قلبك ) اعتقد كلماتها جذي





ولا البنت كانت ردة فعلها بمنتهى العفوية





توقعوا شنو قالت ؟؟





ههههههه





يعني بمنتهى التاثر والاحساس


قالت بسرعة





ياويلي ويلاه ،، ياويلي ويلاه


هذي هي ،، هذي هي





ههههههههه


صراحة كانت اكثر ردة فعل طبيعية وعفوية شفتها بحياتي





:)





--------





اكثر واحد يقدر يصور الحالة اللي يحسها نزار قباني


احيانا


في قصائد يقولها عن حالة اللا حالة صراحة عجيييبة





عيناك وتبغي وكحولي


والقدح العاشر اعماني


وانا في المقعد محترقُ


نيراني تأكل نيراني


أاقول احبك يا قمري


أأأأةِ ...... لوكان بإمكاني


فأنا لا املك بالدنيا


إلا عينيك واحزاني





،،،،،





رحل


اشتاق لجراحه


ورحل


يحق له طيبتي لا تحتمل


قليلة في وقتي الهمومي


ما كنت اعاتب او الوم





يحق له


لا يحتمل هذا الملل





استدلت ايامي لعناده


حبيته في قربه وبعاده


متعبة هذي السعادة





عبدالرحمن بن مساعد





--------------





انا مالي بهالدنيا حبيبٍ عنه تنشدني


غريب الدار لاربعٍ ولا خلٍ ولا ديرة





بدر بن عبدالمحسن





-----------------














18 comments:

Bloggerista said...

أحب اغنية عيناكِ

أيااااام

الوتين said...

حاول تمشي او تسوي رياضة يسحب منك الملل كله
انا لما اكون بهالحالة اسوي شي يضحك اروح المركز العلمي و اجابل السمج بالكواريوم صج يهدي لي اعصابي
نزار شي ثاني
اعتقد مافي حالة عشق في الدنيا ما كتب عنها

TReSTeN said...

احسن حل تضرب بانجوو

والله
او تنتحر

شهالضييييم

الي انت عاايش فييه

اهوا فعلا الحياااة فيها ملل كبيير

بس

شنو الحل هذا قدرنا

بس والله صج اكلمك

شووفلك شي مو عاادي

بانجو

حشييشة

ترى والله من صجي

او اقل شي ياااااااااخي

بسك قعدة بالبيييت
اقل شي بالوييك اند سو شي

مامليييت

من حيااتك

charisma said...

هههههههههه
ضحكتنى ردت فعلها
:))

عاد الجو حلو كلش لا تستسلم للروتين والملل حط الاى بود واطلع تمشى على ريولك او اقعد بقهوه مع صديق من زمان مو شايفه وسولفاو

الاختيارات عجيبه حسين

7osen said...

Fashionista

ياهلا ومرحبا

صحيح واايد حلوة الاغنية
ابدع فيها خالد الشيخ

عجيييبة

يعطيج العافية
وحياج الله

7osen said...

الوتين

ياهلا ومرحبا

ايي والله تصدقين انا حسيت بهالحالة لأني صارلي يومين مارحت النادي

يبلي اليوم سويدي من قلب + سباحة

عاد السمج هناك شكله عجييب
وحلو
صج الوانهم تهدي الاعصاب

ونزار بالفعل حالة خاصة

:)

يعطيج العافية عزيزتي

7osen said...

ترستن

ههههههههه

ياخي إنتي صراحة حالة خاصة

تدري شنو مشكلتك
إنك ماتفرق بين الاشياء يعني على طول تجنح إلى الجهة المقابلة من الحياة
هههههههه

بانجو ها
وحشيش

إنتي وين مكافحة المخدرات عنك
شهالكلام هذا

فال الله ولا فالك
واعوذ بالله منك ياخي
هههههه
ماوراك إلا الخساير
مقترحاتك كلها ما تورث الا الذوووب
ههههه

ثانياً من ضمن الاشياء اللى مالي خلقها انت
وانا قايل ودي اتهاوش
شرايك تطبلي
ههههه

ثالثاً
اصلاً انا اكثر واحد يستمتع بالويك اند
ولا نسيت الاسبوع اللي طاف لما قصيت عليك وخذيت سياراتك

ههههه

بطل ،، بطل
من هالسوالف

وجابل جامعتك

صج ما قلت لي ..... مالقيت سجائر اندونيسية
هههههه

7osen said...

