10/15/2007

:)




ما أحب هالأيام

الأيام إللى بعد شهر رمضان ،، أحسها كئيبة



ليش الأيام الحلوة تمر وتخلص بسرعة كبيرة



يمكن على شان لما نحس بالفرحه مانحس بالوقت والزمن

بس بالحزن الوقت يصير ثقيل وبطيء



يالله



كل شي يخلص وينتهي

لكن نظل نترقب عودته مرة ثانية

لأن هذي دورة الحياة ،، كل شي ينتهي اليوم راح يبدأ باجر

وهكذا



****



قاعد بروحي والجو هدؤ وايد



أحساسي عميق جداً ،، برمضان ما كنت أحس جذي والله مادري ليش

طول الشهر أنا كنت فرحان ومستانس وأحس بالرضا والراحة



لكن الحين أحس بشي مختلف



يمكن الأكل له صلة بهالموضوع لأني توني متريق



هههههه



مادري



****

ما أحب الشخص إللى دائماً مايفكر إلا بنفسه وبس

ولا يمكن يسويلك شي يسعدك إلا في مقابل مجزي



حتى بالأحساس ممكن إنه يتاجر



صراحة ما كنت متوقع في إنسان جذي



****

أبي أوصل حدود الشوق وأنسى كل الم قلبي

أبي أتغطي بدفا كفوفك وأبي شمسك على دربي



يتيم الحب فعيوني

يتيم وماله أي احباب



وأنا مالي أبد غيرك

وعمري في إنتظارك ذاب



تعال ،،، والله تعب عمري

تعال،،، ماتسمع ندا صبري



******

إذا كنت ذو قلب قنوع

فأنت ومالك الدنيا سواء



الشافعي





















24 comments:

magnoonah said...

حسووون

لا تقول جذي بكره تبلش الدوامات ونتاقلم على الوضع


بس انت ليش متريق ليش ما صمت 6 ايام من شوال

حسافه والله جان اجرك صار دبل
فكر بالموضوع

ولا يضيق خلقك ولا تكد الحياه حلوه دام فيها ناس طيبين مثلك
:)

KeChie-ChaN said...

All good things come to an end.
كل يوم بداية جديدة فاجعلها بداية جميلة و استمتع فيها.
\
/
\
في هذا الزمن ..لا تستغرب أي شي و توقع كل شي لان كل شي عادي.
= )

charisma said...

اى والله الايام الحلوه اتخلص بسرعه
ولاحظ نفسك اذا منت مستانس حتى الساعات والدقايق اتمر بلمح البصر
ما ادرى ليش شبحان الله
واذا كنت بضيقه يوقف الزمن اتحس الوقت ما يمررر
تلقى نفسج تبى تنسى تبى الايام اتعدى بسرعه ما تقدر

الله يعوده علينا بالصحه والعافيه
اجواء رمضان عجييبه
ليلها حلووو وانا اعشق الليل
:)

يتاجر باحساسه !
شلون بالله هذى
ياخذ مقابل يعنى من احساسه

كل شى يجوز بهالزمن
:)

وبعديين اجازه استمتع يايك الدوام والشقه ما يخلى حتى ذهنك صافى ودور هالهدوء
:)

الوجد said...

كل عام وانت بخير

Shather said...

صباح الخير على تغريد الطير .. :}

صحيح ان الايام الحلوه تمر مر السحاب لكن الله يعوده علينا و عليكم باليمن و البركه ..

و خلوه هذي الاكل لها صله بالموضوع ههه ..

و صح لسانك على هالشعر :}

Barrak said...

كل عام وانت بخير
وتقبل الله طاعتك

يتيم الحي فعيوني
ياعيوني انت على التعبير


مره دزرلي مسج
اليتيم مو من مات ابوه وامه
اليتيم من صحى من نومه ومالقى احد يمّه

Mishari said...

تقبل الله طاعتك وينعاد عليك يارب بالخير والصحة والعافية

5roofa said...

سمله عليك الرحمن الرحييم عين عين ما صلة على النبي
لوول الله يهديك حسين انت كل رمضان وانت تقول انك مرتاح في ناس تره ما تذكر ربهاا بخر عمرك وانا خروفه بشب و حرمل
:D

و لول يمكن من الريوق تره اذا الجبد ثقل عليها الاكل الله اكبر قيامه يصير النفس تقلب و البطن يبلش يشن الحرب

يارب انه ما تشوف الا السعاده و الفرح و الراحه بقلبك ياااارب

الشعر عجيب و يعور القلببب

يعطيك العاااااافيه

salamz friend...

