10/27/2007

كلام





















عندما تشعر بــأن الحياة ممــلة

وبــأن مشاعرك تكــاد أن تنطفىء

وبـأنك تحتاج أن تتــنفس بحريــة


ابحــث عن ............. الحب


****


مـلل


مـلل

حتى المشـــاعـر عاجزه فيــني

ومصــابة بالشــلل


( هتان )


*****


محــتاج شيء مختلف

أين أجـــده


؟؟

هههههههه


هالأيــام الجــو صاير وايـــد حــلو وممــتع خصوصا في الليل

أمـــس واعدنــي السيــد تريستن إنا نطلــع


وكنــت أنتظره طبعاً موعدنا كان الساعة 11

تميت أنتظرة للساعة وحده وما وصل الأخ


طبعاً هذا شي عادي ومتوقع من ترستن

لأنه أبداً مو إنجليزي


دائماً مواعيده مثل مواعيد عرقوب

المهـــم إني أشعر بالمــلل وأشعــر إني أبي شي يــــديد


قولولي شــنو أسوي


*******


مشتاق حق الشتاء والمطر وليالي البرد والأحساس بالوحدة


هذا الأحساس في فترة من الحياة كان ملازمني جداً

صحيح كنت أحس بالوحده لكن كنت مستمتع وااايد

كنت أرد البيت متأخر واايد من الدواام

وأحصل هدووووووء

كنت أسوي جوي المناسب للتمتع بالأجواء


طبعاً لازم قلاص حليب أنا واايد أحب الحليب

ههههه

ومجموعة من الكتب المختلفة ،، اكثر شي روايات وشعر طبعاً

أيامها كنت أشعر بالنهم للقراءة

أتذكر قريت ثلاثية نجيب محفوظ وأستمتعت فيها واااايد

ومن الكتب اللى اتذكر قريتها بهالفترة

رواية حق إحسان عبدالقدوس أسمها علبة من الصفيح الصدىء

أتذكر كان أسم البطله وااايد حلووو وعاجبني

كان أسمها ( سبيلة ) أسم حلوو

وبعد كتاب حق غادة السمان أسمه شهوة الأجنحة
طبعاً بالإضافه حق القراءة كنت أكتب بشكل كثيف جداً

كنت كل أسبوع أخلص دفتر تقريباً
كانت كتاباتي عبارة عن مناقشات بين شخصين وهذولي الشخصين أثنينهم أنا

هههههه

كانت الكتابة تطلع من الأعماق ساخنة وندية

كنت أحب نفسي لما أكتب أحس إني مالك الدنيا لأني أقدر أعبر عن نفسي وعن أحساسي

أتذكر ليلة لا يمكن أنساها


ليلة شتوية جداً شبه عاصفة

كنت طالع من الدواام متأخر وايد وايد

كان الجو مطـــــر مطــــر كنت ليلتها أحس بشعور مختلفة
كنت لابـــــس كاب يكاد يغطي عيوني

طلعت بالسيارة أتذكر كنت مشغل إغنية حق فيرو أسمها ليالي الشمال الحزينه

هاليلة هذي لايمكن أنسها

شعور بالبرد الجو كان وااايد بارد

والمطر يخليك تحس بشي مختلف شي لا يمكن ينوصف

كنت أطالع قطرة المطر تنزل على الجام بعدين تتسحب شوي شوي وتختفي
منظر يخلي عندك أحساس أروع من أي شي ثاني

هاليلة هذي كتبت فيها أحلى شي عندي

شي محتفظ فيه حق نفسي شي أحبه واااايد

ولا يمكن أنساه



مادري ليش قاعد اقول هالأشياء
عندي احساس قــــــديم


تذكرت هالمرحلة وأشتقت لها واااايد


يمكن لأني أحس بالملل


******

أخيراً




أراضــي خـــدودها تــزعــل شـــفايفها


























22 comments:

PearL said...

