11/20/2007

أشياء




















تعبت أنزف جراحي حبر وادور للألم أسباب

لجل اكتب شعر يحكي بعض اصغر معاناتي

قفلت من الأسى بابي وسجنت الكون خلف الباب

وعصتني دمعة فيها سؤال لكل إجاباتي




عبدالرحمن بن مساعد




هالقصيدة وااايد أحبها فيها معنى حيييل كبير

وفيها جُمل أحسها تعبر عني بشكل كبير

خصوصاً

قفلت من الأسى بابي وسجنت الكون خلف الباب

أحيانا أحس جذي

إن كل الكون خلف بابي

معاي بداخلي

كل الكون

بفرحه

وحزنه

بهمومه

وبسعادته

وبغموضة

وبكل شي فيه

شعور يخليني أضحك وأبكي

وأفرح وأحزن


شعور حلو ممكن يوريني حقيقة الدنيا في لحظة تجلي




*******
حاجة


أحب إني أصادق إنسان يعرف يسمعني

ويفهمني

ويقدر حالاتي النفسية

يتفاعل معاي لما أكون فيلسوف

ويعلمني لما أكون جاهل

يتكلم لما يحس إن الصمت ساكني

ويسمع لما أحتاج أثرثر

يبادلني الأفكار

وأبادله

يستمتع بالكلام معاي

واستمتع أنا

احب لما يكون عندي صديق بهالمواصفات

وبالواقع

في عديد من الأشخاص

لكن بطبيعة الحال مافي أحد مثل مانبيه بالظبط




السؤال

ممكن نحصل شخص مثل مانتصور بالظبط

ولا هذا الشي مستحيل


*************
حقيقة



ما أحب لما أحس إني لازم أعامل شخص بغير أحساسي الحقيقي تجاهه


أحس إني قاعد أكذب طوال الوقت


************


شعور


اركض اليك بفرح طفل صغير ،، تحملني بيديك القويه وترميني في الهواء

اشعر بإني اطير ( كم اتمنى ان اطير ) تسحبني الجاذبيه الارضيه الى الاسفل

انتظر يداك ان تتلقفني ولكنك تتركني اهوي بقوة وارتطم بالارض

****************
حالة متكررة


كنت جالس انظر الى الفراغ وفي رأسي ملاييين من الصور

تبرز فكره معينه واود تسجيلها وكتابتها هذه اللحظه تحتاج صفاء ذهني وانفصال عن العالم الخارجي

ابدأ بالكتابه يدخل السيد انور حامل قلاص الشاي

يضعه ثم يبدأ بالكلام ،،، كلماته تجعلني افقد السيطره على افكاري

لا ادري ماذا يقول اهز رأسي بالإيجاب وهو مستمر بالحديث عن بلاده

وعن اوضاعه المعيشيه ،، اود ان اقول له انني اضع كل تركيزي على ما افعل وانه ليس

الوقت المناسب لهذا الحديث

ولكنه يستمر بلا أي مبالاة ،،، كأنه يريد ان يتكلم وكفى ،، لا يهتم ان كنت اسمع

او لأ ،،، وانا لا اريد ان اقول له انني لا استطيع ان اسمعه الان

اتوقف عن الكتابه وارفع نظري اليه يستمر هو بالحديث الا ان يفرغ ثم يذهب

بدون ان ارد عليه او اعلق على ما قال

ارجع الى فكرتي فأجد فراغ في رأسي ولا اتذكر ماذا كنت اريد ان اقول او اكتب

هذه الحاله دائما ما تتكرر ؟؟؟

*****

أخيراً

لا تشعر بالذنب ياصغيرتي لا تشعري بالذنب
فإن كل امرأة أحبتها قد أورثتني ذبحةٍ فالقلب
لا تشعري بالذنب

نزار




28 comments:

TReSTeN said...

انور ياااااب الشاااي

غرييبة

لووووووووووووول

اكييد من الباااارح قايله

ههههههههه

ولا نسييت اشسوى فينا بذلك اليوم المشهوود

بدق على برووك اقووله

انور سوى شاااي

ههههههههههههههههههههه

ههههههههههههههههههههههههههههه

LORD.M.M said...

تحياتي ...


كيفك ؟


صعب ان تجد صديق يجتمع فيه كل ما تريد ..

لذلك هناك دائما اصدقاء لكل وقت ..



و كما يحدث معك عند دخول السيد أنور ..

