8/30/2007

يوعان




*********


كنت أبي أكتب عن موضوع مهم وااايد

بعدين غيرت رأيي لأني ما أحب أكتب في مدونتي مواضيع مهمة


أحب أكون هنية دائماً بعيد عن عوار الراس


عاد والله الحين راسي يعورني ويوعااااان حدي مو ماكل شي


كله من واحد قثيث
عزمته على شرمبي وقالي ما اقدر علشان جذي أنا ما تغديت

والحين يوعان أبي اكل

ودي أروح أسويلي أكله عجييييبة من إبتكاري

من زمان ما أبدعت بأكله على مزاجي

يبيله

**********

اشتقت لك

فقدتك يا أعز الناس فقدت الحب والطيبة
أنا من لي في هالدنيا سواك إن طالت الغيبة

:
:

الواحد أذا كان يوعان يحس إنه فاصل

:
:
تظلين دائماً الشيء الأجمل في الحياة
:
مفتقدك وااايد

واايد
واايد



*****

محاولة للكتابة
******
لا تخافي يا صغيرتي سأراقصك الليلة كما أفعل دائماً
سأراقص طيفك كما تودين وتشتهين
بإمكاني أيضاً أن أرقص عندما تكون للأحزان سطوة في الروح
لستي معي
هذة هي الحقيقة
سأراقصك
ولكني لن أعدك بغير الرقص
لن أكون فحلك المعتاد ،، اليوم يسكنني حزني ،، اليوم أنا عاجز حتى عن تقبيلك
لا يمكنني سواء الرقص
ربما أرقص حزناً والماً
كيف أفسر لكً حزني كيف ؟
لا تقتربي مني ،، لا تستثيريني ،، لم أعد أملك أحساس
لما أعد ذلك المنطلق النهم
أنا كما قال نزار
قطٍ أليفُ من خشب
دعيني فقط أراقص طيفك ،، وأرتوي من ماء عينيك
دعيني أغيب في محراب صمتي وأحزاني
دعيني أكون أنا
لستي معي هذه هي الحقيقة
لا يكفيني طيفك لأكون أنا
فكيف تردين أن أكون أنا
كيف ؟؟

***********
في الإنتظار
وما أصعب الإنتظار








44 comments:

PearL said...

اذا كنت يوعان جذي تبدع ؟؟!!!

عيل شفيني انا اذا صرت يوعانة افصل
بس من ناحية ثانية

لووول


بدعت بصراحة

اول شي حلوة صورتك
بس ما هقيتك وايد قديم جذي .. ابيض واسود

ثاني شي اموت على اغنية فقدتك .. مادري ليش لما اسمعها اتأثر وايد لدرجة ان عيني تدمع

وصج اذا الواحد كان يوعان يفصل

بس بين واحد و واحد
وفصلة وفصلة

الموضوع يختلف :)


محاولتك للكتابة رائعة
من اجمل ما قرأت
بصراحة

وصدقتني الحين لما اقولك الشوق من اصعب المشاعر
:)

ZoZOta said...

اذا كان الجوع يخلينك تبدع لين هالدرجه

انصحك بالصيام

الله عليك

5roofa said...

لوول مشالله عليك والله كل يوم يوع و عطنه من هالكلمات الحلوه
ذكرتني بغنيه ماجده الرومي كلمات
حبيت كلماتك وحسيت قلبي رقص معاها

و تبي الصج زين تسوي اذا يعت تبدع انا اذا يعت اعصب و ابجي لوووول

اذا كليت بالعااافيه مؤخران
لوول

T.C

salamz....

7osen said...

:بيرل

أهلين ومرحبتين
اليوم وبعدين


أيي اليوع يخلي الواحد يفصل بس أكيد كل واحد على طريقتة

في ناس إذا ياع تلقينه وااايد عصبي

أكيد إنتي تعصبين صح ؟

:)))

مشكورة

لا أنا مو قديم بس الصورة قديمة

ههههه


أيي هالإغنية واايد رومانسية وكلماتها حلوة

وعاد تصدقين والله تذكرت كلامج عن احساس الشوق وشلون صعب

فعلاً واااايد صعب

شكراً لج عزيزتي

أتمنالج كل السعادة

7osen said...

