11/16/2007

يوم

اليوم عيد ميلادي

ما أحس إن هاليوم فيه فيه شي مختلف بالنسبة لي آنا

لكن إللى يخليه مختلف احبابنا وأصدقائنا

صراحة واايد يعنيلي هالشي لما توصلني مسجات حلوة

على شان هاليوم ،، وااايد أستانست ،، خصوصاً إنها كلها كانت بعد الساعة 12باليل أمس

حسيت إني مهم ههههه

شكراً لكم جميعاً

شكراً من الأعماق

وطبعاً شكر خاص جداً حق عزيزي الغالي على كل إللى سواه

****************

أمس رحت معرض الكتاب

أستمتع واايد لإني أحب هالمناسبة ،،، من سنين طويلة وانا لازم اروح حق المعرض

وأعتبرة مناسبة سعيدة ،،،

شريت مجموعة من الكتب ،، صراحة كانت مجموعة صغيره مو نفس السنة إللى طافت

السنة اللى طافت ،، كانت الحصيلة كبيرة جداً

أهم شي إني شريت المجموعة القصصية حقت الكاتبه باسمة العنزي

( حياة صغيرة خالية من الأحداث )

لأني من أول صدورها وأنا أدور عليها وماحصلتها ،، تعجبني واايد كتابات باسمة العنزي

ودائماً أتابع كتاباتها في جريدة الراي

وعلى طاري جريدة الراي شريت كتاب حق كاتب شاب بعد يكتب في الراي

أهو حميدي حمود ، مجموعة قصصية أسمها ( ظلي )


وعدد كبير أخر من الكتب المختلفة

لكن الأهم كان رواية ميس العثمان عرائس الصوف

والأهم أكثر إنها وقعتلي على الرواية بكلمات جميلة جداً

قريت جزء من الرواية أمس باليل ، كانت ممتعة واايد وإن شاءالله اليوم راح أخلصها

وعجبني جداً أسم مروانه بطلت الرواية ..


****************


مسج

في عيد ميلادك
احترت وش أهديك
..
أهديك
قلبي
..
روحي
..
وإلا عمري هدية
.....
كل عام وانت حبي
كل عام وانت بقلبي
يا أروع من صادفته بدربي
يا أطيب ما خلق ربي
...
حروفي منك ولك
كتبتها وهي كل ما أملك
أهديها لـ اللي نبضي مَلك
وأوصيها على حبيب قلبي
...
أحط عمري على عمرك
تدلل حياتي على أمرك
تزهى دنيتي بأمرك
بهمسة منك ترضيني

************

أخيراً

مشاعر الأخرين الجميلة التي تشعر بأنها صادقة وحميمة
تشعرك بجمال الحياة ومعناها الحقيقي


28 comments:

78o8eYa said...

~!~ HaPpy BirThDay to U ~!~
;D

كل عام وانت بألف خير
وعساها لك سنة سعيدة
تفيض بمحبة أحبابك
وترتوي بصادق احساسك
..
الله لا يخليك من حبايب دنياك
:)

---

معرض الكتاب
..
أحس الحماس له أقل من كل سنة
وناويه أروح باجر أو يمكن اللي عقبه

أهم شغلتين
المجموعة القصصية " حياة صغيرة خالية من الأحداث" للكاتبة باسمة العنزي ، كنت متشوقة أقراها وتعبت أدورها واليوم وصلتني معاها إهداء من شخص عزيز جداً
فرحني ^_^

الشغلة الثانية
رواية عرائس الصوف لـ الأديبة العزيزة ميس العثمان ، أعشق أسطرها الغارقة برومانسية راقية
تلك المشاعر الملتهبة على الورق تنبض بدفء يسري فيك بكل ما يملكه من احساس
..
أتمنى لك قراءة ممتعة
اختيار موفق
;)

---

وأخيراً

كل سنة وانت طيب
لإنك تستاهل الطيب كله
:)

Najmah said...

كل عام وانت بخير وصحة وسلامة
وعسى ايامك كلها افراح واعياد
.
.
معرض الكتاب رحت له أول يوم واحتاج روحة ثانية

شريت رواية عرائس الصوف بس لما الحين ماقريتها شوقتني اقراها :)
.
.

العبارة الاخيرة فعلا مسك الختام :)

PearL said...

كل عام وانت بألف خير يا حسين

عقبال 100 سنة يارب تعيشهم بهنا و راحة




==
بالنسبة لمعرض الكتاب للحين ما زرته
وما عندي اي فكرة عن اي شي جديد

راح اشتري اللي ذكرتهم
لمجرد اني اثق بذوقك


اذا عندك فكرة عن الروايات اليديدة
لا تبخل علينا

happy birthday again

qesat_5ayal said...

كل عام وأنت بخير



معرض الكتاب
:)
أستمتع بالتجوال بين الكتب

Anonymous said...

كــــــــــــــــــــــــــــــــل
عـــــــــــــــــــــــــــام
وانـــــــــــــــــــت
بخيــــــــــــــر


حياة سعيده وعمر مديد

يالحبيب

اخوك مناف نذر

:)

الزين said...

