6/02/2008

أبي مطر





















ابي مطر


مطر الحياة

مطر الحب

مطر الحرية




*****

صباح الخير

صباح الحب

صباح الأمل

صباح التفاؤل

الحياة جميلة أليس كذلك ؟

سؤال لطالما أتعبتني إجابته

وأكتشفت إنها تحت أقدامي ولكني لم أكن اعلم بها
لم أراها

الحياة جميلة

دعونا نعيشها بقوة وبأمل وبتفائل وبصبر

الحياة جميلة برغم كل شيء


أيام الإنتخابات

عجبني شعار رولا دشتي

نقدر
هههههه

نعم نقدر
نحن قادرين على كل شيء
عندما لا نحقق أحلامنا
هذا لا يعني نهاية الحياة ، بل هو بداية
بداية لحلم جديد ولمحاولة جديدة ، بداية لأمل يكبر في نفوسنا ويجعلنا نشعر باللحظة التي نحياها

أطرد الملل واليأس والإحباط
وأنهض وأستنهض همتك وأبحث عن سعادتك

قل لنفسك دائماً
أستطيع

أبحث بداخلك عن طاقاتك الخفية
فأنت بالتأكيد تملك الكثير

وبالتأكيد تستطيع
بالإيمان والقناعة والقوة والأمل
تستطيع

الحياة جميلة أليس كذلك ؟

----

---
--
-

فالنبدآ من جديد
ونبحث عن الحب

فالنقترب أكثر
ونعيش الحياة

فالنؤمن بهذا الشعور

لكم جميعاً
كل الحب

*****
إهداء خاص











37 comments:

ShLaLaT said...

الحياة سعيده :)


شكرا على الاهداء


:)

ومثل ما قال عبدالحليم حافظ

الحياة حلوه بس نفهمها


:)

5roofa said...

امبيي حسييين

طول ما اقراا و انا شاقه الحلج لوول مادري ليش بس وااي حسيت فرحه كبيرة بهالبوست

و طول ما انت تقول نقدر قاعده اقول اي نقدر

انا اقدرررررررررررررررررررررر

لوول امي دشت علي و زفتني لانه اليهال نايمين و اخترعت من صراخي
بس ميخالف

وااي جان زين اقدر
تهقه اقدر؟؟
لوول

مرسييي على الاغنيه الي كلها حب
و شوق
و وله
و غرام

حدي استانست بالبووووووووست حده مده لول

salamz dear...

PearL said...

وايد حلوو البوست

احسه shiney :D

من الاغاني اللي احبها و اول ما قريت بوستك طرت على بالي

i believe i can fly
i believe i can touch the Sky

خلك على طول جذي

لان الكل يقدر
بس اذا يبي

5roofa said...

حسين احم عادي اقول انه قريت البوست مرة ثانيه لوول

امبييي حدي مستانسه على هالبوست لول

:D

salaaaaaaaamz ya a7laa friend...

الزين said...

لما تكون ماشي بأمان الله
ومسلم امورك للرحمن
ما تطلب من الكون شي
غير انك تكمل صح
قافل على قلبك
ومتوكل على ربك

وفجأة.....يقتحم دنيتك انسان
وتطرف الباب له
تعتقد انه مختلف
وتقول حان وقت المطر
وتقصي الجفاف من دنيتك

يقترب
وتكون معاه من غير رتوش وتزييف
مثل ما انت
تبيه يكون مرآه لروحك
من غير ما تتزين عشان لا تنخدع بالمظهر

هذا انت
مثل ما تشوف نفسك كل يوم

ووبساطه
ينسحب بعد ما اشعل لك شمعه
ومسح لك دمعه
وفرش لك بساط ترتاح عليه

ينسحب من غير ما يداري خاطرك
ولا يحترم مشاعرك
ولا يعطيك سبب يقبله المنطق والعقل
ويحسسك ان الأمر عادي
وانت كلش عندك مو عادي
وعلامة استفهام كبيره
تصبح عليك وتمسي عليك
وتحتاج قفلة حق القصة كلها
من حقك
ويهضم عليك حقك

ويعورك بالمكان اللي كنت تخاف يتعور
وموفر المشوار على روحك
وبعد ما يطمنك
يخلي فيك
ويخليك من غير ما تفهم
ويحط له خط رجعة
لأن ما يبي يخسرك كصديق
وما يبي يكسبك كشيء ثاني

ليش؟؟

ليش؟؟

تعرف هالكلمة شكثر تعور
هذي الكلمة حزتها تصبح هي يومك
وتدور جواب
والجواب عنده

وتقول لي الدنيا حلوة
الله يهنيك فيها
:)

فضفضت وخلصت
ومو من طبايعي اسويها
اسمح لي

7osen said...

:شلالات

أهلا وسهلا

شكراً لج على المرور الجميل
وإن شاءالله دائماً دنيتج تكون جميلة

الحياة حلوة بس نفهمها
هذي إغنية عبدالوهاب مو عبدالحليم

:)

أجمل التحياتي

7osen said...