`~MnO YeNSa! ~` said...

كلمــــــــــاتك حلوة و بسرعة تدش القلب


تقبل الله طاعتك
كل عام وانت بخير

esTeKaNa said...

يمكن من رحمه الله بعباده انه خلا رمضان شهر بس،ايينا بشوق ويرحل بشوق
وننتظره كل سنه بشوق
!!
الراحة والجنه يا حسين بقلبك
مو اتفقنا على هالنقطه وانته تشرب استكانه جاي عندي؟:)
شنو اللي كان يخليك برمضان مرتاح
القرب من الله
الصيام
التغاضي والتخلق بالاخلاق الحسنه؟
هذي كلها امور تقدر انته تعيشها وتخليها أثر حق رمضان بقلبك وان شاء الله ما راح تحس بضيقه ابد
~~~~~~~~~~~~~~~
الشخص اللي ما يفكر الا بنفسه مستحيل يكون سعيد
سعاده القلوب الطيبه غالبا ما تكون من خلال اسعاد الآخرين
~~~~~~~~~~~~~~~~
ابي اوصل حدود الشوق وانسى كل الم قلبي
.
.
.
انا بعد ابي اوصل
شنو هالكلمات العجيبه
لازم اعترف للمرة المليون،احساسك يوصلني من خلال كلمه
انته مبدع:)
~~~~~~~~~~~~~~~~~~~
الله يرزقنا القلوب القنوعه يارب
:)

7osen said...

:المجنونة الصغيرة

ياهلا ومرحبا بإختي العزيزة

صحيح أهو إللى يضيق الخلق التغيير في الاجواء العامه

وإن شاءالله الواحد يتأقلم بسرعه بدون أجواء كئيبة

وإن شاءالله أيضاً صيام الأيام السته
جزاج الله خير

تحياتي لج عزيزتي


======================

:kechi-chan

اهلا وسهلا
ومرحبتين

حبيت هالكلمة وفعلاً تأملتها وااايد
وفعلاً أيضاً أعطتني دافع وشعور قوي

كل يوم بداية جديدة
أتمنى ذلك


أي والله
كل شي عادي بطريقة غريبة
حتى لإللى لا يمكن يكون عادي

صار عادي جداً

الله كريم

تحياتي لج عزيزتي
وشكرا على المرور المميز

========================
:كاريزما

ياهلا ومرحبا بالغالية

شلونج شخبارج

إيي والله كلامج صحيح

الوقت دائماً يعاكس شعورنا فيه

بس هذي الحياة

والله يعوده على الجميع بالخير والإيمان

:
وايد إلي يتاجرون بإحساسهم

وهذي أبشع تجارة

:
تحياتي لج وحياج الله

=========================

:الوجد

وإنتي بخير وصحه وسلامه
مشكورة اختي العزيزه

حياج الله

======================

:شذر

صباح النور والبنور

أهلا بشذوره الأموره

الله يعوده على الكل بالخير والمحبه
مشكوره على تواصلج الحلو

ووين هالغيبه مختفيه ؟؟

:)

تحياتي لج


==================

:براك

أهلا وسهلا ومرحبا

وإنت بخير يابوعبدالله
منا ومنك صالح الأعمال


اي والله اليتيم اللى مايلقى أحد يمه

صح لسانك

حياك الله
اسعدني مرورك

=================
:مشاري

اهلا وسهلا اخوي مشاري

منا ومنك
وعساك من عواده إن شاءالله

شكرا لك

بالتوفيق إن شاءالله


=====================

:خروفا

ياهلا ومرحبا

شلونج خروفا

الله يسلمج عزيزتي

صحيح أنا في شهر رمضان كنت وايد مرتاح
ودي إنه ما يخلص

ههههه

بس يالله شوي ونتعود على الروتين

ويالله شبي حرمل خلينا نطرد العين

:))

مشكورة خروفا على كلماتج الحلوه

وعلى فكره قصتج الأخير غاية بالروعه وااااااايد عجبتني

شكراً لج

======================

:`~MnO YeNSa! ~`

أهلا وسهلا

مشكوره وااايد

وتقبل الله منا ومنج

وانتي بخير وصحه وسلامه إن شاءالله

تحياتي لج

7osen said...

