8/08/2008

الشمس تشرق من جديد



















في مسلسل سوري اسمه الشمس تشرق من جديد


انا وايد احب هالمسلسل ، انعرض في شهر رمضان قبل سنتين تقريباً


كل شي فيه مميز حواراته احداثة التمثيل فيه واايد حلو



يعني انا اذا تذكرته احس بشي مختلف لأن الوضع العام لما كنت متابعة كان يساعد انه يصير عندي هالشعور



حبيت طريقة البلي باك للاحداث احسها تظيف للعمل جمالية وعمق


مرام أو ميرام نفس ما ابوها سماها

اهي الشخصية المحورية في المسلسل تمثلها صبا مبارك خووش ممثلة متمكنه وايد



يعجبني تمثيلها


اهيا وامها وحيدات بعد ما سافر ابوها البحار ومارجع



عاشت مع امها فترة قصيرة وبعدين امرضت امها وماتت وتمت وحيدة في حياة مليئة بالظلم والعذاب



المسلسل اهم مايميزة الاحداث السريعة والحوارات الواقعية والمؤثرة والمختصرة

يعني مافيه حوارات مالها معنى


اهو من تأليف مؤلفة صج مبدعة اهي امل حنا

هذي المؤلفة اي مسلسل تكتبة لازم يكون فيه شي مختلف



اليوم استرجعت ذكرياتي مع هالمسلسل في اليوتيوب



شفت اغلب الحلقات

واستمتعت وتذكرت وتألمت

يعني أحياناً لما تكون بوضع معين تحب تسترجع مشاعر عشتها

وجربتها

وانا بالفعل حسيت بشي من الماضي

وبصراحة هالمسلسل فيه شي يشبه شخصيتي

على شان جذي وايد ايأثر فيني



******



باب الحزن مفتوح عباب الفرح

والحزن مثل الفرح بيبكي وبيقوي

والشمس بتشرق ... تشرق عالدمعة

في دمعه بتجرح ودمعة بتضوي


********




























8 comments:

darkness said...

مساك الله بالخير

و الله ما اعرف هالمسلسل بس شوقتني اشوفه

:)

Shaima'a Alkandari said...

اخوي العزيز

ماشفته للاسف يمكن لانى موذاك الزود مع التلفزيوووون بس قولى اى حزه يطلع عشان اشوووفه وباي قناه

kAiKa-MGroMa said...

اللي خلاني أفكر ادش يوتيوب واشوف بدايته .. كلمتك "المسلسل اهم مايميزة الاحداث السريعة والحوارات الواقعية والمؤثرة والمختصرة" ..

لأني ملووووله وما احب الطواله :>

شكرا على اطرائك الجميل فطنتني على شي اتلهى فيه .. لانه حدي ما احب التي في لانه ما في شي يقول حي هالويه :P
Batab3a.

نور سلطان العيسى said...

حسون ..


مسلسل رائع جداَ

شفته وعجبني الحوار

وجبتني شخصية (صبا مبارك) في المسلسل


انتقاء راقي ..

JooJ o MaJooJ said...

عجيييييييييييب هالمسلسل
شفته
التمثيل مو طبيعي
امووت في المسلسلات السوريه وايد طبيعيه
تحس جنه صج
اتعايش معاهم

مذوق يا حسين ;p


ماجوووووج

SHAHAD said...

مع إني ما شفت المسلسل إلا إني أثق بذوقك
والكاتبة حيييل أحبها وأي مسلسل أتابعه لها يعجبني

.
.

جميل الواحد يسترجع الماضي حتى لو شيء منه قد فقد

7osen said...

:داركنس

مساج الله بالنور

اي شوفيه ترى خووش مسلسل


حياج الله عزيزتي
وشكرا على المرور

--------------
:شيماء

ياهلا ومرحبا

اهو مايطلع الحين
انا تابعته على اليوتيوب

شوفي منه جم جزء وحكمي عليه

وحياج الله دائماًُ وابداً

--------------------
:كيكة

ياهلا ومرحبتين

صحيح حواراته واايد مختصرة ومفيدة

يعني مافيه طوالة وكلام ماله معنى

شوفه وقوليلي رايج

حياج الله كيكة

---------------
:بنت سيف

ياهلا عزيزتي
شلونج

ايي والله وااايد حلوو

وشخصيتها جدا مميز
مثلتها باقتدار كبير


تحياتي لج

--------------

:ماجوووج

ياهلا ومرحبا
شلونج ماجووج

فعلا اهو وااايد حلو

واحداثة قريبة حيل من الواقع

اشكرج على كلامج الطيب

واتمنالج كل السعادة

---------------

: شهود

ياهلا ومرحبا

انا من اكثر المعجبين في مسلسلات امل حنا
مبدعة بكل معنى الكلمة


شكرة شهودة على مرورج وتواصلج

اتمنالج كل الخير

kAiKa-MGroMa said...

7oseen shof dubai al7een

7a6een moqabala 7g seba mubarak :P.