: خروفا

ياهلا ومرحبا بخروفتنا العزيزة

إن شاءالله دووم مستانسة بس شوي شوي لا تصراخين
خلي الياهل نايمين

:)

كلامج دائماً يعكس شخصيتج البريئة
شكراً لج خروفا

اتمنالج كل الحب

7osen said...

:بيرل

ياهلا ومرحبتين عزيزتي بيرل
شلونج

تصدقين ودي دائماً أكون جذي بس ماقدر

وماعندي تفسير ليش ماقدر

أمس مزاج واليوم مزاج أخر

تعبتني هالأمزجة إللي تبط الجبد
والله صج
ليش ماقدر أكون دائماً بمود واحد ومسيطر على الإنفعالات بشكل كامل
مادري ليش

:)

مشكورة عزيزتي على تواصلج الدائم
أتمنالج كل الصحة والعافية

7osen said...

: خروفا

طبعاً عادي أقريه ميتين مره

وانا مستانس على شان إنتي مستانسه

ههههه

مشكورة خروفا

:)

7osen said...

: الزين

ياهلا ومرحبتين
بالعزيزة الزين

تدرين زوزو
أنا أعتقد إللي سواه تصرف شجاع من شخص شجاع

أكيد إللي خلاه يبتعد إنه عرف عدم قدرته على أكمال المشوار

أو يمكن ماتكون إهي فتاة أحلامه

صحيح إنه ظلمها وسبب لها ألم كبير
لكنه القرار الصحيح

لأن من الصعب إنك تعيش بمشاعر مو مشاعرك
وبحب مو حبك

حاولي تفهمين ليش
لأن لازم في سبب
ولازم السبب يكون وجيه ومقنع

والحياة برغم كل شي حلوة

إذا تلاشى حلم
أكيد في واقع احلى

والأمل دائماً موجود

تحياتي لج
اتمنالج كل السعادة

Barrak said...

شلون تبي مطر وانت السما

Najmah said...

مساء الفرح

بوست ينطق بالأمل والتفاؤل

الحياة تكون جميلة
بس اذا فتحنا العين الاولى على جمالها
وغمضنا العين الثانية عن مصايبها

الحياة حلوة
بالأمل اللي ينبض بقلوبنا كل يوم
بطموحاتنا اللي نسعى لهاا
بأهلنا واحبابنا اللي حوالينا
بالناس اللي لا شفناهم تبرا جروحنا
بديرتنا والنعم اللي مغطيتنا

ترى صج في وايد اشياء كفيله انها تخلي حياتنا حلوة وفرحانة
لو ننتبه لهاا ونحس فيهاا

بوستك اليوم وايد عجبني
بالضبط .. هذا اللي نحتاجه

مشكور حسين :)

7osen said...

: براك

ياهلا ومرحبا

الله
أنا السما

وناسه

هههه

مشكور يالبرك على ذوقك
دائماً متميز
وكلك ذوق

أتمنالك كل السعادة

7osen said...

: نجمة

ياهلا ومرحبتين بالنجمة اللامعة

كلامج واايد صحيح
وهذا إللي قصدته

كل ما تضايقنا
أو حسينا بالملل
أو بالتعسة

لازم نلتفت حوالينا ونشوف النعم الكثيرة إللي أحنا فيها
واللي أنعم الله فيها علينا

ونحس بالسعادة

لأنا أحسن من ناااس وايد

مشكورة عزيزتي على ردج الحلو والمميز

وبالتوفيق إن شاءالله

LaDY RaiN said...

أنا شميت ريحة المطر وييت :P~

اي أبي مطر..
حدي اشتقت له هالمطر :)

فيروز ومطر وصبح.. ورولا دشتي !
جنها دشت عرض وعكرت الموضوع :P~

حسين،
خلك جذي دايما متفائل ومقبل على الحياة.

دمت بـ خير.

sologa-bologa said...

اي يا خوي

عطنا أمل عطنا تفاؤل

عطنا مطر
ترا الغبار ذبحنا


تصحيح معلومة
أغنية الحياة حلوة

لفريد الأطرش
:)

ودمت بحب وود وقلب صافٍ

Aldenya said...

اليوم
احنا محتاجين مطر
الدنيا اغبار
:>

محتاجين مطر
يجدد حياتنا
يجدد روحنا


وتسلم ايدك يا حسين

Lavender said...

اللــــــــــــه بوست جميل كلا تفاؤل :))

و فعلا محتاجــــين للمطر


أغنية رائعة لفيرووووز :)


و دمت متفائل


:)

7osen said...

:ليدي رين

ياهلا ومرحبتين

شلونج

مشكورة على الزيارة الحلوة إللي بريحة المطر

ورولا دشتي شعارها كان عاجبني

:)

تحياتي لج عزيزتي

7osen said...

: سلوقا بلوقا

ياهلا ومرحبا عزيزي وصديقي العزيز

نحن أكثر مايكون بحاجة الآن إلى التفاؤل

الحياة حلوة بس نفهمها

تصدق أنا أعرفها إغنية فريد بس تخربطت
شكراً للتوضيح

كعادتك دائماً دقيق وواضح

تحياتي لك
ودمت بحب وود وأنفه

:)

7osen said...