بوست روعة

ما حسيت فيه جمود كلش

اسمحلي الجملة اللي بديت فيها البوست

عندما تشعر بان الحياة مملة وبأن مشاعرك تكاد ان تنطفئ وبأنك تحتاج ان تتنفس بحرية
ابحث عن الحب

هالجملة ابي اكتبها بالكتاب اللي عندي

اذا تسمح


----


ايام الشتاء و ليالي الشتا و البرد والمطر وكل شي

اشاركك الاحساس بالاشتياق لها

غرامي شي اسمه شتا وبرد

هالجوو حده رومانسي
ويثير كل المشاعر اللي تحوش اي شخص

اما الجو اللي وصفته لما كتبت الشي الخاص واحلى شي عندك
هو فعلا جو يعطي حافز للشخص انه يبدع




وايد حبيت هالبوست
حسيت فيه انت

جمع الشعور والاحساس والرومانسية

و الشــتـــــأ

5roofa said...

واااااي انا اموت على البحر و اموووووووت على المطر

احس بكل مشاعر الحب و الغرام و الرومنسيه و انا تحت المطر او على البحر

ناطره الااياما على احر من الجمر

حسيت بشعورك وصفك للمطر خله عيوني تمطر

تبي الصج هالايم يالي شعور اني ابي اكون بروحي

احس اني مشتاقه للوحده بس وين اهم يخلوووون

اخر شي قلته عن اتراضي الخدود و تزعل الشفايف

قمه في الروعه و الرومنسيه
حبييييييييييييييييييييييييتهاااااا

el post raw3aa


salamz friend...

5roofa said...

صج بعد شي انه اذا الحياه ممله و دور على الحب

:"(((((((((

اي والله صدقت


salamz friend...

7osen said...

: بيرل

أهلا وسهلا عزيزتي


من صجج ؟

طبعاً أسمح

:)

أي شي هنيه تحت أمرج بالطبع

أنا إللى أشكرج وااايد على هالكلام وعلى هالدفع المعنوي

وهذا شرف كبير حقي إنج تحتفظين بشي أنا كتبته

:

أي والله صحيح
الشتا له مفعول السحر على المشاعر

والمطر يخلينا نحس بكل شي حلوو بهالدنيا

شكراً على هالتعليق المتميز
وشكراً على وجودج وتواصلج إللى أفتخر فيه

تحياتي لج

وأتمنالج كل الحب والمشاعر الدافيه


====================

:خروفا

ياهلا بالعزيزه خروفا

أنا أأيدج وااايد
ومثلج أحب البحر والشتاء
والمطر

هالأجواء هذي قمة بالرومانسية
وإنت أكيد بتحبين هالجو

لإنج سيدة الرومانسية والمشاعر


فعلاً الإنسان أحيانا يحس إنه يبي يكون بروحه
يستمتع بوحدتة وخصوصيته

شكراً لج عزيزتي على تواصلج المميز

والجملة إللى أخر شي هذي ترا إغنية

أنا بعد وااايد أحبها

تحياتي الخاصة لج
ودمتي بأحسن حال

magnoonah said...

ابحث عن الحب


مو يقولون هو ايي ويطق بابك؟

فاقده المطر بشكل مو طبيعي حتى حست عالنت ادور الصور الي بالمطر

احس بالمطر يخليني قريبه من الله حيل يمكن لان الدعاء فيه محبب

احب وايد اسوق سيارتي بالمطر استمتع بهالشي ولو في زحمه واطول بالشارع احسن واحسن

ناطرته على شوق موطبيعي

اما انك تكتب عن اثنين هم بالنهايه انت

اشوف هالشي طبيعي بالنسبه لي وايد اكلم نفسي واصارحها احس براحه عجيبه لو كلمتها صج الكتابه تريحني بس الكلام معبر اكثر


ادري مجنونه بس عادي عندي


وناسه انك تكتب جذي استمتعت وانا اقرا حلوا الواحد يحلل شخصيته ويعبر عن نفسه

7osen said...