يحدث معي عندما يبدا شريكي بالغرفة التحدث بدون توقف ..و انا في قمة الحاجة الى الهدوء للكتابة ..و الافكار تريد الهرب مني و ان في حيرة و عبثية من محاولة الاستماع اليه او محاولة التقاطها ..

لذلك بدات بوضع سماعتين و تشغيل أغنية ..فيعلم اني لا اريد الاستماع له..او المقاطعة..


تحياتي لك ..

Manooya said...

اركض اليك بفرح طفل صغير ،، تحملني بيديك القويه وترميني في الهواء

اشعر بإني اطير ( كم اتمنى ان اطير ) تسحبني الجاذبيه الارضيه الى الاسفل

انتظر يداك ان تتلقفني ولكنك تتركني اهوي بقوة وارتطم بالارض




..


هالجمله عورت قلبي ودمعت عيني .. ليش هالكلام القوي !!


انور ما اييووز من طبعه =)

وبعدين هالصفة موجوده بالـ DNA مال البنقاليه كلهم ههه
يبون بس يتكلمون ويفضفضون حتى لو ما حصلو على اي تعليق او رد


الي عندنا بالدوام فوق ما ان اسمه "نزرول" يوقف ابلعومي لما يشوفني اشرب ماي تنزل عليه كل الاسئلة الي يبي يسالها ويبيني ارد =")

لو انت مكاني شتسوي فيه لول ؟
والمشكله كل مرة جذيي ماكو فايده احس عيوني تطيح بالقلاص والماي ما ينزل واهوا بصوته الشجي يغدق علي بالاسئلة اللا متناهيه لول

=)

7osen said...

: ترستن

أهلا وسهلا

ههههههه
تصدق مو البارح لا من قبل يومين

:)

بس مسكين الريال انتم شسويتو فيه

مامداه يسوي شي

الا انتم كليتوه

ههههههههه

7osen said...

: لورد

ياهلا ومرحبا
اهليين وسهليين

وينك ماتبين يا صديقي

اتمنى إنك تكون بأحسن حال وعلى خير مايرام

***

نعم أأيد كلامك هناك اصدقاء لكل وقت

وبصراحة

شريكك هذا لو أنا في مكانك أخنقة

هههههه

ما احب احد يقاطعني لما اكون مركز بشي
اصير حدي عصبي

بس زين تسوي

السماعة تفي بالغرض


شكراً لوجودك الذي افتقدته

تحياتي عزيزي

7osen said...

: منوية

ياهلا ومرحبا

اسف على الم قلبك
ودموع عينك

ماعليه
اعتذر

:)

**

عاد هذا النزرول
مايلقى اسألته الا لما تشربين ماي

انا لو مكانج على طول قلاص الماي بويهه

ههههه

بس ما اعتقد ان صوته شجي


تحياتي لج عزيزتي
وشكرا على المرور

فراوله said...

مساالورد والجوري
عزيزي
7osen
جميله تلك الاشياء التي تطرقت لها
وأكثر ما أثارني
الحاجه
فعلا نحن بحاجة لذلك الشخص الذي يفهمنا
ويتحملنا بكل حالاتنا
بفرحنا وبهمنا
ولكن
السؤال تكون اجابته
صعب الحصول علي ذلك الشخص
إلا ماندر
وأين ذلك الندر؟؟؟؟
دمت بدفء وعذوبه
ابدا
انشاءالله تحصل ذلك الشخص
آمين
:)

Najmah said...

1- الابيات حدها حلوة


2- يتفاعل معاي لما اكون فيلسوف
صج صج مو اي انسان يقدر يسوي هالاشياء
بالنسبة للسؤال
مادري يمكن بس نادر و مو بكل وقت نحتاجه نلقاه

3- احيانا نضطر نجامل اللي جدامنا
ولو اني ماحب اجامل لكن عندي أهون من إني
ادقر انسان أو أرده


4- شعور خيالي :)


5- :)


ويعطيك العافيه على هالبوست الحلو

PearL said...