: إستكانه

ياهلا ويا مرحبا

أهلا باختي العزيزه

إيي والله ننتظره بشوق

وهالكلمة هذي الجنه بقلبي أبي أحققها

أبي أحس إني قلبي مرتاح ومليان بالرضا والراحه

ياليت أقدر

والله قاعد أحاول بس أحيانا يصير هالشي صعب شوي خصوصا إذا في شي يكدر الخاطر

:
أنا أأيدج وااايد إن السعاده الحقيقية في اسعاد الأخرين

بس وين إللى يفهم هالشي ويطبقه

:

مشكورة عزيزتي على هالكلمه

والله يعطيج العافيه

واايد يسعدني ويمتعني تعليقج

تحياتي لج
واتمنالج كل شي جميل

عيون الحب said...

الله يتقبل منا ان شاء الله
ويعيد علينا رمضان اعوام كثيرة

أخس ناس اللي تعطي او تاخذ بـ مقابل
والأخس من تاخذ وماتعطي

الله يعينا ياخوي
:)

Shaima'a Alkandari said...

صحيح بان الايام الحلوه بتعدي بثواني
لكن طعمها يبقى وان شاءالله بعد جم شهر بيرجع لنا هذا الشهر الفضيل
وريوق العافيه ياخوي

واتفق معاك بلي قلته بخصوص الشخص اللى يفكر بس بنفسه
حلاته انك تفكر بغيرك وينفسك لان محيطك يشكل شي كبير بحياتك

طفارتي سالفة المقابل هذي
يقولون ياخوي سو خير وقطه بحر فلاتنطر من احد اي شي بالمقابل
وهذي التجاره اللى يتاجر فيها البعض تعتبر خاسره

أبي أوصل حدود الشوق وأنسى كل الم قلبي

الله عليك
ياليت تاخذني معاك بهالطريج

والقناعه حلوه

وعيدك مبارك ولو انها متأخره وايد موشوي

Awrad said...

اليوم احسن من امس وباجر
احسن من اليوم ان شاءالله
والانسان بيده يحس بالفرح
وبيده .. يحس بالضيقه

و خل ايدك .. ريشه
ترسم الالوان والافراح والابتسام

وكل عام وانت بخير يا حسين :)

Najmah said...

قريتها على السريع
حسيت لازم اقراها مرة ثانية

لامست شي بقلبي وقاعدة اتجاهله

دايما أسأل نفسي صج مانحس بقيمة الشي الا لما نفقده ؟ او نحس ان قريب راح نفقده ؟

يمكن نكون حاسين بطعمه بس مو كثر لما يخلينا ويروح

ولا كثر لما نكون محتاجينه
وقلوبنا ظميانة محتاجة يرويها
ولما تلتفت وتنادي عليه ما تلقاه يمها

ترى الابيات حلوة
ربي يحلي ايامك

ReLaaaX said...

i'll b back ;p

Purplecious said...

حسييييييين

بسيطه يا حسييييين

برمضان شياطينك تكون مربطه

و عقب رمضان انهدوا و قاموا يتطامرووووون

لوووووووووووووول



هذه الدنيا يا حسين

و اللي يتاجر ياحساسه هذا مو انسان

توقع الا متوقع بهالدنيا يا حسين



أبي أوصل حدود الشوق وأنسى كل الم قلبي

الله الله على هالكلنات يا حسين

بس ما اتوقع ان الشوق له حدود
:)

ولا شرايك؟

7osen said...

:عيون الحب

يا هلا ومرحبتين

بعيون الحب

أي والله ،، الله يتقبل منا ومن الجميع صالح الأعمال
ويعيده علينا وعلى كل المسلمين

:

مثل ما قلتي أسوء الناس الناس اللى تاخذ وماتعطي

الحياة كلها أخذ وعطا
بس في ناس بس تاخذ
مشكلة كبيرة هالنوعية هذي

تحياتي لج عزيزتي وشكرا على المرور الجميل

======================

:شيماء

ياهلا ومرحبا

دائماً الايام الحلوه تعدي بسرعه وتمر

بس إنشاءالله ترجع هالأيام علينا بالخير والمحبه

صحيح سو خير وقطه بحر

هذا المهم

:
يالله تعالي لحدود الشوق
حياج
هههه

أنا ابي اوصل لهالحدود هذي تعبت من الوقوف بالوسط