: زوزو

أهلا وسهلا
ومرحبا

إن شاءالله الصيام ياي عن قريب

:))

مشكورة زوزو على كلماتج وأطرائج

والأبداع الجميل هناك في مدونتج المتميزة


تحياتي لج

7osen said...

: خروفا

اهلييين وسهليين

شلونج خروفا


مشكورة على كلامج الحلو

وإغنية كلمات أنا واايد أحبها

كلماتها جداً جميلة ومتميزة

وصحيح أحيانا اليوع يخلي الواحد وااايد عصبي

عيل جذي ديري بالج لا تيوعين

:)))

مشكورة عزيزتي على تواصلج

تحياتي لج ودمتي بكل خير

charisma said...

واى حسين الصوره اتينن
ههههههههه
يختى يسلم قلبه
:)))
براءه

اكره اكون يوعانه استعسر
صج اليوع كافر

محاولة الكتابه
ابدعت حسين

كيف أفسر لكً حزني كيف ؟
لا تقتربي مني ،، لا تستثيريني ،، لم أعد أملك أحساس
لما أعد ذلك المنطلق النهم
أنا كما قال نزار
قطٍ أليفُ من خشب


احلى شى يكون قلبك من حجر
اريح
://

ودى ابجى

فراوله said...

مساالورد والجوري
عزيزي
علي الرغم من ابداعاتك في هذا البوست
الا انني بادرني شعور غريب
يمكن لاني اكره ان افتقد شخص عزيز علي
او ان اعيش لانتظر شيء ما
فانا اكره الانتظار
الله يبعدنا عن الانتظار ومن الفقد
أجمعين
:) بوست رائعة كما تعودنا دائما
دمت بدفء وعذوبه
ابدا
:)

SHAHAD said...

يختييي خووش صوورة
.
.
لا تخافي يا صغيرتي سأراقصك الليلة كما أفعل دائماً

تصدق أحب كلمة يا صغيرتي
تحسسني بالرومانسية بالرقة

لن أكون فحلك المعتاد ،، اليوم يسكنني حزني ،، اليوم أنا عاجز حتى عن تقبيلك
لا يمكنني سواء الرقص
ربما أرقص حزناً والماً

الله عليييك
حتى الرقص عندك معنى ثااني
عشقت معناه هني ، حسيت الحزن عميق كما هو الحب عميق أيضا

يبقى الانتظااار مميييت
ولكن فرحة اللقاء تنسيك عنا الانتظار
ربي يكتب لك لقاااء ياارب : ))

مبدع كما عودتنا :)

5roofa said...

تصدق توه تطلع الصوره معاي لووول كبووون الشعر المكت كت عجييب لوول
و امبي ما توقعت انك لاحق على الاسود و الابيض لووول
;P

انا بلشت ملون سيده لووول

بس شكلك كنت هااادي و من الي يسمع الكلام و ما يعاند

so cute

salamz....

Shather said...

LOOL

يحلييلك يا حسيين بس ليش الصوره ابيض و اسود ؟؟

لي هالدرجه انت شايب ؟؟ :P


و على طاري العزيمه .. الله يهداك عرف منو تعزم مره ثانيه .. للعزيمه اصحابها ;p


و تسلم عالكلام الحلو الرقيق :}

7osen said...

:كاريزما

اهلا بالغالية


أنا ابي اعلق على اخر كلمة

لييييييييش

ليش ودج تبجين

مافي شي يستاهل دموع كاريزما

الله يبعد عنج الدموع

ومشكورة عزيزتي على الكلام الحلو

وثاني شي خليج دائما مبتسمة

ترا الابتسام والضحك تطول العمر

أتمنالج كل الفرح والامان

7osen said...

