هذا البوست هو مباراة تحدي بالكلام مع أختي العزيزه الزين
زوزيتا
طبعاً أنا أعترف إنها تجيد اللعب في الكلمات وهذا أصلاً ملعبها
وأعترف إنها تكتب أفضل مني لكني حاولت إني أجاريها وكانت هذي الكلمات
***
وقبل لا أكتب الكلام أنا أحب أوجه لها الشكر الجزيل
شكراً الزين
****
بداية أنا قلت
حاسبيني إن خطيت
وأتركيني وأرحلي
منك أنا كم خذيت
وعمرك ما تسألي
أن بعتك أو وفيت
حالفة إنتي إلي
**
كيف أحاسب من حوى صدري وانزله
كيف اترك كيف ارحل نادي قلبي واسأله
مو بسيطه اترك اللي حافني بشوق ووله
وان بعدت وان جفيت ولهوى غيرى وفيت
هم بجي لك وهم ابيك
لعيني رمش .... ومكحله
**
ودي مرة تبعدين
لجل أشتاق لوصالك
وأشعر بزود الحنين
لغرامك ولدلالك
حسسيني بلوعة غيابك علي
عيشيني بناري وأشواقي شوي
خليني أطارد صورتك
خليني أتبع ظلالك
*****
تبيني أبعد ولعيونك تاركه
لجل تشتاق ولدروبك ماني بسالكه
وتشعر بزود الحنين وتبكي فراقي سنين
وتكره اليوم اللي صار فيه غرامي انتحار
وغيابي من دهر شربك كاس القهر
وفؤادك لين صاح يشتكي كثر الجراح
هذي انا من سواتك
حتى صوتي بحرمك
حتى ظلي بيظلمك
اتحدا .... هذا قلبي منت قده
******
أنا قدك مرتين
وأكثر شوية بعد
لي بغيتك أبتجين
ولي خلص قلبي أبتعد
أنتي خاتم في يديني
منتي قدي صدقيني
قلبك لعبة والله عندي وانتي ملكي للابد
**
هذا ردك؟؟
ما اعتقد
هذا رد الجسوة فيك
هذا رد قلبي عليك
تسرق حروفي يا شينك
هذا عهد بيني وبينك
انت تجسى وانا اجسي
وبالأخير انت بتلين
ماملكنى وما انخلق اللي يكسر الزين
هي حقيقه حطها بين عينك يا حسين
25 comments:
يا عيني
واخيرا ما بقيت يا حسون ولا بعد انت والزين زوزو
كلامكم قمه وروعه شنو اقول ولا شنو اكتب كلماتك قاست مشاعر زوزو صح
وصدق لو انك مو عايش هالمشاعر ما رديت بهالقوه على كلمه وكل معنى
ولا تطابقت الاحاسيس بوصفها لكل ظرف مريتوا فيه
لو لي القرار اختار السكوت لانه لو مهما اقول راح اشوه روعة جمال الي قريته
بقول شي لو ممكن
حلو التحدي وفعلا حركه حلوه منكم
انتم الاثنين
واكيد انه محد راح يفهمه غلط
وصدق يا استاذ حسون انه في بنات وايد مايعرفون بكرة القدم
واعتقد انتم الاثنين فايزين وان شاء الله ما في خساره
واو
عجييب والله
حلو التحدي اللي بينكم
والاحلى النتيجة اللي طلعت
اتوقع النتيجة تعادل :)
يعطيكم العافية انتوا الاثنين
يا سلاااااااااااام
امبي الكلام بينكم يشووووق يعني طريقة حواركم لبعض تخلي الواحد يعيش الدور معاكم
يعطيكم العافيه صج ابدعتووو
salamz...
;) اثنينكم لعبتوها صح
صح لسانكم
مايصير نشارك ؟ :P
صج لسانكم
اثينينكم
مشكورين على ها الردود الشعريه الحلوه
الله, حدّي اندمجت
تحدي روعه ومميز بمعنى الكلمة
تسلسل رائع
=)
ياعيني :)
جميل استفزاز الحرف والمشاعر
سجال جميل وقلطة نثر حلوة
سلمت الأيادي اثنينكم :)
دمتما بودّ،
نايف
ياعيييييني عليكم
مساجله جميله جدا
الله الله الله
روووووعه
عجيب يا حسين
تسرق حروفي يا شينك
هذا عهد بيني وبينك
انت تجسى وانا اجسي
وبالأخير انت بتلين
ماملكنى وما انخلق اللي يكسر الزين
هي حقيقه حطها بين عينك يا حسين
:))))
عجيبه
تسلم ايدك
وينج يا الزين تعالى شوفاى
:)))
كنت متابعكم من البوست اللى طاف
صح لسانكم انتوا الاثنين
:)
صح لسانكم : )
دام اجتمعتوا انتوا الاثنين أكيد الروعة بتلازمكم
أحب هالنوع من التحدي
أمتعتونا
:مجنونه
اهلا وسهلا بالمجنونه الصغيره
مشكوره على هالكلام
واشوا انه تعادل
اشوا ما خسرت
:))
حياج الله عزيزتي
:بيرل
ياهلا ويا مرحبتين
مشكورة واايد
سعيد لأن الكلام اعجبج
بس كلمات الزين احلى
تعادل وناسه
:))
مشكورة بيرل على هالتواصل
تحياتي لج
:خروفا
اهلييين
الله يعافيج ويسلمج
الابداع بتواصلج ومرورج
لك اجمل تحية
:شذر
اهلا وسهلا
حياج طبعا يصير تشاركين
بس راح تاخذين دوري
يعني انتي احتياط
هههه
:))
تحياتي عزيزتي
:ابو شملان
حياك الله
صح أبدنك
مشكور اخوي على هالمرور الحلو
تسلم وما قصرت
حياك الله
حوار راقي وجميل بين طرفين ..!! وتراص للحروف لتوضيح معنى جميل ..!! أتحفنا ولا تحرمنا "حروفك"..!!؟
: جنون أحساس
اهليين
الأروع كلماتج
مشكوره وما قصرتي
حياج الله
: Naif Abu-Saida
اهلييين وسهليين
ياهلا ومرحبا
اسعدتني هذه الزيارة كثيرا
شكرا لمرورك ولكلماتك المتألقة والمتميزة دائما
تحياتي لك
:شيماء
يا مرحبا بشيماء
مشكورة عزيزتي على الزيارة
اتمنالج كل التوفيق
:كاريزما
اهلا بالعزيزة
شلونج إن شاءالله تكونين بخير
هذا المقطع اللى أخترتيه من كلمات الزين
واايد حلو ومميز
صج ذويقة
هذا كاريزما دائما متميزة
لك تحية خاصة
ودمتي بكل الحب
: Mishari
اهلا وسهلا
صح ابدنك
مشكور مشاري على كلماتك ومتابعتك
حياك الله
:شهد
يا هلا ومرحبا
مشكورة شهد على هالكلام
الاروع مرورج وتواصلج الحلو
تحياتي لج
: 2 u ALL
اهلا وسهلا
مشكور واايد اخي العزيز
كلماتك لها نكهة خاصة
اسعدتني جدا زيارتك
لك اجمل تحية
Post a Comment