من بداية البوست وانت ابدعت
باختيارك لقصيدة من عبدالرحمن بن مساعد


هالقصيدة انا بعد
وايد احبها
و احسها تعبر عني بوايد اشياء




كل شخص فينا يحب يصادق انسان يكون معاه بكل لحظة
بس للاسف وايد ناس بوقت فرحك يعرفونك
بس لما تتضايق مايدرون عنك او يتمللون منك

انا اشوف صعب تخصل شخص ايا كانت علاقتك معاه مثل ما انت تبيه بالضبط





حقيقتك اهيه حقيقتي
ماقدر اعامل شخص باحساس او بشخصية ثانية
واحس اني قاعدة اجذب على نفسي قبل ما اجذب عليه


شعورك مؤلم
لكن هذا واقع وايد نصادفه



ارجع الى فكرتي فأجد فراغ في رأسي ولا اتذكر ماذا كنت اريد ان اقول او اكتب

هذه الحاله دائما ما تتكرر
على طول معاي هالحالة

على طووووول


وفي الختام
ابدعت بقصيدة نزار

عالية said...

لوووووول

وانا اقرى البوست قمت اتحلطم

صج وين نلقى انسان بهالمواصفات اعتقد مستحييييييييييييييييييييل

دمت بود

الزين said...

انا برد على سؤالك

لأن كل اللي كتبته رائع كعهدي بك

تحصل انسان مثل ما تبي؟

طبعا لأ

ممكن يكون مقارب من توقعاتك بالشخص اللي تبيه قريب منك

بس مو مثل ما تبي اكيد

احنا يا حسين نتاج مخرجات بيئات مختلفه

ظروف وتجارب مختلفه

تربيه غير

احلام وامال واحباطات تختلف

بس بالنهايه الإنسان اللي معدنه طيب ما تغير

حتى لو تغير الشكل او الطبع

البساطه بكل شي انا عندي اهم الصفات

لأن الإنسان البسيط تقدر توصل لقلبه وعقله بدون معاناة

ولأن اهو المقابل ما ينتظر منك اجر ولا فايده

متطلباته دايما تكون حسية اكثر منها مادية

يبسط الأمور لك وما يعقدها

يريحك لأن اهو راضي ومرتاح

وبعدين بالنهاية احنا بشر

نصنا زين ونصنا شين

لازم نعرف نتقبل النصين مع بعض فينا وفي غيرنا

:)

فقدت تعليقك بمدونتى

لعل المانع خير يا حسين

SHAHAD said...

قصيدة عبدالرحمن بن مساعد
فعلا اختيار رائع وهذا مو غريب عليك
دايما اؤمن بذوقك المتميز
.
.
صديق كامل المواصفات
اممم مابي أقول مستحيل
ولكنه نادر جدا
بس دايما يكون كل حاله لها صديق يفهمك فيها

.
.
دايما اقول المجاملة نوع من انواع الكذب
على نفسي قبل لا تكون على غيري
أحاول أتجنبها كثيرا
رغم إن الحياة تجبرنا أحيانا
.
.
ولكنك تتركني اهوي بقوة وارتطم بالارض

شعور مؤلم صعب :(

.
.
أما أنور هذا هههههه
وايد يصير فيني هالموقف
لما أكون محتاجه الهدوء والفكرة كاهي عند أبواب عقلي وقلبي بتطلع للورق
يدخل ذاك الدخيل ويسمحها دون قصد !
ساعتها ودي ابجي لوول
أعصر مخي عقب بس دون أي فائدة
فتتوه الفكرة في عالم لا أصله !!
.
.
كلمات نزار .. عجيبة
أحب لما تختم بوستاتك بشيء من كلماته
جدا رائع أنت

5roofa said...

اول شي كل عااااااام و انت بالف خييير سامحني يت متاخره واايد

عسا يارب عمرك عمر شعيييييييب النبي و تفرح في كل سنه و ما يحرمك من ولا غالي

عاد تبي الضحك ذكرتك بسفرتي لووول في محل اهناك شكبره اسمه حسين حسوني
لووول

اثاريك مسوي بزنس بره ولا قايلنااا
;p

حبيت قصيده نزار الاخيره وايد حسيتها قريبه مادري ليش

و على النسيان و فقدان الخيط ويييييي عندنا و عندك خير
امبي تخيل بعض المرات و انا بنص كتابة البلوق اتنح شفيج يا خروفه؟
ماكو ضاعت الفكره بدون ما احد يلهيني ولا شي لوووول

عاد انا حاله نادره يمكن يبيلها دراسه

تبي الصج يا صديقي الصدوق لووول بني ادم كل ما يحصل شي قباله احس يتنما شي غيره
يعني اتوقع لو حصلنا الي نبي هم بنقول والله يريت حصلنا شي غير

ما نتعب من الطلبات و الامنيات

ياااااااارب يا حسين تتحقق كل امنياتك و رغباتك و طلباتك
عاد انت الغالي لووول

T.C friend...

salamz....

7osen said...