:فراولة

اهليين وسهليين

فعلا عزيزتي

الإنتظار من أصعب المشاعر التي يمر بها الإنسان

الإنتظار نار تحرق الروح

تشعر بأن اللحظات أصبحت ثقيلة بشكل خانق

ولكن أحيانا لا يسعنا سواء الإنتظار لأنا لا نملك خيار أخر

وما أصعب أن يكون خيارك الوحيد هو الإنتظار


دمتي عزيزتي بكل خير
وبعيداً عن الإنتظار

7osen said...

: شهد

اهلا وسهلا


صحيح أنا بعد أشوف إن هالكلمة وااايد رومانسية ومعبرة

الحب والحزن لهما نفس العمق بالأحساس

عندما تشعر بلحظة ما إنك عاجز عن الأحساس بأكثر المشاعر إثارة بالحياة
كيف يمكن وصف حدة الأحساس بذلك الوقت

لا أظن إنه ممكن

القاء بعد الإنتظار له طعم الأحلام
دمتي بكل شهد الحياة

7osen said...

: خروفا

مشكورة على الكلام الحلو

حتى أنا على ايامي كان ملون بس هالصورة

ظروفها جذيي

ههههه

حياج الله عزيزتي وااايد

وشكرا على التواصل الحلو

7osen said...

: شذر

أهلا وسهلا بشذورة

الصورة ابيض واسود لأن مثل ما قلت ظروفها جذي

ههههههه

هذي الصورة سنة أثنين وثمانين

:))

أيي والله يا شذر يبيلي أعزم واحد مايبط جبدي ويقولي ما أقدر

ما أحب اللى اعزمه ويقولي ماقدر

:)

مشكوره عزيزتي

اتمنالج كل التوفيق

Barrak said...

اليوع كافر ياخوي

عاد انا امس ماكل شرمبي

ترى الصوره عجيبه
كلها براءه
واستمرت هذه البراءه الى مرحلة الكبر

بس السؤال

صج صج

لانه فيني فقرة شعر
صج شعرك اللي قبل بالصورة للحين موجود
لاتقول ايه وتقهرني

7osen said...

:براك

أهلا وسهلا ومرحبتيين

أي والله اليوع كافر

وشرمبي حدة عجيييب

هالأيام صج فاصليين عليه
كل يوم شرمبي ،، أحب الروبيان عجيييب

والله يالبرك الشعر لا ما راح أقهرك
هههههه

لا مو نفس هالصوره

كان للأسف
هههههه

مشكور على الزيارة الحلوه

sologa-bologa said...

بالعكس ما تغيرت وايد
بس شعرك اللي تغير شوي
:)

إذا ابتكرت أكلة يديدة
لا تنسى تعزمنا

------

مراقصة الأفكار والأطياف والخيالات
أمر صعب جدا

وكذلك الانتظار


ودمت بحب وود

7osen said...

:سلوقا بلوقا

أهليين وسهليين

أنا اقول شفيه البلوق منور

حياك الله

:
صج ما تغيرت واايد وناسه

:

أفا عليك أحلى أكلة مبتكرة على شانك

تستهال الأفضل


شكرا على المرور الجميل
وتحياتي لك

أسعدني مرورك

حمودي said...

انا ماكنت يوعان قريت بوستك جان ايوع

magnoonah said...

افا حسون يوعان

يهبى الجوع

افا عليك بس ابتكر الي تبيه الا الريان لأ لأ لأ لأ

حسون والله يوم الجمعه صايمه والوالده طابخه ربيان بطريقه عجيبه من ريحته تشبع
(بيت عتاوه الله يهداها)

واختك المجنونه عندها حساسيه من الربيان

اكلة قطعتين وقطعتهم مع العيش

وليومك هذا اطبل على ويهي واحك برقبتي جني مو صاحيه والبنات اشتغلوا بنظام النفس اللوامه
تدرين انه عندج حساسيه ليش تاكلين؟؟

حتى وانا اعلق قاعده احك خدي

كسرت خاطر نفسي
:))

ـــــــــــــــــــــــــــ

حسون

انت مو قط من خشب

انت بكل فخر


انسان بكل ما للكلمه من معنى

تحياتي

7osen said...