: جنونه

ياهلا ومرحبا

أهلا بالمجنونه

إن شاءالله الحين احسن

:
مو دائماً أيي ويطق بابك
أحيانا لازم تبحث عنه ،، إذا كنت تحس بالأشياء إللى كتبتها
:)

تصدقين الناس كلها تحب المطر إلا شخص واحد

يضيق خلقه ويحس إنه مكتئب إذا كان في مطر

صراحة أنا عجزت افهم نفسية هالإنسان

المطر شي خيالي يخلينا نشوف عظمة الخالق إللى ابدع بخلقه

وآنا والله ناطره بعد

:

لا أنا أحب اكلم نفسي على الورق واسولف معاها عن كل شي بدون اي قيود

إنتي تحبين تتكلمين معاها ؟؟

أكيد على شان جذي سميتي نفسي مجنونه

:)))

مشكوره مجنونة على هالمرور الحلوو

تحياتي لج

وأتمنى إنج تكونين بأحسن حال

Shaima'a Alkandari said...

لمن تشعر بالملل تبدع وعندما تضيق بك الدنيا تتألق وحينما تكون طبيعي تتلألأ

في الجو الحلو الحالي يستحسن انك تشغل السياره وتروح سيده للبحر لاستنشاق هذا الهواء المنعش الذي يريح النفس

جميل ان تكتب والاجمل ان تتفنن بكلماتك
رائع ان تبدع وتعيش اكثر من شخصيه بنهاية المطاف تكون انت فقط ولا احد سواك

والحليب مفيد للصحه ويفيد العظام حيلك فيه

Najmah said...

احس اني تنفست بهالبوست

اليوم كنت اكلم رفيجتي اقول لها مالي خلق الدوام

محتاجة شي غير .. محتاجة هدوووء

ودي اروح المزرعة .. اقعد بالليل اتأمل القمر

أكتب شعر .. ألعب جنجفة

ألف ايدي على نفسي من البرد

أجابل الفحم .. أشوي بطاط

محتاجة تغيير جو

ودي أقعد بروحي

ودي أفهم بعض مشاعري

ودي لا اشتقت ألقى كل اللي احبهم حولي

مشتاقتلهم

ومشتاقة حق شي.. مادري شنو اهوا بالضبط

************

شكرا جزيلا حسين .. من الاعماق شكرا

TReSTeN said...

لووووووووووول

انا اتذكر هالليلة الي تتكلم عنها جيدا مع اني ماكنت معااك ولا حدثتني عنهاا

بس انا كنت مصورها فيديو بموباايلي وبنص التصويير تذكرت اني مو مسوي

ريكوورد

هههههههههههههههههه

واذكر كان فييها بردي

وليلة شتوية باردة جدا

وبعديين بالنسبة للموعد

هاليوميين لا تحااسبني تدري صااحبك اشصااير فييييه

مخي صااير تاش باش


وبعديين صدقني خااش لك مفاجاة مو طبيعية

بالاياام القلييلة القاادة صدقني مفاجاة خيااالية

وبتشووووف

بس زهب نفسك

Someday said...

We may not agree on the reason but looking for the same result
If you succeed in finding it, pass the recipe to a lonely heart

7osen said...

: شيماء

أهلا وسهلا

شكرا لج عزيزتي على هالكلام الحلو والمشجع

وفعلا الهوا عند البحر وااايد منعش
أنا هالأيام على طول أتمشى عند البحر
أمارس الرياضة وأستمتع بالأجواء


لا توصيني على الحليب أنا غرامي الحليب لا يمكن يمر يوم بدون لا اشرب حليب

:)))

