3/04/2009

Just feeling




هالايام متعب جداً

كنت مريض وافتقدك ،، افتقد وجودك

احياناً ماتقدر تقول أي شي ،، اي شي
لأن أي شي ماله معنى
إنت بعيد ،، حييييل بعيد ،، ابعد من ما انا متصور

ودائماً لما اتفاجأ بشيء رد فعلي يؤلمني انا بالدرجة الأولى

ما تتصور شنو شعوري ،، أنا اعرفك عدل اكثر من نفسك

إنت بعيد عني مهما حاولت إنك تكون قريب ،، بعيد ،، وهالشي متعبني

شي طبيعي إنك تكون بعيد ،، بس أنا مشكلة كبيرة ،، لأن في شي بالداخل ،، شي متعبني وااايد

أول مرة احس إني ما اقدر اكلمك عن شعوري
واول مرة ما تحس فيني

صحيح كل شي لازم فيه أول مرة ،، والأول مرة دائماً تعني إن في شي يديد

شي يخليك بعيد

إنت مو إنت

ماعدت أنا عالمك
عالمك أكبر مني ،،،، بوااااايد

عالمك جميل وإنت تستحقه ،، أكثر مني تستحقه

انا ما استحق شي ،، ولا شي ،، ولا شي

لا عفواً أستحق شي ،، إنك ماتحس فيني ،، أي استحق هالشي

لأنك ما تستحقني ،، الحياة كانت معاك ومعاي بمنتهى العدالة ،، الشي الطبيعي صار

أحيانا الغباء يصورلك إنك ممكن تركض وتعانق الريح ،، وإنت بالاصل ماتملك أقدام

متعبة المشاعر حيل أكثر من أي شي ثاني
صديقي ،، خذني معاك ،، ابعد مكان ،، بعيد بعيد ،، ابي أنسى كل شي
أبيك تعيشني بجوك الساحر ،، خلني أغيب وأنسى ،، خلني اتجرد من مشاعري
واتأمل الحياة من جانبها المظلم
من هناك ،، من حيث الهدوء الموحش
أبي ابعد ،، ابي أنسى ،، وجودك تعب ،، وبعد تعب ،،
مرة أخرى
انت تسبب لي الكثير من العذاب ولا اعرف كيف اتعامل معك

أنت عالمي المبهر ،، ودنياي القاتمة
ضحكتي الصافية ،، ودمعي الصادق
أنت
نقيضي بكل شيء
انت
وجدتك فأزهر العالم ،، وفقدك وتكاثرت بعدك الاحزان
وجودك بقربي دون جدوى ،، وبعدك يقتلني
ماذا افعل ؟؟؟