:فراولة

ياهلا ومرحبا

مساء الخير يا ويه الخير

فعلاً مثلما قلتي
نحن بحاجة ذلك الشخص الذي يفهمنا
ولكن اين هو ؟؟

الجواب ربما يكون لدى الأقدار
فهي من ترتب لنا اللقاء به
وهي من تبعدنا عنه

مشكورة عزيزتي
على التواصل
لك أجمل تحية

7osen said...

:نجمة

أهلا وسهلا ومرحبا

اكيد مو كل إنسان ممكن انه يفهمنا عدل

واعتقد صعب جدا إنا نحصل هالشخص إذا ماكان مستحيل


المجاملة مطلوبة أحياناً
لكنها وايد ثقيلة وفيها جذب كبير برايي


مشكورة اختي نجمة على مرورج الحلو

7osen said...

: بيرل

ياهلا ومرحبا بالعزيزة أم جوا

تصدقين بيرل ذوقج في وايد اشياء نفس ذوقي

اهم شي تحبين شعر عبدالرحمن بن مساعد
وكاظم الساهر

:))

شوفي مسألة الصديق أنا أأيد كلامج
لكن إللي قصدته بالظبط
أهو إنك تلقى شخص تستمتع بالحوار معاه
وتحس نفسك منطلق وتحسه فاهمك على طول الخط

يعني انا عن نفسي عندي أصدقاء عديدين
لكن إللى أحس بالمتعه في الكلام معاه
قليل جداً
وترستن أحد هالأشخاص وهذا الشي اللى يخليني صابر عليه

ههههههه

الشخص الواضح والشفاف برايي هو من يجد صعوبة بالتعامل بغير مايشعر


شكراً لج عزيزتي
على تواصلج الممتع

نبي بوست يديد منج

أتمنالج كل الخير
وسلميلي على جوا

تحياتي
:)

7osen said...

:عالية

ياهلا ومرحبا
اختي

اهو ممكن يكون صعب جداً تلقى الشخص إللى تبيه لكني ما أعتقد إنه مستحيل بالمرة

ممكن تصدف

اتمنالج كل السعادة
تحياتي

7osen said...

: زوزو

ياهلا ويامرحبا
شلونج زوزو

إنتي دائماً عندج قدرة على تحليل الأشياء بدقة وبكلمات بالصميم
اهنيج على هالتفكير

فعلاً هي بيئات مختلفة
والجميل لما يصير هالتقارب والتوافق بين شخصين مختلفين بكل شي

هذا الشي واايد ممتع اذا صار

وأناأأيد كلامج مية بالمية
الإنسان البسيط أهو اللى تقدر تتواصل معاه بجميع الأحوال

:
صدقيني يازوزو

أنا كل يوم أمر مدونتج وأنتظر الجديد
لكني أحياناً صراحة ما القى تعليق مناسب
مثل البوست الأخير المساجلة الشعرية كان رائع بكل معنى الكلمة
ماحسيت ان في شي ممكن يقال

وصارلي جم يوم ناطر جديدج

ومشكورة واايد على الأهتمام عزيزتي

اتمنالج كل الخير

7osen said...

:شهود

اهلا وسهلا ومرحبتين

صحيح هذي القصيد واايد روعة
ومشكورة على كلامج


صديق كامل المواصفات
ضحكتني والله

اهو صحيح مافي شخص كامل المواصفات

لكن مثل ماقلت في ناس تحسه يفهمك بكل صغيرة وكبيرة
وهذا الشخص اللى الواحد يتمنى يعرفة

والمجاملة مثل ماقلتي احيانا ننجبر عليها
لكنها واايد مزيفة


هذي الحالة وايد صعبة
لما تكون عندك فكرة وفي احد يشوش عليك ما أدري انا احس هالشي يخليك تعصب حيل

بس مع انور ما تملك ألا إنك تضحك

:))

اتمنالج كل السعادة والضحك

تحياتي شهد الروح

7osen said...

:خروفا

ياهلا ويامرحبا
الحمدلله على السلامة

بيفارما خروفا

ههههههه

هذي على شان سفرتج

وانتي بخير وبصحة وعافيه عزيزتي
مشكورة


اييي هذا محلي ماتدرين ؟؟
هههههه
اسمه يضحك

:))

عجبتني كلمتج

صحيح دائماً الإنسان لما يكون عنده الشي يتمنى الأحسن منه
اعتقد هذي الشغلة بالفطرة


لاا
لازم تركزين وماتخلين الفكرة تفلت منج

علشان تمتعينا بقصصج الرومانسية الجميلة

مشكورة وااايد واايد خروفا على كلامج الطيب
اتمنالج كل السعادة

magnoonah said...