:حمودي

أهلا وسهلا

اييي تصدق اذا قرينا شي عن الاكل دائماً نحس باليوع

هههههه

بس افا عليك أبتكرلك اكله

:)

حياك الله
شكرا على المرور

esTeKaNa said...

هني هني
اقولك هني لاني اتوقع بعد هالبوست اللذيذ كليت اكله هنيه
:))
تبقين دائما الشئ الاجمل في الحياه
حقيقه واعتراف عاشق قوي
.
.
ابداع جميل يا حسين كالعاده
والله يسامح الله كان السبب في هاليوع
ولو انه يوع ظريف ومفيد جدا لنا نحن قرائك
:)

Shaima'a Alkandari said...

تطل علينا حاملا بين يديك طبقا منوعا يشمل جميع النكهات

التي تجعلنا متلهفين لتذوقها

حروفف جميل وعرض مميز

والمره اليايه اكل بروحك لاتنطر احد اذا كنت يوعان حدك

وياترى سويت الاكله العجيبه الغريبه ورمضان قرب حط لنا مقاديرك :)

الجوع وعمايله :) موبس تفصل تفتر يمين ويسار

اى كيف يا كيف ياكيف

7osen said...

:مجنونه

أهلا وسهلا فيج

شلونج


مجنونه أنا قريت يهبى الجوع

قلت الحين بتقولين أنا اسويلك أكله

:)))

ثانيا تقولين الوالدة طابخة ربيان بطرقة عجيبة

شسالفة جان عازمتني ماتدرين إني أعشق شي أسمه ربيان

ههههههههه

بس صج أذا فيج حساسيه ليش تاكلين ؟؟

مع إني أتفهم شعورج
لأن الربيان لا يقاووم

بالعافيه عليج وماعليه شوية حكه وتروح


مشكورة عزيزتي

أتمنالج أكلة لذيذة بعيد عن الحساسية

تحياتي للمجنونه

7osen said...

:إستكانه

ياهلا ومرحبا

الله يهنيج ويسعدج

عاد تصدقين بعد هاليوعة سويتلي أكلة صج مبتكرة

تفننت فيها بمزاج عالي
وكان النتيجة ممممم

شي لذيذ

بس لا تسألين شنو الاكله لأني ماخليت شي ماحطيته
هههههه

:
شكراً على المرور الجميل
شكراً لك إستكانة

7osen said...

: شيماء

اهلا وسهلا

شكرا لك أختي العزيزة على هذه الكلمات
الجميلة التي دائماً تتميزين بها

فعلا رمضان قرب وكل عام وانتي بخير

بس مقادير صعبة

هذا سر المهنة
هههههههه

تحياتي لك اختي العزيزة

magnoonah said...

والله كنت بقولها بس كنت خايفه لاني مو عارفه شلون اطبق
:)

افا عليك حياك عند الوالده الله ياهي بتشقق واحد مثل عيالها وياكل من طباخها

هذا اذا ما حطت لك اكل تاخذه وياك بعد

:)


انت من صجك انا ما احب جميع انواع الزفر

وللاسف الحساسيه بقعت شوي بس الي يضايق اكثر الالتهاب الي حاش عيوني


ادري بلسي مو هين



حسون صج نسيت اقولك اشرايك اعلمك الي اعرف اطبخه وانت تعلمني؟؟

ما اتخيل شكلك تعجن لاني فنانة معجنات وحلويات بارده

خصوصا تشيز كيك وعليها صلصة الفراوله قتلني فيها الكرش العود
اما زعبول يموت بحلو الآرو
مجرمين مو صبيان والله

انت شنو تحب؟


ابيه قرقه مو بنيه

اسفه

7osen said...