تحياتي لج عزيزتي شيماء
ودمتي بكل الخير

================

:نجمة

ياهلا ومرحبا

صراحة حسيت بكلامج طالع من الأعماق

والجو إللى رسمتيه حسيتج بالفعل محتاجته

كلامج كان جميل وعفوي جداً

إن شاءالله بتعيشين هالأجواء إللى تتمنيها وأحسن بعد

:
شكرا لج على هالمرور الجميل

تحياتي


==============

: ترستن

اهلا وسهلا


تصدق ضحكتني على سالفة معاك
وتصوير الموبايل إنت شقاعد تقول بالظبط

شكلك على مشارف الهذيان

ههههههههه

حلوة تاش باش

توصف الوضع بدقة متناهية

ههههه


**
صج ؟؟
شنو المفاجأة ؟؟؟

يالله بسرعة عاد صج محتاج مفاجأت

:))

محـــــارة said...

بوست رووووعه حده عيشتني بنفس الأجواء وأوقات الخلود مع النفس رااائعه

مشاعرك وكلماتك قمه لأنها ببساطتها لكن صدقها حمل عمق وأحاسيس شخص يتميز برهافة حسه برغم من قلة معرفتي فيه

شوقتني لأوقات البرد بس هالأجواء حلو تكون مع شخص يهمس وياك بكل هدوء قريب لقلبك وتطير معاه بالخيال .. ياحلو اللمه الحلوه بهلأيام مع القمره

عسى يبلغنا إياها مع من نسعد بقعدتهم

واصل ولا تفكر شنو تكتبت .. وإضافة لأبيات تضاهي روعة ماكتبت برافو

SHAHAD said...

ياااي يا حسين
حدي تشوقت للشتا ولليالي الباردة
ولاحساس الحب فيها :)

عاد انا اموت بشي اسمه مطر ، وأعشق إني أسوق في يوم ممطر
بس دايما أبوي يمنعني لأنه يدري فيني متهورة
بس بالأخير أسوي اللي براسي :))

وناسة مجرد احساسي إني تحت المطر وأسمع شي رومانسي كـ فيروز أو كاظم الساهر
أعيش بجو ثاني بديع

.
.

تشوقت أقرا رواية احسان عبدالقدوس ، اسمها واسم البطلة شدني حيل

.
.

تصدق فيني فضول ودي أطلع على اللي كتبته بذيك الليلة، أحسه شي أكثر من رائع : )

.
.

كانت بداية بوستك جدا رائعة
دائما الحب يجدد المشاعر ويقتل الملل
وكذا نهاية بوستك رائعة
أحب هالاغنية ..

اسفة ع الإطالة
بس بوستك كله هادئ ويرد الروح
تحية مليئة بالمطر :)

الـفــــجـــ الــبـــعـــيـــد ــــــر said...

واااااااو

شوقتووووني للشتاااا والبرد والمطر

بوست حلووو خيوووو

عابر سبيل said...

ذكرتني بأمور أحبها
دائما أحب قيادة السيارة أثناء هطول المطر وفي الجو البارد جدا !!!

charisma said...

الله يا حسين
البوست حسسنى بالبراااد
حسيت انى انتعشت مع ذكرياتك فى الشتاء

ما تتخيل اشكثر احب الشتا وايامه
احس لها طعم خاص ومميز
ولاحظ كل ذكريات الشتا ما تنسى

حتى الناس الى تتعرف عليهم بهالفصل ما ينسون
هههههه

والكتاب له طعم غير


بوست ممتع
تسلم ايدك
:)

ZoZOta said...

أراضى خدودها وتزعل شفايفها

:)

نص حلو

حسيت فيك تسولف مع نفسك اكثر مما تسولف ويانا

وانت بحالة صفا

:)

kuwaitya_7saweya said...

صج ايام الشتا لها ذكريات
ذكرتني باللي مضى

واذا الحب موجود عمرك ماراح تحس بملل

عجبتني أراضــي خـــدودها تــزعــل شـــفايفها

7osen said...