البوست الي طاف وتاخيري

يخلوني ما اعلق الا لما تقبل اعتذاري

حسون والله محرجه منك

لو حصلت ابتسامه صغيره وعلامة رضى بعلق


واعتذر للمره الثالثه

بليييز اقبله

Shather said...

مررت من هنا ..
لكن لا املك ما اعقب به ..

:)

و كل عام و انت بخير و اعذر تقصيرنا و تأخيرنا .. الظروف تحكم .

7osen said...

:مجنونه

ياهلا ومرحبا
اهلا باختي العزيزة المجنونة الصغيرة

عزيزتي لا تعتذرين ولا اي شي

انا اللى اشكرج وااااايد
على اخلاقج الكريمة

والله يسعدني كلامج

واكيد مقبول
بدون لا تقولين

:)

7osen said...

:شذر

ياهلا ومرحبتين

يسعدني مرورك الجميل
وهو بالتأكيد يكفي ويفي


وانت بألف خير عزيزتي

مشكورة واايد شذورة

charisma said...

مساء الخير كله
:)

اختيارك لعبدالرحمن بن مساعد روعه
احب هالشاعر مرهف احساسه وتوصل القلب كلماته بسرعه

اصدق انا احصل على الشخص المناسب بس اوقف عاجزه يمه
ما اقدر اقرب منه
:(
دايما هذا حظى




حقيقه

ما أحب لما أحس إني لازم أعامل شخص بغير أحساسي الحقيقي تجاهه


أحس إني قاعد أكذب طوال الوقت


هذاك اول
الحين اوخر اوخر والى يصير يصير
ما قمت اجامل على حساب نفسى


ههههه
ضحكتنى على انور

الله يسامحك يا انور حرمتنا من ابداعات حسين
:))

تصبح على الف خير
:)

esTeKaNa said...

مسا الورد
:)
وهل هناك اجمل من احساس يريك الدنيا في لحظة تجلي؟
هنيئا لك بهذا الاحساس
وهنئيا لك بذوقك الشديد الرقي الواضح من خلال اختيارك لقصيده عبدالرحمن بن مساعد
على فكرة...لعشق اشعار عبالرحمن اشعر بان فيها نوع من الذكاء فهو من خلال تضاد الكلمات واختيار الالفاظ يوصلنا لحقائق عظمي





احساسك ورغبتك بمصادقة صاحب الصفات المذكورة احساس طبيعي
ولأنك اخ عزيز جدا
اتمنى فعلا ان تتمتع بهذا الاحساس الراقي
فانا اول ما قرأته ما طرت على بالي الا احلى انجنير
:)
ليس مستحيل ان تجد شخص مثل ما تتمنى بالضبط...وان لك يكن مستحيل هذا لا يعني انه امر سهل
!!






اما الحقيقه فانا اتفق معك فيها مليون بالاميه...مجامله الناس بالاحساس خيانه لقلوبنا وظلم لهم ولنا
:(



انا شعورك ...فاهو للاسف اقصى شعور


اتمنى ان يتغير وقت فضفضة انور ونستمتع نحن بجمال ورقه بوحك وكلماتك
:)

7osen said...

: كاريزما

ياهلا ومرحبا

مساء النور والنوير


اكيد عبدالرحمن بن مساعد شاعر مبدع
وقصايدة دائماً فيها شي مختلف

:
ليش ماتقدرين تقربين
إذا كان مافي شي يمنع
أقتربي ولا تترددين

لأن أحنا دائماً ندور على الشخص المناسب

شي جميل إنج ماتجاملين على حساب نفسج
هذا القرار واايد سليم

وانور هذا سالفته سالفه

ههههه

تحياتي لج عزيزتي

7osen said...

إستكانه

ياهلا ومرحبتين

مساء الانوار


لا بالطبع ليس هناك أجمل من هذا الأحساس
كما أظن

الله يخليلج صديقتج الصدوقه
احلى إنج

فعلا من أجمل وأهم الاشياء بالحياة
إنك تلاقي صديق يفهمك ويحس فيك بمجرد النظرات

شي وااايد له تأثير على حياة الإنسان كلها


شكراً لج عزيزتي
على كلماتج المميزة دائماً
وشعورج الصادق دوماً

تحياتي وامنياتي