:مجنونة

اهلييييين

أفااا ليش ماتعرفين تطبقين

لا مالج شغل أنا متأكد إن أي أكلة تحطين إيدج فيها راح تطلع عجيييييبه

إنتي بس جربي

الله يخليلج الوالدة إن شاءالله

مبين من كلامج طبخها لا يقاوم

:))

من صجج بقعت
عيل خلاص من جد لا تاكلين اذا جذي

وما تشوفين شر إن شاءالله


أيي أنا مو واايد أحب المعجنات
أحب الحلو أكثر وخصوصا حلو الأرو

يالله سوي وخل نذووق

أيي ديري بالج على الكرش العود وسويله خليه ياكل
هههه
:)

انتي تعلميني ما عندي مانع بس أنا ما أعرف أعلم

أنا بس أسوي وأبتكر


:)

شكراً أختي العزيزه المجنونه الصغيرة

تحياتي لج

TReSTeN said...

اقووووووووووول

هههههههههههههههههه ليش تقص على برااك

وتتمسك بحبل كاااذب اعترف

وقوول عن الشعر الي مابقى الا اطيااف اطياافه

يا حمااادة

هههههههههههههههههههههههههههه
لووووووووووووووووووووووووووووووووووووول

7osen said...

:TReSTeN
اهلا
أول شي وينك انت ماتبين


هههههههههه

ثانيا

انا ماقصيت على أحد

ههههههههه

وشنو أطياف أطياف إنت عن منو تتكلم

مو لهدرجة عاد

ثالثا الحال من بعضة
ههههههه
إنت بعد حماده

صاير نفس صاحبنا هذاك يستانس اذا شاف واااحد حماده

هههههههههههه

عيون الحب said...

ها ان شاء المعدة الحين ماهي خالية؟
كلماتك حلوة
وننتظر منك قصة كاملة متكاملة لو سمحت
وهذا طلب مب رجاء

ناطرتك اوكيك

7osen said...

:عيون الحب

أهلييين وسهليييين

شلونج
لا ماهي خاليه خلاص مليتهاولله الحمد

هههههه

إنشاءالله تامرين

القصة بالطريج

:)

تحياتي لج عزيزتي
وشكرا على المرور الحلو

بـركـــــان said...

اهم شئ عدم كتابة المواضيع المهمه ههههههه


بركان ثائر

Mishari said...

تبى نصيحة اخوك لا تكتب موضوع جاد قولي وانا اكتبه عنك تدري ليش
لان ان الواحة اللى نستريح فيها بالكلام الجميل اللى تكتبه
:) مشكور
واطلب وعلى حسابى بعد

إمبراطورة أشعاري said...

يسلمووووو عالكلام الحلووو..

طيب اذا فيك شده ترقص تعال ارقص معاي هم انا فيني رقصه :))

7osen said...

:بركان ثائر

أهلا وسهلا أخي العزيز


أيي انا افضل الأبتعاد عن المواضيع المهمة

أحسن

:))

حياك الله
وشكرا على المرور

7osen said...

:مشاري

أهليين وسهليين

مرحبا مشاري

أيي والله أقولك أحسن إنت ماشاءالله أسلوبك واايد مميز خصوصا بالمواضيع المهمه

:
مشكور على العزيمة ياللة أنا أبي أطلب من شرمبي على حسابك

:))

تحياتي لك أخي العزيز

7osen said...

: إمبراطورية أشعاري

أهلا وسهلا عزيزتي

مشكورة على التعليق الحلوو

وحياج الله

Яeema said...

إييي والله لا تكتب مواضيع مهمه
مالنا خلق

لما يبرد الجو شوي

-----

محاولتك تجنن

7osen said...

: ريما

أهليين وسهلييين

إن شاء الله مافي مواضيع مهمة

عاد متى يبرد الجو طلعت أرواحنا من الحر

:)))

شكرا لج

تحياتي لج أختي العزيزة
أسعدني كثيراً مرورج

`~MnO YeNSa! ~` said...

ما اقول غير مشالله ..

will said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室