:(

**
وانتي بخير وبصحة
مو مهم متأخره المهم قلتيها

حياج الله اختي العزيزه
وتحياتي لج


======================

:أوراد

أهلاااا وسهلااا

حياج الله عزيزتي

وعاش من شافج

إن شاءالله دائماً وأبداً القادم أحسن وأجمل وأروع وامتع وأفضل وارقى وانقى من كل إللى فات

وإن شاءالله دائما بعد نرسم الأفراح والأبتسام والحب والخير

وانتي بخير وصحة وسلامة

مشكورة على الزيارة الحلوة

أتمنالج كل الخير والحب

====================

:نجمة

اهلا وسهلا

فعلاً كلامج هذا

انا وااايد اؤمن فيه

إحنا مانحس بالشي أو بالشخص إلا لما نفقده

خصوصا إذا كان هذا الشخص يعطينا
بدون مقابل

مانحس بهالشي

إلا لما نفقده

كلامج وصلني وحسيت فيه

أعتقد إن لازم ننتبه لكل الناس اللى حوالينا ونتمسك باللى مانقدر نفارقهم

:

تحياتي لج

أتمنالج كل السعاده

=====================

:ريلاكس

حياج الله عزيزتي

واهلا وسهلا فيج
دائماً وابداً

======================

:بنفسج

اهلا وسهلا فيج

شلونج وشخبارج

والله مادري يا بيربل

يمكن أنهدوا
هههههه

بس برمضان كل شي غير ،، النفسية تكون بقمة الراحه والهدوء


أي والله صحيح
توقع إللى مو متوقع بهالدنيا
هالأيام كل شي ممكن يصير بدون استثناء

:

أعتقد إن للشوق حدود

بس مانقدر نوصلها

لأنها حيييل بعيده

:::::

تحياتي لج

وشكرا على المرور الحلو

SHAHAD said...

اي والله الأيام اللي بعد رمضان مملة وبايخة ، لأن رمضان كان له نكهة غييير
بس للأسف دايما الأيام الحلوة تمر بسرعة
.
.

أبي أوصل حدود الشوق وأنسى كل الم قلبي

أبي أتغطي بدفا كفوفك وأبي شمسك على دربي

الله على احساسك
جدا راقي
استمتع حيل بكلماتك باحساسك
.
.
قالوها ( القناعة كنز لا يفنى )
الله يرزقنا إياها بكل شي :)

7osen said...

:شهد

أهلا وسهلا بشهد الروح

مشكورة شهود على كلامج الحلو

وعلى تواصلج المميز

تحياتي لج

ReLaaaX said...

بالعكس المفروض تخلي رمضان يسوي لك رفرش .. وترجع بروح يديدة وقلب يديد وشغل يديد ومخ يديد شبقى بعد يديد :> المهم ان حالك يصير أحسن وتفكيرك بعد وانجازك
--

بالنسبة للأنانية
آنه اقولك : بلى فيه وفيه وهم فيه

زمنا للأسف صارو الناس اللي يحسون بغيرهم ويحسبون حساب غيرهم نااادرين ومعدودين على الاصابع
--

ياســـــــــلام على الوله :)))
اي جذي خل المود الرومانسي لا تغيره
--

وماعندي اضافة على كلام الشافعي
عسى الله يرزقنا وياكم القناعة ^_^

5roofa said...

مشكوور مشكوور والله من ذووقك

و ياله تعال يب راسك خل ندور المبخر عللي لوووول شوف تره خصيصي ياي من الهند
لوول مادري عاد صج ايبون الحرمل من الهند ولا انا قاعده ألف لوول
:D

salamz friend...

7osen said...

:ريلاكس

اهلا وسهلا

كلامج صحيح

والحين خلاص شبه تعودنا على الروتين

وإن شاءالله كل شي يديد على قولتج

:))


مشكوره عزيزتي ريلاكس على مرورج الثاني
حياج الله دائماً وأبداً


=============

:خروفا

ياهلا ومرحبا

لا شكر على حقيقة
هذي الحقيقة

يالله وين الحرمل اللى ياي من الهند

هذا إللى من الهند أصلي اكيد

ههههه


حياج عزيزتي
تحياتي لج