8/16/2007

هذا البوست هو مباراة تحدي بالكلام مع أختي العزيزه الزين

زوزيتا

طبعاً أنا أعترف إنها تجيد اللعب في الكلمات وهذا أصلاً ملعبها

وأعترف إنها تكتب أفضل مني لكني حاولت إني أجاريها وكانت هذي الكلمات

***
وقبل لا أكتب الكلام أنا أحب أوجه لها الشكر الجزيل
شكراً الزين

****
بداية أنا قلت


حاسبيني إن خطيت
وأتركيني وأرحلي

منك أنا كم خذيت
وعمرك ما تسألي

أن بعتك أو وفيت
حالفة إنتي إلي



**

كيف أحاسب من حوى صدري وانزله


كيف اترك كيف ارحل نادي قلبي واسأله

مو بسيطه اترك اللي حافني بشوق ووله

وان بعدت وان جفيت ولهوى غيرى وفيت

هم بجي لك وهم ابيك

لعيني رمش .... ومكحله


**

ودي مرة تبعدين


لجل أشتاق لوصالك

وأشعر بزود الحنين

لغرامك ولدلالك

حسسيني بلوعة غيابك علي

عيشيني بناري وأشواقي شوي

خليني أطارد صورتك

خليني أتبع ظلالك

*****


تبيني أبعد ولعيونك تاركه

لجل تشتاق ولدروبك ماني بسالكه

وتشعر بزود الحنين وتبكي فراقي سنين

وتكره اليوم اللي صار فيه غرامي انتحار

وغيابي من دهر شربك كاس القهر

وفؤادك لين صاح يشتكي كثر الجراح

هذي انا من سواتك

حتى صوتي بحرمك

حتى ظلي بيظلمك

اتحدا .... هذا قلبي منت قده

******

أنا قدك مرتين


وأكثر شوية بعد

لي بغيتك أبتجين

ولي خلص قلبي أبتعد

أنتي خاتم في يديني

منتي قدي صدقيني

قلبك لعبة والله عندي وانتي ملكي للابد

**

هذا ردك؟؟

ما اعتقد

هذا رد الجسوة فيك

هذا رد قلبي عليك

تسرق حروفي يا شينك

هذا عهد بيني وبينك

انت تجسى وانا اجسي

وبالأخير انت بتلين

ماملكنى وما انخلق اللي يكسر الزين

هي حقيقه حطها بين عينك يا حسين

25 comments:

magnoonah said...

يا عيني

واخيرا ما بقيت يا حسون ولا بعد انت والزين زوزو


كلامكم قمه وروعه شنو اقول ولا شنو اكتب كلماتك قاست مشاعر زوزو صح

وصدق لو انك مو عايش هالمشاعر ما رديت بهالقوه على كلمه وكل معنى
ولا تطابقت الاحاسيس بوصفها لكل ظرف مريتوا فيه


لو لي القرار اختار السكوت لانه لو مهما اقول راح اشوه روعة جمال الي قريته

magnoonah said...

بقول شي لو ممكن

حلو التحدي وفعلا حركه حلوه منكم
انتم الاثنين


واكيد انه محد راح يفهمه غلط

وصدق يا استاذ حسون انه في بنات وايد مايعرفون بكرة القدم


واعتقد انتم الاثنين فايزين وان شاء الله ما في خساره

PearL said...

واو

عجييب والله

حلو التحدي اللي بينكم
والاحلى النتيجة اللي طلعت

اتوقع النتيجة تعادل :)

يعطيكم العافية انتوا الاثنين

5roofa said...

يا سلاااااااااااام

امبي الكلام بينكم يشووووق يعني طريقة حواركم لبعض تخلي الواحد يعيش الدور معاكم

يعطيكم العافيه صج ابدعتووو

salamz...

Shather said...

;) اثنينكم لعبتوها صح


صح لسانكم


مايصير نشارك ؟ :P

Anonymous said...

صج لسانكم


اثينينكم


مشكورين على ها الردود الشعريه الحلوه

جنون إحساس said...

الله, حدّي اندمجت
تحدي روعه ومميز بمعنى الكلمة
تسلسل رائع
=)

Naif AbuSaida said...


ياعيني :)

جميل استفزاز الحرف والمشاعر
سجال جميل وقلطة نثر حلوة

سلمت الأيادي اثنينكم :)

دمتما بودّ،
نايف

Shaima'a Alkandari said...

ياعيييييني عليكم

مساجله جميله جدا

charisma said...

الله الله الله
روووووعه

عجيب يا حسين


تسرق حروفي يا شينك

هذا عهد بيني وبينك

انت تجسى وانا اجسي

وبالأخير انت بتلين

ماملكنى وما انخلق اللي يكسر الزين

هي حقيقه حطها بين عينك يا حسين


:))))

عجيبه


تسلم ايدك

وينج يا الزين تعالى شوفاى
:)))

Unknown said...

كنت متابعكم من البوست اللى طاف
صح لسانكم انتوا الاثنين

:)

SHAHAD said...

صح لسانكم : )
دام اجتمعتوا انتوا الاثنين أكيد الروعة بتلازمكم
أحب هالنوع من التحدي
أمتعتونا

7osen said...

:مجنونه

اهلا وسهلا بالمجنونه الصغيره

مشكوره على هالكلام

واشوا انه تعادل

اشوا ما خسرت

:))

حياج الله عزيزتي

7osen said...

:بيرل

ياهلا ويا مرحبتين

مشكورة واايد

سعيد لأن الكلام اعجبج

بس كلمات الزين احلى


تعادل وناسه

:))

مشكورة بيرل على هالتواصل
تحياتي لج

7osen said...

:خروفا

اهلييين

الله يعافيج ويسلمج

الابداع بتواصلج ومرورج

لك اجمل تحية

7osen said...

:شذر

اهلا وسهلا

حياج طبعا يصير تشاركين

بس راح تاخذين دوري

يعني انتي احتياط

هههه

:))

تحياتي عزيزتي

7osen said...

:ابو شملان

حياك الله

صح أبدنك

مشكور اخوي على هالمرور الحلو

تسلم وما قصرت


حياك الله

2 u ALL said...

حوار راقي وجميل بين طرفين ..!! وتراص للحروف لتوضيح معنى جميل ..!! أتحفنا ولا تحرمنا "حروفك"..!!؟

7osen said...

: جنون أحساس

اهليين

الأروع كلماتج

مشكوره وما قصرتي


حياج الله

7osen said...

: Naif Abu-Saida

اهلييين وسهليين

ياهلا ومرحبا

اسعدتني هذه الزيارة كثيرا

شكرا لمرورك ولكلماتك المتألقة والمتميزة دائما


تحياتي لك

7osen said...

:شيماء


يا مرحبا بشيماء

مشكورة عزيزتي على الزيارة

اتمنالج كل التوفيق

7osen said...

:كاريزما

اهلا بالعزيزة

شلونج إن شاءالله تكونين بخير


هذا المقطع اللى أخترتيه من كلمات الزين

واايد حلو ومميز


صج ذويقة

هذا كاريزما دائما متميزة

لك تحية خاصة
ودمتي بكل الحب

7osen said...

: Mishari

اهلا وسهلا

صح ابدنك

مشكور مشاري على كلماتك ومتابعتك

حياك الله

7osen said...

:شهد

يا هلا ومرحبا


مشكورة شهد على هالكلام

الاروع مرورج وتواصلج الحلو


تحياتي لج

7osen said...

: 2 u ALL

اهلا وسهلا

مشكور واايد اخي العزيز

كلماتك لها نكهة خاصة

اسعدتني جدا زيارتك

لك اجمل تحية