10/05/2008

الليل
















ياجماعه صايبتني حالة اكتئاب ليلي غير طبيعية

من خلص رمضان وانا على هالحال

الصبح اقول الحمدلله اكيد رديت طبيعي

لكن بس يصير الليل بعد الساعة عشر خلاص اكتئب

والله صج مادري شفيني

ابي حل

ماعندي غير هالمدونة اخربط فيها

مع ان الديوانية متروسة شباب بس مالي خلق شي


******
موقف

اليوم رحنا انا وترستن حق مطعمنا

دومينوز بيتزا

انا كنت عطشان نزلت قبل ترستن واخوي بعد كان معانا

دشيت حصلت واحد مو اللي دائماً موجود الفلبيني مغيرينه واحد مصري

قالي تفضل

طلعتله ميتين فلس وقلت ابي ماي

الريال قاعد يطالع فيني مو مصدق

جان يقول والله مافيش ميه

شسالفة

قلت له راح اطلب لاتخاف بس اول ابي ماي عطشان
جان يقول والله مافيش ، ولا صج ماعندهم ماي
عاد فكرت

في مطعم ايراني قريب منهم ، قلت اروح اشتري منه ماي

رحت واول مادشيت سألت الموجود هناك قلت له في ماي قالي ايه


قلت عطني اثنين
عاد كان في ريال كويتي قاعد يتعشى

ريال شكله محترم شوي وفيه وغار

جان يكلم اللى في المطعم بالايراني

انا مالي شغل

ولا هذا يفتح الدرج ويرجعلي الميتين فلس

قلت شسالفة شفيه هذا

اطالع فيه ، قلت ليش

والا الثاني يايبلي بطلين ماي

والريال اللى قاعد يقولي خلاص هذولي مني
انا يتني الضحكة على علامة استفهام كبيرة فوق راسي

قلت له حق الريال لا يبا شسالفة مايصير جذي

جان الريال يحلف والله ماتدفع شي وطلبك على حسابي
انا حدي مستغرب

قلت له لايبا يعطيك العافية انا بس ابي ماي

مايصير جذي

جان الريال يحلف والله ماتدفع وعشاك على حسابي

ههههههههههههه

اخرتها بعد ما حلفتله اني ابي ماي بس

خذيت الماي ومشيت وانا مستغرب حدي

ههههههههه

**********

هذا البوست كتبته امس باليل

ماقدرت انام الا 3 ساعات

الحين بالدوام حدي داايخ

ابي انام المغرب واقعد باجر الصبح
احسن حل


******

حـبـيب الاحـلام يـابعدك ويـامقربك
حـرام يـكفي تـبعثرني وانـا احـتويك
ان شـفتك بـحلم صـدقته وانـا اتوهمك
وان شـفتك بـعلم كـذبته الـين انتشيك
اخـاف اغمض عيوني وان رمشت افقدك
واخـاف افـتح وتـصبح حلم ولا التقيك


طلال الرشيد

17 comments:

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية :

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

Bloggerista said...

روح الممشى

الرياضة توسع الصدر

Najmah said...

على طاري الليل
نفس الحال هالايام
مادري شسالفه
:)
والمشكله احاول انام تعاندني النومة
داومت وانا نايمة ساعتين
على ما طلعت من آخر محاضره الا خلاص واصله حدي

الله يعين

سالفة الماي ضحكتني
غريييبة
يحليله
:))

..
اخـاف اغمض عيوني وان رمشت افقدك
واخـاف افـتح وتـصبح حلم ولا التقيك
..

عجيب هالبيت


تصبح على خير ياحسين
:)

qesat_5ayal said...

حسين أنا يومي كان كئيب
مابي أداوم
:'(


أقولك وأقول لنفسي تعوذ من ابليس
خل تروح هالكآبة


الدنيا فيها أشياء حلوة
بس لازم احنا نشوفها






سالفة الريال عجيبة
يعطيه العافيه
يمكن كان مزاجه رايق حزتها
:D



أبيات الشعر
:) يسلمو

swan.beach said...

حسون اشصااير اكتئاب جماعي
الظاهر ما نبي نداوم
نمت اليوم ساعتين وعلى طول ع الدوام مامداني رديت البيت على طول نومه
صاايره احب السهر بشكل مو طبيعي
مو عن شي بس هدووووووء

منال العنزي said...

حسون
:)

التعويذة عرفتها ..
(ما أضيق العيش لولا فسحة الأمل)

الاكتئاب ، سيزول ان كنت من محبي الشتاء والمشي تحت المطر ، قريبا جدا جدا جدا

ولكن !