كاريزما

ياهلا ومرحبا بالغالية

والله كاريزما لو شايفتها شلوون
جان ضحكتي سنة

يعني قالتها من اعماق قلبها

ههههههههههه

الله يعين


اييي والله الجو حلو واايد
انا مستمتع فيه بس باليل احياناً تصيبني حالة ضيقة الخلق
ههههه

تعرفين سالفة أدق على عبيّد ولا لأ

هذي شخصية بو ضاري في مسلسل كلنا عيال قرية

والله شخصية ماتتكرر

شوفي قصيدته على اليو تيوب
يعني شي غير طبيعي
هههههههههه

حده يشيل ضيقة الخلق

منال العنزي said...

لماذا كل هذا الملل ؟

ربما مذ أن قرأت لك أول تدوين وأنت تلازمك هذه الكلمة !


همسة لك فقط : تعلم أن تحب الحياة إن لم تحبها فستشعر بالملل

*قفزة للجنون : حاول أن تقوم كما أفعل عندما أشعر بالممل ( البحر + وألوان + وجنون ) وبعدها لن يلومك أحد إن رآك تضحك


أو




تبكي كــ نزار ، فلا تنسى أن تصور دمعتك ^^ كما فعلت



تحياتي ولابد من أذيل هذا البوست بـ


لــــــــــا للملل

7osen said...

منال

اهلا وسهلا عزيزتي
شلوونج

مادري بس انا احس إن الملل جزء من الحياة

وبالنسبة لي احياناً تمرني هالحالة بطريقة صعبة

يعني مالي خلق اسوي اي شي بشكل مبالغ فيه

ثانياً انا عندي جنوني الخاص إللي استمتع فيه
لكني بسبب مشاغل الحياة لا امارسه كثيراً

في كتاب حق غادة السمان
اسمه اعتقال لحظة هاربة
تعرفين شنو قلسفة هذا الكتاب

الحياة فقاعة ، فصورها قبل ان تنفجر


:)
شاكرلج مرورج عزيزتي
اتمنالج كل النجاح

صبا said...

يا ويلي ويلااااه

يا ويلي ويلااااه

ههههههاي

عسل يا حسين عسل

امبي مت من الضحك وتخيلتها

وهي تقول هالحجي

من صجها ؟؟ مو منها يا حسين
من الي فيها
قلبها شايل جبل حب مسكينه

الفال لك لما تقول يا ويلي ويلاه هني بالمدونه ....;)

يا زين مدونتك يا حسين
الله يبعد عنك الضيقه يا خوي

ويفتح الخير بويهك
يارب

Anonymous said...

البحر
دوى كل عله :\

ورحل ... امممممم

قمة قمة اختيار قاتل :P

take care ...

:)

Shaima'a Alkandari said...

امممممممممممم


روح البحر وطالع السما وتأمل الكون


وخوش سالفه

ياويلي عليك ياوخييي حتى وانت حاس بملل تقول شغلات تفرحنا

swan.beach said...

اكسر الرووتين
اطلع مع شخص تدري انه فصله عشان يطلعك من المود
واهم شي
سو مثله نوع لبسه طريقته غير من جوك
اذا انت هادي تشيطن
اذا انت متشيطن خلقه شوف لك هادي
مادري المهم غير
ترى الملل مو شي حلو والي يخليك جذي الروتين

7osen said...

صبا

ياهلا وامية مرحبا

ههههه

ايي والله من اللي فيها
قالتها بكل صدق

هههه

شكراً على المرور الخفيف
والكلام الطيب
عزيزتي
صبوئة

لك اجمل التحيات واعذبها

:)

7osen said...

تراب الكويت

ياهلا ومرحبا

البحر
احبه

ودائماً يكون خياري الاول



رحل اشتاق لجراحه ورحل

فعلاً هناك اشخاص يشتاقون لجراحهم

ياهلا فيج
ومرحبا

:)

7osen said...

شيماء

اهلا بصاحبة الروح الجميلة

اشكرج مرورج وكلامج
إللي يحسسني انج بمنتهى الصدق والعفوية

:)

شكراً لج شيماء
وشكراً لصدقك

7osen said...

swan.beach

اهلا وسهلا
ومرحبتين

ايي والله ذبحني الروتين

اهو السبب

بس انا هادي حدي

اتشيطن
هههههه

يعني شسوي

هههه

يعطيج العافية عزيزتي
ويشرفني مرورج وااايد

لك مني كل الحب والاحترام