9/07/2008

سلامات

























تعرض زميلنا العزيز السيد المدون المعتزل ترستن

إلى إصابة بليغة مساء الاول من امس خلال إحدى المباريات

( إللي مالها داعي )

وكانت اصابته عبارة عن كسر في مشط القدم ، حيث قال الدكتور المعالج انه يتوجب عليه الراحة التامة لمدة شهر كامل

دون مزاولة لأي نشاط رياضي

ونحن إذ نتمنى له السلامة والرجوع باسرع وقت لممارسة نشاطاته الرياضية

نقول

شعندك رايح تلعب باليل

مو لعبت قبل الفطور وخلصت ، حلاو يعني ولا شنو ؟

ودي اقولك تستاهل

بس حرام

يالله ماتشوف شر

***************

في رمضان الاجواء دائماً تكون حلوة

فيها سكينة وهدوء

أحس إني مرتاح ، حيل ونومي صاير تمام

الحمد لله

وطبعاً مايحتاي الأكل في رمضان ما لذ وطاب

شي واحد بس يشكلي هاجس اهو الخوف من الوزن الزايد

مو الواحد مع هالاكلات العجيبة مايقدر يسوي كنترول على نفسه

:)

************

اتمنى للجميع الرضا والإيمان

والاحساس بالقناعة والسعادة

والمشاركة

والله اهم شي المشاركة

الإنسان لازم يواصل صلة رحمه وربعة واصدقائه

الحياة وايد احلى واحنا حوالينا ناس يحبونا ونحبهم

خصوصاً في هالشهر الفضيل

اليمعة على الفطور مثلاً أو على السحور مع الاهل

او حتى الاصدقاء بجو جميل فيه الفه ومحبه

احساس من اجمل مايكون

أتمنى لكم جميعاً كل الحب

وتقبل الله طاعتكم












23 comments:

esTeKaNa said...

ويي ما يستاهل
!!
ما يشوف شر ان شاء الله
وبعدين ترستن رياضي شجعه شجعه
:)
يا حلو رمضان
وايد فرحت بجملتك:
احس اني مرتاح
!!
يا عسى دوم مرتاح
الراحة تنبعث من روح قريبه من الرحمن
كن دائما قريبا من الرحمن
ولا تبتعد عن احباب قلبك واهلك
حبهم
تواجدهم حولك
مشاركتك لهم بتلك اللحظات المميزه
تعيد للقلوب توازنها العاطفي
:))
والخوف من الوزن الزايد هاجس الجميع
بس شنسوي
النهار طويل
وصايمين طول النهار
والفطور فرحة الصايم
هني هني هني
:Pp~

Najmah said...

سلاماااات سلامااات
مايشوف شر ترتسن
اجر وعافية يارب
..
عساك دوم مرتاح ياحسين
وبهالصفاء والسكينة
:)

صبا said...

سلامااات وما يشوف شر
اجر وعافيه
مسكين ما تسوي عليه

يا حلو الاجواء الرمضانيه
يا حلو اللمه والتواصل بهالشهر
جان زين طول السنه جذي

الزين said...

جئت ابحث عن الراحه هنا

من زمان ما مريتك

حسيت اني محتاجه اقرا شي مختلف

كلام ياخذني بعيد

ينسيني الهم والكدر

:)

ما يشوف شر ترستن

وياعسى دوم الراحه مصاحبتك يا حسين

7osen said...

:إستكانة

ياهلا ومرحبتين
شلونج إستكانة

الشر ماييج إن شاءالله

شكراً على كلامج الطيب
صحيح القرب من الناس اللى يحبونا يحسسنا بالرضا والامان

تبين الصراحة انا وايد احاتي الوزن
اخاف من الوزن الزايد
ومثل ماقلتي طول النهار صايم
لازم تبدع ليلاً

:)

يعطيج الف عافية على هالمرور الحلو

7osen said...

: نجمة

ياهلا ومرحبا

الله يسلمج والشر ماييج

مشكورة نجمة على هالكلام وهالتواصل الجميل
اتمنالج كل الخير

7osen said...

: صبا

اهلا وسهلا

الله يسلمج والشر ماييج إن شاءالله

اي والله صدقتي لو تستمر هالاجواء طوال السنة
جان زين
جان تمينا على طول مرتاحين

إن شاءالله على طول مرتاحه يا صبا
مشكورة عزيزتي على مرورج المميز

7osen said...

:الزين

ياهلا ومرحبا

اولاً الله يبعد عنج إن شاءالله الهم والكدر
وماتشوفين أي لحظة حزينة

هونيها واهي تهون

وحياج الله متى مامريتي

على فكرة انا عاتب عليج علشان ما باركتي بالشهر
:)

يعطيج العافية زوزو
أتمنالج من الاعماق كل الراحة والامان

SHAHAD said...

هلااا حسيين
شخبااارك ؟!
عسى الراحه ما تفارقك .. قول آمين
فعلا اللمه والأجواء الحميمية مع الأهل والأصدقاء بهالشهر ما تتعوض
وتنسي الواحد كل همومه ويعيش معاهم جو ثااني

ومسيكين هالترستن أحسه مو مترقع
عور قلبي
ما يشوف شر ويكبر وينسى : ))
سلم عليه ..