لماذا لا تغير نمط حياتك
انظر الى الخلف ، حاول أن تفكر

في التغيير كل شيء سيكون على ما يرام


أتمنى أتمنى أن تزول هذه الأزمة :)

واليوم كان يوم مرهق لأنني لم أنم طيلة 25 ساعة لا أدري هل هو انتحار ام ماذا ، فالعودة الى المنزل والتعب الذي يتوسدني جعلني لا أشعر ببقية اليوم ^^ بس لا تسوي جذي مو زيننننن


تحياتي

ميرامار said...

حِب وانت تصير زين

;p

Funny Q8i said...

يبيلك تسمع شوية قرآن كريم وتصير اوكي

حچى حجي فني

لوووووووول

terkwaz said...

الاكتئاب موجه جماعيه
:)

سو رياضه


حلو موقف الريال

بس said...

حسين

آه

اخـاف اغمض عيوني وان رمشت افقدك
واخـاف افـتح وتـصبح حلم ولا التقيك

ليش :(

7osen said...

Fashionista

ياهلا ومرحبا

ايي والله صاجه الرياضه تريح

وايد تريح النفس

شكرا لج عزيزتي

-------------

نجمة
ياهلا ومرحبتين

انا مثلج حالتي مع النوم صايرة حالة تجافي

الله يعين

وانتي من اهل الخير عزيزتي
اتمنالج كل الامل

------------------

قصة

ياهلا وامية مرحبا

ايي والله لازم الكئابة تروح
انا بدت تروح شوي شوي
بس مو قادر انام
هههه


ايي والله شكله كان مزاجه رايق
بس موقف غريب


الله يسلمج يالغالية

مشكورة على التواصل الحلو

:)
-----------

swan.beach

ياهلا ومرحبتين

الظاهر والله اكتئاب جماعي

اهو السهر حلو بس اذا ماكان وراك قعدة

تقوم الصبح بالغصب

الله يعين
اي والله

يعطيج العافية عزيزتي
منورة

-----------------------
منال

اهلا ومرحبتين

هذي المقولة دستوري في الحياة
انا دائماً ارى الحياة امل

وإن شاءالله الاكتئاب يزول
اكيد بيزول
هذا بس نتيجة إنتهاء رمضان بايامه الجميلة


انا من عشاق الشتاء والمطر
انتظره بكل تلهف


وماتشوفين شر
لازم تنامين عدل على شان دراستج

يعطيج العافية
وبالتوفيق

------------------

ميرامار

والله مادري شرد عليج

صراحة مو فاهم تعليقج
يعني قصدج جب هذي اللى نقولها علشان نزف احد ولا شنو ؟

مادري صراحة

ممكن توضحين
يا ميرامار ؟


------------

Funny Q8i

اهلا وسهلا

صراحه انا تعجبني ردودك
دمك وايد خفيف
والله صج

يعطيك العافية

والله صج صج
هذا احسن حل
قراءة القرآن صج تهدي النفس

حياك الله يالغالي

-----------------
تركواز

ياهلا ومرحبا

ايي والله يبيله رياضة عنيفة بعد على شان تتعدل النفسية

الحلو مرورج
تحياتي لج
------------

بس

سلامتج من الآة
لا تقولين جذي

مافي شي يستاهل


والله مادري ليش
اخاف
صحيح اخاف


اتمنالج كل الامان
عزيزتي

THE BOSS said...

ساهر الليل وحداني لا نوم جاني و لا من أعشقه جاني
لا تكون تحب و لا شي
اكثر من قراءة القران و الاستغفار
ومافيك الا العافيه النومه بعض الاحيان ما تعدل بسرعه بعد رمضان
و عطني ولعه

ميرامار said...

لا.. انت فهمت الكسرة نقطة

حِب من حُب
:)

ميرامار said...

لا.. انت فهمت الكسرة نقطة

حِب من حُب
:)

7osen said...

ذا بووس

ياهلا ومرحبتين

لا يبا انا وين والحب وين
انا ريال
single

ايي والله القرآن احسن حل

وتغيير جو رمضان اهو السبب الرئيسي بكل هالدوخة

يعطيك العافية بالغالي
وييبوله ولعة
:)

------------
ميرامار

تصدقين انا قعدت ساعة اطالع بالكلمة
وماستوعبت
اقول معقولة جب
هههههه
انصدمت

اسف على سوء فهمي وبطء استيعابي

:)

وعلى قولة عبدالحسين في بساط الفقر
مع التصرف طبعاً
يبعد الحب عني كبعد الوفرةِ عن خط العبدلي

اتمنالج كل الخير
واسف مرة ثانية

:)

Funny Q8i said...

الشرهتو علي الي اكرمتك يا اسود الوجه

لوووووووووووووووووووووووووووووووول

7osen said...

Funny Q8i

ههههههههههههه

تذكرها سمية

هههههه



حياك الله