11/21/2012

مجموعة تحت الصفر




اخيرا نزلت المجموعة القصصية ...

أهم مافي الموضع إن الواحد يجمع كتاباته في كتاب ليبقى انتاجه  محفوظاً.

راح تكون موجودة في دار مسعى قاعة 6 جناح 74 .

الصراحة وعلى الرغم إن موضوع اصدار كتاب أو مجموعة قصصية أصبح عادي جداً ومايثير اهتمام كبير إلا إن الشعور لما تمسك الكتاب وااايد مختلف ويستحق التعب .
..

دائما يتولد عندي شعور بالحماس لما يكون وقت معرض الكتاب ، رغم إن عندي أكوام من الكتب مو قاريهم بعد لكن رغبة شراء الكتاب توصل إلى ذروتها في المعرض.. لما أمشي هناك بين الكتب أحس إن هذا هو عالمي إللي أحبه.
...

عندي مجموعة من العناوين إللي راح ابحث عنها في المعرض.
....
سعيد بإصدار مجموعتي القصصية الأولى .. وسميتها على أسم المدونة لأن هالمكان هو صاحب الفضل عليّ .. منحني شعور بالرضا عن ما اكتبه وطور مني وايد .. لذلك حفظت له العرفان وسميت المجموعة بأسم المدونة.
..


10 comments:

~أم حرّوبي~ said...

مبروووووك ..ومنها للأعلى وقلمك بالتأكي يستحق التوثيق بكتااب

وأنا طول الوقت عبالي اسمك "حسن" طلع اسمك زيد ..عاشت الأسامي ..ياليت بس كان عندي خبر كنت شريته من معرض الشارجة اللى ان كان اول ظهور للكتاب بمعرض الكويت

على العموم كل التوفيق لك ^^

الجودي said...

مبرووووووووك

وايد فرحت لك .. ماكنت متشجعه أروح المعرض الحالي بس حاليا صار عندي هدف.. راح أروح واشتري كتابك :)

موفق خير أخ زيد وربي يبارك لك :)

الزين said...

براااافو زيد

براااافو

اخيرا خطيت هالخطوة

اتمنى لك كل التوفيق يالزميل
واكيد راح اسعى لشراء مجموعتك القصصية
يهمني اقرا زيد شكتب

:)

7osen said...

أم حروبي

الله يسلمج مشكورة على كلامج الطيب

أيي هذاك الأسم الوهمي :)) .. لا والله توه صدر ما كان موجود في معرض الشارقة

:)

7osen said...

الجودي

ياهلا ومرحبا

الله يبارك في عمرج ماصرتي

شكرا على الكلام الطيب
أنتي من الناس اللي شجعوني
اتمنالج كل التوفيق

:)

7osen said...

الزين

ياهلا والله

أي والله الزين كانت خطوة مثل الحلم البعيد

شكرا لج على تشجيعج ويهمني أسمع رأيج أكيد

أتمنالج كل التوفيق :)

هند said...

مبروك :)

7osen said...

هند

الله يبارك فيج

:)

t7l6m.com said...

مبروك على نشر مجموعتك القصصية وأتمنى لك ولإصدارك النجاح والتوفيق
ياريت تكتب عن تجربتك من بداية القرار إلى مفاوضاتك مع الناشر وماتم قبل النشر

تجربة قد يستفيد منها من يفكر بتحقيق ما أنجزته أنت

كل التوفيق والنجاح

7osen said...

تحلطم

الله يبارك فيك عزيزي .. ماقصرت

ان شاءالله راح احاول اكتب التجربة بكل مراحلها

واتمنى ان احد يستفيد منها