9/06/2009

في رمضان

بالنسبة لي دائماً تتغير الحالة النفسية في شهر رمضان إلى الأحسن بصورة كبيرة
لأن هالشهر فيه شي غير ، طبعاً هذا شي مفروغ منه
بس أنا اعتبره شهر الراحة و الفرح

وصراحة أهم شي يعني هالايام إني مستمتع بصورة كبيرة بالنوووم
دوامي باليل فماخذ راحتي بالسهر وبالنوم طبعاً
يعني صج اكتشفت لا ما اكتشفت أنا ادري إني كائن ليلي ما اقدر انام باليل فيني مرض لازم اسهر
والحين ماخذ راحتي عالأخر ، بعض مرات أنام الساعة 8 الصبح هههه
بعد صلاة الفجر والفترة الدينية أحاول إني اكتب أو أقرأ ، يعني أحياناً في هالوقت المبكر من الفجر
ومع شعور بالرضا والسكينة الداخلية
تنتابني حالات من التأمل أحاول أنقلها إلى الأوراق ، أي الأوراق مو الكي بورد
لأن الكي بورد يعني اللاب توب ، واللاب توب يعني الحوسة والفراره في عالم النت وهالشي راح ينقللي مشاعر سلبية أنا في غنى عنها ، علشان جذي ألجأ إلى الورق .

ومن الأمور إللي اعتد عليها إني اطالع ثلاث مسلسلات ورا بعض لما أرد من الدوام متأخر
أتابع مسلسل " الصديّق يوسف " قصة النبي يوسف عليه السلام على المنار ، وبعدين أتابع الهدامة
على الوطن بعده على طول اتابع ابن الأرندلي مال يحيى الفخراني على الال بي سي

طبعاً مسلسل يوسف " ع " عجييب والديكورات والممثلين متعوب عليهم صج ، اهو المسلسل إيراني ومجسدين شخصية النبي عادي ، الصراحة أنصح الجميع يتابعونه وااايد حلو .
اما الهدامة عجبني موضوع القصة أجواء الكويت القديمة مع إن اغلب الممثلين الرئيسيين مو كويتيين
يعني غازي حسين وصلاح الملا قطريين ، فاطمة الحوسني إماراتيه و هيفاء حسين بحرينية ، لكن المسلسل بشكل عام حلو وممتع بس مشكلته ومشكلة اغلب المسلسلات التطويل والمط يعني احداثه جداً بطيئة ، أما مسلسل أبن الأرندلي فهو ممتع بكل معنى الكلمة ، مسلسل درامي كوميدي واايد حلوو ويحيى الفخراني غير طبيعي ممثل محترف الصراحة .

و عندي مشكلة عويصة اهي الوزن ، حسرة عليّ أكلي لقمة إلا زاد وزني ، وطبعاً مع الإبداع في أصناف الأكل
إللي يسوونها في البيت وبما إني من الناس إللي يقدرون الأكل فهذي المشكلة مسببتلي متاعب .

والله مو قاعد أكل شي خوفاً من زيادة الوزن . مو حرام
:(
***

عموماً

أتمنى للجميع سعادة أبدية و راحة دائمة ، تمتعوا بهذه الأيام المباركة
وصفوا نفوسكم ، لأن السعادة الحقيقة في صفا النفوس








4 comments:

حَافِـيَةُ الَقَدمَيّـنْ ولِبَاسِي المَطـرْ said...

من زمان عنك
بطيت علينا وايد
..
الله يجعله شهر تهل علينا النعم فيه
تصدق ؟
احس اللي يكتب عالورق عنده احساس مرهف
عكسي ماعرف اكتب عالورق , إذا مو باللاب ومبطلتلي النوت ومسنعه الخط ومايشنو
ما يطلع الحجي p;
..
لا تحاتي اكل كثر ما تقدر
وبعد رمضان سوو ريجيم
ولا تحرم نفسك من الأكل

charisma said...

ههههههههه عليك بالف عافيه ماكو احلى من النوم

عبالى بس انا الى نومى اخترب
انا عادة كل ارمضان اخذ اجازه بدايتها كل شى اوكى بس من يبدى الاسبوع الثانى تبدى النومه تعتفس سهر لى الصبح ونوم النهار اقوم اصلى وارد انام وحياتى كلها لييل
:// اهو وناسه بس تعب
نوم الليل صحه غير النهار

بس اهى اجازه :) تغيير

وعن المسلسلات شكلها خوش مسلسلات الى تابعتها

انا بس ام البنات وهالايام قاعد يرفع ضغطى

انا مقزرتها مطبخ هههههههه:P

عليك بالعافيه يا حسين وان شاءالله دوم نفسيتك مرتاحه يا خوى ومن عواده
:)

7osen said...

حافية

ياهلا والله ومرحبا
شلونج وشخبارج إن شاءالله بخير وبصحه

أيي والله هالايام أحس غايب عن البلوق
وعن النت كله

بس متابعكم كل ماسنحت الفرصة

تدرين رمضان أجوائه غير شوي


مشكورة حافية على تواصلج
أتمنالج كل الخير والسعادة أيتها المبدعة

7osen said...

كاريزما

ياهلا وغلا
هلا والله وأمية مرحبا

والله لج وحشة كاريزما
أشتقنالج


الله يعافيج إن شاءالله
أي والله مافي أحلى من النوم

تصدقين وانا اقول ليش دائماً أحس إني تعبان علشان ما أنام باليل عدل

بس هالأيام صج كاريزما مقزرها نوووم
ونااااسة
هههههه

أيي حلوة المسلسلات بس وااايد يمطون فيها

والله زين تسوين إنج تدشين المطبخ
عاد شلون الأكلات إللي تطلع من تحت إيدج
أكيد لذيذة
ههههه

تسلمين يالغالية
مشكورة على مرورج إللي اسعدني وااايد

أتمنالج كل الخير