: الدنيا

اهلا وسهلا عزيزتي

أي والله محتاجين مطر يلطف وينعش الأجواء
ومحتاجين مطر بأرواحنا ينقيها ويصفيها وينعشها

والحياة حلوة بس نفهمها

:

أتمنالج حياة كلها مطر صافي
تحياتي وأمنياتي

7osen said...

: لافندر

ياهلا ومسهلا برائحة اللافندر

أستمتعي بمطر روحج
وخلي نفسج على طول تمطر بالخير والحب والسلام

وفيروز مع المطر ياسلام

تحياتي لج
وشكرا على المرور الجميل

5roofa said...

:D

لول مادري امبي بس مارة ابتسم و اقره البوست العجيب مرة ثانيه

salamz dear...

charisma said...

واو
بوست شرح شرح وكله تفاؤل
:)

نومت العافيه
وكانى منطربه باهدائك
:)

Shather said...

البوست يه بوقته ..

محتاجه اقرأ شي يغمرني بالامل و يجدد في نفسي التفاؤل بهالوقت ..

و بوستك هذا فيه الكثير :)


تسلم

فراوله said...

مساالورد والجوري
مسا الحلا لصاحب الاحاسيس المنفرده
الغالي حسين
احساسك بالتغير غمرنا
بروح التأمل ولو لفترة بسيطه
حتي نعيد تلك الحسابات
بداخل تلك النفس
لنجعلها تستقبل
يوم جديد
مشرق
بشروق احاسيسك
الراقيه
...
دمت بدفء وعذوبه
وتفاؤل
ابدي
قول آمين
:))

`~MnO YeNSa! ~` said...

الله
النور
واضح
الامل
فاضح


..
..
حلو الشعــــــــــــور بس نبيه
كل وقت

الله يديم
التفاؤل

جد اسعدتني

`~MnO YeNSa! ~` said...
This comment has been removed by a blog administrator.
7osen said...

:خروفا
اهلاً أبله

مري هنيه على كيف كيفج
وإبتسمي

شكراً على المرور الحلو

:)

7osen said...

:كاريزما

ياهلا ومرحبتين عزيزتي

شلونج كاريزما إن شاءالله بخير وبأحسن حال

مشكورة على هالمرور الحلو

تحياتي لج أختي الغالية

7osen said...

: شذر

أهلا وسهلا
عزيزتي

أيي خليج دائماً متفائلة
وقولي أقدر

ويالله كتبي شي يديد يبرهن على إنج تقدرين

أتمنالج كل الأمل والتفاؤل

7osen said...

: فراولة

ياهلا ومرحباً
أهلاً عزيزتي الشفافة

إن شاءالله دائماً أيامنا تكون مغمورة بالأمل والتفاؤل والحب طبعاً

كلماتج لها رائحة زكية
وقيمة كبيرة

أجمل التحيات

7osen said...

: منو ينسى

ياهلا ومرحبتين

الأمل يسكن القلوب المملوءة بالحياة وبالحب

شكراً لج منو ينسى

شكرا للمرورج العذب

yoyo said...

نقدر نرتقي بالخدمات الطبيه
نقدر نطور من مستوى التعليم
نقدر نموت قهر على اللي يصير
نقدر نتعود على هالحال

ذكرتني والله بالشعار

ويبيله مطر
وعاش بوعلي

SHAHAD said...

فيه شي بالحياة من دون أمل ؟
الأمل هو النكهة اللي تحلي حياتنا وتصبرنا عليها
حسين .. هالبوست مليء بالتفاؤل بالأمل بالحياة
الله يسعدك : )

7osen said...

: yoyo

ياهلا ومرحبا

أقولك شي

تصدق قبل لا أجيك على مدونتي كنت قاعد أتصفح مدونتك وقريت تقريبا أغلب المدونة وعجبتني واايد الأشعار إللي كاتبها
وقلت أول مرة أشوف هالمدونة وين كانت منخشة
وأول مادشيت مدونتي حصلتك معلق

:)
إبتسمت وأستغربت
فرصة سعيدة
وشكراً على مرورك الجميل عزيزي

أتمنالك كل السعادة والأمل

7osen said...

:شهد

ياهلا ومرحبتين

شلونج شهودة

أنا أقولج مافي شي بالحياة كلها أجمل من الأمل

الأمل يخلينا دائماً ننتظر السعادة ونؤمن بوجودها ونتأكد إنا راح نوصل لها في يوم من الأيام

أنا لما كتبت هالكلام كنت أحس بشيء ثقيل لكني قلت حق نفسي بكرة أجمل وأنا قادر إني أتفائل وأملي نفسي بالأمل وفعلاً حسيت بحساس مختلف

الأمل موجود
تسلحي فيه
وخليه دائماً منبع لحياتج

أجمل تحياتي
وصباح الخير