كل عام وانت بالف خير

والعمر كله يارب

سنه جديده

حياة جديده

عمر جديد

الا احبابك يضلون احبابك يا حسين

يزيدون وما ينقصون

ربي ينولك اللي في بالك

7osen said...

:حقوقيه

ياهلا والله ومرحباً

اهلا وسهلاً عزيزتي

وإنتي بخير إنشاءالله وبسعادة

مشكورة على هالكلام الحلو
هذا من ذوقج

:
لا لازم يكون عندج حماسة أكثر
التجول هناك متعة جميلة جداً

ومبروك حصولك على النسخة من الكتاب
باسمة كاتبة مميزة جدا

أما ميس
فآنا جداً معجب بأسلوبها وفي طريقتها بالكتابة

روايتها جداً ممتعة

أنصحج فيها
مع إنج مو محتاجه نصيحة لأنج باين عليج تحبين الكاتبة

مشكورة عزيزتي على هالمرور الحلو
والكلمات المعبرة

تحياة خاصة جداً
للعزيزة حقوقية

دمت كل الحب

7osen said...

: نجمة

اهلا وسهلا

وإنتي بخير وصحة وسعادة

مشكورة واايد عزيزتي


فعلاً الرواية واايد ممتعه
سارعي في قراءتها

اتمنالج كل الأستمتاع

تحياتي لج

7osen said...

:بيرل

ياهلا ومرحبا

وإنتي بخير عزيزتي مشكورة واايد
شكراً على هالكلمات الصادقة

:
معرض الكتاب
واايد حلو

إنتي لما تروحين هناك راح تستمتعين

واشكرج على هالثقة
بس ترى انا بعد ماقريتهم
يعني اذا ما اعجبوج لا تقولين كله مني

هههههههه

والله اشياء يديده صراحة مافي بالي شي
إلا رواية باولو كويلو

انا شريتها

بس اذا مو قارية رواية موسم الهجرة الى الشمال ضروري تشترينها

هذا الرواية بالنسبة لي روعة
اجمل شي قراءته ومتأكد راح تعجبج

لازم تقرينها وتقولين رايج فيها

:

شكرا لج
اتمنالج كل السعادة

7osen said...

: قصة خيال

اهلا وسهلا

وانتي بخير وبصحة

شكرا جزيلا لج


وانا بعدوااايد استمتعت

لازم اروح مرة ثانية اكيد

شكرا لج عزيزتي
تحياتي لج

7osen said...

:مناف
اهلا وسهلا اخي العزيز

وانت بألف خير وبسعادة

مشكور واايد على هالزيارة والمرور اللى اسعدني واايد

شكرا لك اخي العزيز
تحياتي لك

7osen said...

: زوزو

اهلا ومرحبا

وانتي بخير وبصحة عزيزتي

الله يسمع منج إن شاءالله

مشكورة وااايد على هالكلام الطيب

اتمنالج كل السعادة

فراوله said...

مساالورد والجوري
مساالاعياد والعمر المديد
اخي العزيز
كل سنه وانت بالف خير
والعمر كله يارب
وعسي هالسنه والسنين اليايه
تكون سنين خير وتفاؤل
لك ولكل حبايبك
آمين يارب
دمت بدفء وعذوبه
ابدا
:)

Nora said...

واي عيزت و انا احاااول احط كومنت
بلووقك ما يحبني
:((
ان شاء الله يضبط هالمرة
----
كل سنة و انت اطيب و انقى و ارقى
احساس و عاطفة

و معاك كل من تحب و كل القلوب النظيفة
:))
happy birthday ..

7osen said...

:فروالة

يهلا ومرحبا

صباح الأنوار

وإنتي بخير عزيزتي

مشكورة وااايد بكبر السما
على هالكلام الحلو الرقيق

أتمنالج كل الخير والسعادة
ودمت بكل الحب

7osen said...

:احلى إنج

اهلا وسهلا
يامرحبا ومسهلا

لا تقولين مايحبج

بالتأكيد وبالطبع هو يتشرف بوجودك

وإنتي طيبة
شكراً لرقة أحساسك ولروعة كلماتك

شكراً لهذا المرور المفعم بعبير النقاء الراقي

تحياتي لأحلى مهندسة

ودمتي بكل الأمل والفرح

الاء سعود المجيبل said...

happy happy happy birthdaaaaaay ya a7la e7saaas...;>

raby ye5aly ayameek kelha sa3ada ensha2llah..;>

Barrak said...

كل عام وانت بألف خير


لو اعرف رقمك جان دزيتلك مسجين
واحد عن عيد ميلادك
وواحد عن احاسيسك النقيه




سنه حلوه ياجميل

SHAHAD said...