استمتعت بـ بوستك حسين
دايما سوالفك لها طعم ثاني

kAiKa-MGroMa said...

ويي مسكين الكبتن عاد خل يحطون بداله
واحد احتياط كفؤ .. يعرف يسوي دبل كك نفس صديقك

have a nice time .. oo ma yshoof shr.

=D.

5roofa said...

ما يشوف شر يارب

سلامته

دوم حسين الغالي تكون بخير و عافيه


:)

salamz dear...

terkwaz said...

مايشوف شر انشالله..

برمضان الجلسه تحلى (دعايه الفيمتو)
:)

دوم انشالله مرتاح

malak said...

ما يشوف شر


اي و الله اليمعات حلاتها برمضان
امس عزمت رفيجتي عقب الفطور :)

qesat_5ayal said...

سلامات ما يشوف شر
أجر وعافية




وايد عجبني المقطع اللي تدعو فيه حق اللمة واليمعة
فعلا رمضان هذا وقته لتصفية النفوس
:)



دمت بخير وراحة

Unknown said...

ما يشوف شر وسلامته

ونصائح جميلة وفعلا رمضان فرصة للتوقف للتفكر

BaNgBaNg2 said...

سلامات ما يشوف شر ...
اي والله صدقت ان النوم في رمضان يكون مريح ....واكيد ماكو شيء احلى من اليمعه ..
:)
وتحياتي لك

7osen said...

:شهد

ياهلا ومرحبتين

أمين رب العالمين

ايي والله اللمه بهالشهر لها طعم ثاني
صج تحس إنك مرتاح

وترستن حده مو مترقع
مبتلش فيه
:)

يعطيج العافية عزيزتي مرورج الاحلى دائماً

------------
:كيكة

ياهلا ومرحبا
شلونج كيكة

من صجج يسوي دبل كيك
ههههههه

احنا ما حطينا احتياط
احنا وقفنا النشاط الرياضي كله
:)

يعطيج العافية
ومشكورة على المرور الحلو
ياكيكة

--------------
: خروفا

الشر ماييج عزيزتي
الله يسلمج إن شاءالله

بس شفيج هالايام
ماتبينين عسى ماشر أبله خروفا

إن شاءالله خير

يعطيج العافية
اتمنالج كل الخير

7osen said...

: terkwaz

ياهلا ومرحبا

الشر ماييلج عزيزتي

ايي صاجين الدعاية
الجلسة ما تحلى الا في رمضان

يعطيج العافية
اتمنالج كل السعادة

-------------------
:ملاك
اهلا وسهلا

الشر ماييج إن شاءالله

زين تسوين احلى شي التواصل مع الناس القرييبن منا
وفي رمضان لها طعم ثاني

حياج الله
وشكرا على المرور الجميل

-------------------------
: قصة خيال

اهلين وسهلا
شلونج قصة

الشر ماييج الله يسلمج

مافي احلى من اليمعه مع الاهل على سفرة وحده
والسوالف والضحك
تحس بالراحه بكل معنى الكلمة

مشكورة قصة على مرورج الحلو
اتمنالج كل الخير

-------------------
: مشاري

اهلا وسهلا
الشر ماييلك ان شاءالله

ومشكور بوعبدالله على مرورك
يعطيك العافية
نورتني

-------------

: BaNgBaNg2

ياهلا ومرحبتين

الشر ماييلج
مشكورة

النوم
الله انا حدي مستمتع بالنوم
عوضت قبل رمضان كنت ما انام

:)

يعطيج العافية على مرورج وتواصلج

اجمل تحية

Funny Q8i said...
This comment has been removed by the author.
Funny Q8i said...

اذا كل هالبنات الحلوات قالولي سلامات
ميخالف تنكسر ريلي :P

***

برمضان بطني دايما زعلان
بالنهار يوعان، وبالليل شبعان

احسن شي خف اكلك

وتحياتي

Anonymous said...
This comment has been removed by a blog administrator.
Anonymous said...

Anonymous said...
أف أفف أفففف



وأخييييييييرا سقط الطاغيه


وطاح بشر اعماله

ويه اليوم اللي اكحل عويناتى


بترستان العجييييب


بس ميخالف راح اضغط على نفسي وقوله سلامات ومايجوف شر


نسيت اعرف حالي
بنت المطبه :)


6:17 AM

7osen said...

: Funny Q8i

ياهلا ومرحبا

ههههههه
اي تصدق

:)

ليش زعلان
اذا صار شبعان

صحيح
من الافضل ان الواحد يقلل اكله
بس مع الفطور الذيذ
ما اعتقد نقدر

:)

يعطيك العافية
وتحياتي لك

-----------------

:بنت المطبة

ياهلا ومرحبا

انتي ما تعلقين الا اذا شي عن ترستن
الظاهر تتصيدينله

هههههه
مشكورة على الزيارة
ولا تقاطعين