:Someday

أهلا وسهلا

كلام جميل جداً

لكني حقيقة لا أعرف ماهو الحل

شكراً على هذه الزيارة الجميلة
تحياتي لك

============
: محارة

اهلين ومرحبتين

مشكورة عزيزتي على هالكلمات الرقيقة

وفعلاً إذا قدرت تقضي هالأوقات مع شخص قريب منك
اكيد بتكون اجواء خيالية

خصوصاً إذا كان هالشخص حبيب
لإن هالجو قمة بالرومانسية والمشاعر

:
تحياتي لج عزيزتي
واهلاً فيج دائماً وأبداً


=================

:شهودة

ياهلا ومرحبا

اهلا بشهد الروح

تصدقين عاد كل اللى يحبون المطر يحبون يسوقون بهالأجواء

لكن إذا متهوره ديري بالج عدل ويستحسن إنج ماتسوقين بالمطر

:)))

اييي أنصحج تقرينها واايد حلوة الرواية

:

اييي تصدقين الفضول لازم يكون موجود

ودي إني اكتبه
بس أنا ابيه حقي
علشان كل ما اشوفه اتذكر هاليلة

:)))

شكراً لج شهودة على هالمرور الحلو
ومافي أي اطاله ابدا

تحياتي لج عزيزتي

===============
:الفجر البعيد

اهلا وسهلا

شكرا على المرور عزيزتي

وكلنا في إنتظار ليالي البرد الماطرة
والمشاعر الدافئة


تحياتي

==========
:عابر سبيل

اهلا وسهلا

وانا أيضاً أعشق قيادة السيارة في الأجواء الممطره

شكرا لعبورك من هنا

تحياتي لك

==============
:العزيزة كاريزما

يا مرحبا ومسهلا

ضحكتيني على حتى الناس اللى تتعرف عليهم بهالفصل ماينسون

ههههه

والله ما جربت هالشي

خل أتذكر في احد تعرفت علية بالشتا واشوف نسيته ولا لأ

هههههه

شكرا عزيزتي على هالمرور الحلو
وعلى هالطلة المميزة

تحياتي لج يالغالية

=============

:زوزو

ياهلا ومرحبا

مشكورة زوزو على هالزيارة

وبعيد عن تعليقج

إنتي فيج شي ؟؟

مادري ليش حسيت بهالسؤال

:
تحياتي لج

=============

:kuwaitya_7saweya

ياهلا ومرحبا

ايي والله صدقتي

إذا الحب موجود ماتحس بالملل

شكرا لج على هالمرور الحلو

دمتي بكل الخير

Shather said...

يبدو اني لست الوحيده التي تشعر بالملل في هذه الدنيا المليئه بالصخب ..

لا اعرف سر هذا الشعور ..
لكن قد يكون الحاجه الى شخص يكمل جوانب النقص في شخصيتك ..
يغمرك باهتمامه ..
يقابلك بابتسامه ..
يشعرك بالامان ..
سببا في تبديد هذا السأم ..:)

7osen said...

:شذر
أهلا بالعزيزة شذورة

مادري شنو أقولج

أحنا دائماً وأبداً نحتاج ياعزيزتي لهذا الشخص

صدقيني الحياة بلا قلب يقاسمك المشاعر كل المشاعر
ويشعرك بإنك موجود ومرغوب
مجرد حالة من الملل المتكرر

****
شيء أخر

حقيقة ياعزيزتي أنا ودي إني أبدي اعجابي الكبير ،، الكبير جداً جداً في أسلوبك بالكتابة
خصوصاً كتابة القصة ونقل المشاعر الإنسانية المختلفة
فعلاً بكل صدق وبدون مجاملة أسلوبك حقاً رائع
أنا جداً جداً أستمتع به

شكراً لكِ

Shather said...

حسيين الغالي ..

اكتساني الحياء و الخجل بعد قراءتي لكل ما تفضلت به :) ..
و الشكر لله سبحانه على ما من به علي من اعجابكم و حبكم ..