كل عاااام وانت بخيير
وعسى عامك سعادة وحب
حلو لما يكون يوم ميلادك والمسجات مو راضية تسكت .. شعوور حلوو
الله يخلي اصدقائك وكل اللي فرحوك وعسى الله لا يفرقكم
.
.
أما معرض الكتاب .. فآنا أحرص إني أزوره
ومرة وحدة ما تكفيني .. لازم أزوره مرتين وثلاث
تصدق عاد .. مي تو شريت كتاب عرائس الصوف لميس العثمان ووقعت لي عليه بعد
جدا رائعة بالتعامل
والرواية جدا ممتعة :)

ربي يحفظك يارب ويطول بعمرك إن شاء الله :))

charisma said...

حسسسييين
تاخررررررت وااايد تاخرت
ما بغيييت اقولك هابى بيرثدى وايد متاخر
:(

كل عام وانت بالف الف خييير عزيزى
وعقبااال ميه سنه
وانشاءالله تكون سنه خيير وافضل من الى قبلها
والله لا يحرمنا من حسك معانا

:)

وسورى على التاخير دير
تستاهل كل خير يا حسين

Manooya said...

كل عام وانت بخير =)


والله لا يحرمك من احبابك ان شالله

Aldenya said...

كل عام وانت بخير
وعسى أيامك كلها سعادة بسعادة
وفرح ما ينقطع


وبالنسبة لبسمه العنزي
أنا أتابع كتاباتها بجريدة الراي
ولها أسلوب قيم ورائع جدا

7osen said...

:كويتية

اهلا وسهلا

ومرحبا فيج وايد وايد

والله كلامج اسعدني

مشكورة من الأعماق عزيزتي

وسعيد جدأ بهالطلة الحلوة

أتمنالج كل التوفيق


==================

:براك

ياهلا ومرحبا

وانت بخير وبصحة اخي العزيز

مشكور يالبرك على احساسك العذب

سعيد بهالمرور العطر

تحياتي لك

================

:شهد

اهلا وسهلا بشهودة

وانتي بخير عزيزتي

ومثل ماقلتي شعور وايد حلو لما تحس بالناس حواليك مهتمه فيك

الله يسلمج ومشكورة على هالدعوة الحلوة

:
وشي جميل وايد إنج تحرصين على زيارة معرض الكتاب

وميس فعلاً تعاملها وااايد
راقي .

تحياتي لج
ودمتي بكل الحب

================

: الغالية كاريزما

اهلا فيج اختي العزيزة

ولا تأخير ولا شي

وانا اللى اشكرج واايد على شعورج الطيب

الله يسلمج من كل شر
ويعطيج العافيه

ومافي اي تأخير

شكراً لج يالغالية

اتمنالج كل الخير


===================

:منوية

اهلا وسهلا

وانتي بخير

مشكورة منويه


===========

:الدنيا

اهلين وسهلين

وانتي بألف خير عزيزتي

مشكورة وايد على كلماتج الحلوة

الله يعطيج العافيه

:
وباسمة
أنا متابعها من زماان وااايد
من ايام كتابها الأشياء
وماقبل

صراحة كتاباتها تعجبني كثيراً جداً

وهي بالفعل مبدعة


تحياتي لج ومشكورة وااايد

Anonymous said...

كل سنة وانت طيب
ولو انها متأخرة شوي :)

معرض الكتاب هالسنة للأسف ما أسعفني الوقت اني امره، جدولي اليومي كان جدا مزدحم ان شالله اعوضها السنة الياية :)

بالنسبة لـ ميس العثمان روايتها هذي مالت العام مو يديدة ممم قريتها بس ماكانت بالمستوى الجيد.

وبالنسبة لـ حميدي فأتمناله التوفيق ان شالله، سمعت انه هذا اول اصدار له.

على العموم بوست جميل، دمت :)

7osen said...

:LaDY RaiN

اهلا وسهلا

وانتي طيبة
وبخير إن شاءالله

معرض الكتاب موجود لي يوم الخميس
حاول تروحين

يستاهل العنوه

أيي فعلاً أهي مالت العام
بس انا توني اقراها

لا حرام عليج مستواها فوق الجيد
يعني اقل من مستوى غرفة السماء

بس ممتعة والله

وحميدي فعلاً اول اصدار هالمجموعة القصصية

قريتها ومادري حسيت ان مستوها
مو بالشكل المطلوب
لكن كبداية اعتقد مقبولة

تحياتي لج عزيزتي
وشكرا على المرور الحلو

Purplecious said...

حسيـــــن

كل عام و أنت بخيــــر

:)

سامحني على التأخير

7osen said...

:Purplecious

أهلا وسهلا ومرحبا

وإنتي بخير وبصحة

مشكورة وااايد عزيزتي

وإن شاءالله مافي تأخير
يكفي تهنئتج

وااايد مشكورة

magnoonah said...

لو بعتذر ما اعتقد اوفيك حقك
:(


ادري انها متاخره واايد بس والله اسفه اخترب الجهاز وتوني شفت البوست

اخوي العزيز والغالي حسووون

كل عام وانت بالف خير وعسى ربي يعيده عليك كل سنه بصحه وعافيه وفرح وسرور

واتمنى لك كل خير لانك اطيب اخو بالدنيا وتستاهل كل شي حلو فيها

عقبال العمر كله
:)

واسفه