9/24/2008

خيرها بغيرها























من زمان ماتحمست حق مبارة يكون طرف فيها نادي محلي او المنتخب


يمكن اخر مرة تأثرت فيها على مباراة من صج


لما خسر منتخب الكويت من السعودية في كاس اسيا 2000


بعدها المنتخب صار اللى رايح واللى راد يفوز عليه





لكن اليوم حدي متأثر ومتحسف وزعلان


على القادسية





والله كانت بيدهم مو صعبة


هالنادي الياباني مو اللى ما ينغلب فريق عادي


والقادسية فاز عليه هنيه 3


لكن التوفيق ماكان مع اللاعبين


خصوصا بدر المطوع


ضيع ثلاث فرص ماتضيع ، خصوصا الاخيرة


في اخر خمس دقايق من المبارة كانت وايد اسهل لو حطها فبطن ريله


لكنه لعبها بمشط ريله وراحت برا


وهذي مشكلة بدر الكبيرة ، لاعب متميز وجيد وفنان ومتحرك


لكنه يهدم كل هالميزات لما يضيع هالفرص السهلة
ولا كرة ميلادين اللى بالقائم والله حرام كان المفروض على الاقل غول واحد
واعتقد ان محمد إبراهيم كان المفروض يلعب ميلادين من البداية
بدل طلال العامر اللى كان مرتبك
وحتى فهد الانصاري ماكان جيد مو نفس مستواه في المباراة اللى بالكويت لو ملعب خلف السلامة ولا حمد العنزي من البداية
كان افضل




لكن عموماً ماقصروا


مهما كان يظل فريق القادسية فريق هواة


والفريق الياباني اوراوا ريد محترفين


والمنطق يقول ان نتيجة 2\0 طبيعية على ارض الفريق الثاني





مع انا كنا نتمناها صفرا


لكن خيرها بغيرها





ماعليه تعوضونها بالدوري إن شاءالله





19 comments:

qesat_5ayal said...

تعرف لما تكلم واحد بياع بسوق بو 100 عن البورصة

بالضبط احساسي
;P


ميخالف استحملني اشوي

الكويت والقادسية مو فازت ذاك اليوم 3-2 على نفس هالمنتخب
:\

الزين said...

ولا ادري شالسالفه

بس بغيت اسلم

:)

7osen said...

قصة

ههههه
اول شي اضحك بعدين اقولج
ياهلا ومرحبتين كبار

والله ضحكتيني على المثال
خووش مثال

اهو مو منتخب
اهو نادي اوراوا ريدز الياباني
ويلعب مع القادسية في دور الثمانية لبطولة اسيا للأندية
يعني مباراتهم ذهاب واياب
وفي الذهاب بالكويت فاز القادسية 3/2
واليوم في اليابان مباراة الاياب
وانتهت بفوز الفريق الياباني 2/0 يعني صارت النتيجة اربعة ثلاثة لهم واصعدوا
والقادسية طلع برا

هذي كل القصة
ياقصة
وشسالفة لازم تكونين متابعة الاصفر
هذا الملكي مو اي احد
:)

يعطيج العافية عزيزتي
منورة

7osen said...

الزين

ياهلا ومرحبتين

الله يسلمج عزيزتي
خطوة عزيزة

اتمنالج كل الخير

Lola said...

حسين لست من هواه كرة القدم ولكنى فقط اثرت المرور للإطمئنان عليك وتهنئتك بالعيد طالما انه اقترب.
كل سنة وانت طيب يا حسين.
جعل الله حياتك كلها سعادة وراحة بال.
لولا

qesat_5ayal said...

اي فهمت
;D

شكرا شكرا

7osen said...

لولا

اهلا وسهلا عزيزتي كيف حالج

اشكر مرورك الكريم
وإنتي طيبة وبصحة إن شاءالله
وكل عام وانتي بخير

وعلى فكرة
انا متابع دائم لمدونتك
لكن اتابع بصمت

شكراً جزيلاً على المرور
وكل سنة وانتي طيبة

7osen said...

قصة

عفواً عفواً

:)

حياج الله
سعيد بهذا التواصل

:)

Anonymous said...

تصير بأحسن العائلات :)

وبعدين دايما الفريق يفوز على ارض
وطنه

وبصراحه بعض اللاعبين يطولون بالكره وفوق كذا عجب مو موجود:(

والمطوع فعلا ضيع هجمات وايد

واللاعبين مو مركزين



ونواف ماكان له ظهور ماقدم مستواه

مدري ليش احسهم مرتبكين وخايفين

خصوصا بعد اول قول

حتى الفريق الثاني ضيع فرص

مع ان اوراوا مو شي ,مافيهم الا 2 او ثلاثه محترفين والباجي خرطي خاصه حارسهم

وبالنهايه ماينلامون صايمين واليابانيين تارسين بطونهم وبعد الجمهور الياباني مرعب :)

خيرها بغيرها

وكل عام وانت بخير

kAiKa-MGroMa said...

فعلاً تمنيتها صفرا

ويابوها صفراً على حسب ما تمنيت


HeHeHe

=P.

7osen said...

المرحومه

ياهلا ومرحبتين

اول شي احييج على هالمتابعة
وكلامج كله صحيحة

كانت بيديهم
لكن هذا النصيب وخيرها بغيرها

ماقصرو
وإن شاءالله يعوضونها

وإنتي بخير وبصحة
وعيدج مبارك مقدماً

7osen said...

كيكة

يا أهلا وسهلا

كيكة ياكيكة
قوليلي
شنو قصدج ؟

شنو اهي الصفرا
إللي بغيتيها ويابوها

لازم تقولين شنوا

زين ؟

:)

حياج الله عزيزتي

kAiKa-MGroMa said...

اخر شي انت قلت تمنيتها صفرا تقصد انه القادسيه تفوز

عاد انا حورفت فيها وخليتها صفراً يعني رقم صفر بالتنوين لانهم خسروا

2-0

=D.

7osen said...

كيكة

ههههههههه

حلوة

انا تمنيتها
صفراء
وليس صفراً

بس اهم يابوها عكس ماتمنيتها
صفراً

:D
شكرا على وجودج الجميل

terkwaz said...

خالي قدساوي متعصب

وطقته الغلقه يوم خسروا &&

charisma said...

ان شااءالله تكون بالف خير

عيدك مبارك وتقبل الله طاعتك يا خوى
:)

5roofa said...

ما اشوف مباريات محليه كله عالمية

:p

عيدك مبارك خيو مقدماا

salamz dear...

7osen said...

:كاريزما

ياهلا وامية مرحبا
الله يسلمج عزيزتي
مشكورة على هالمرور الحلو

وكل عام وانتي بألف خير إن شاءالله
واجازة سعيدة استمتعي فيها قد ماتقدرين

اتمنالج كل الخير
وعيدج مبارك يالغالية

7osen said...

خروفا

كل عام وانتي بالف خير
وعساج من عواده
إن شاءالله

الف تحيه للعزيزة خروفا