5/14/2009

يوم تعيس


تلاشت
كما
كل
شيء
-------------
اليوم كان تعيس بكل معنى الكلمة
كل شي كان عكس
واااايد عصبت
صراحة إنقهرت لأخر درجة ومالقيت شي افرغ فيه غضبي
للحين أحس بشي ثقيل على صدري
الله يعين
--------------
الناس أحيانا تتبع طريقة مستفزة لأخر درجة
بكل بساطة أبعد
ما ارد
وخلاص ينتهي كل الموضوع
يعني الصراحة هذا تصرف مو بس مستفز
إلا جبان
وفيه قلة ذووق
لما احد يكلمني أبسط شي إني ارد عليه
أواجهه
أقول له كل شي وأي شي
أي قرار أنا اتخذته أقوله مباشرة
بدون لف ودوران ماله داعي
الإنسان إللي يتجاهل الناس
ماعنده أي نوع من الشجاعة
ويمكن يكون خايف من نفسه
لأنه لو عنده الشجاعة كان تكلم وقال رايه
ثانياً
شلون اليوم اقول كلام
وبالوقت إللي المفروض انفذه
أتراجع فيه
ومايهمني أي أحد
المهم أنا تراجعت
كيفي عادي
والناس إللي منتظرين هالكلام
مو مهم
بس أختفي عنهم
شنو بيسوون يعني
طبعاً
لا شيء
مايهم
يعصبون
يزعلون
ينزعجون
أو حتى
يحزنون
مايهم
----------------
شيء من الخيال
نفسي مثقلة بالهزيمة
وتعيسة
منكسرة على حدود الرحيل
ووحيدة بعيداً عن الجميع
برودة ليلي
صقيع نهاري
حرارة جسدي
و ضياعي في الوجوه الكثيرة
لا يفسر غيابك
مدببة اللحظات التي تملؤني
تنغرس بألم دون أهتمام
ومن يهتم
كل شيء يسير بألية خانقة
ولا شيء بالأفق
فقط
أيام
حتى أنتي مثلهم
بعيدة
ومستحيلة
يجب أن ينتهي كل شيء
الأن
هذا يكفي
لن أنتظر شيء من احد بعد الأن
جميعكم أستغلوا قطارات الحياة وأنطلقوا إلى عوالمكم
ودعوني هنا وحدي
هنا وحدي
أنا منسجم مع جوقة أحزاني
مجرد عازف في أخر الصف
مهمته أن يجيد الحزن
وما أسهل هذا الدور
----------------------
احساس بليد
وعقل متعب
ونوم هارب
وشعور تقيل
ما الحل

11 comments:

4 said...

yes... the custums in the islamic socaities is too far from islam as a religion...

these sociaties are living that conflict between there history, religion & there closed minds

بتاح ... آلهة الفنون said...
This comment has been removed by the author.
بتاح ... آلهة الفنون said...

صباح الورد

حبيت اصبح عليك واقول
اضحك والله الدنيا ماتسوى
وكل الي مايهتمون ماراح يهمهم حزنك
انت الي بتحزن وتكتئب وتمرض من الهموم بعيد الشر
ومحد بيهتم
عيش لنفسك وراعيها
دام ان محد مهتم انت اهتم
ولا يهمك احد
ودام ان محد مهتم لاتهتم برايهم
لابد في احد بهالعالم يفكر فيك من بعيد دون علمك
لابد تكون محط اهتمام شخص ما يخاف الاقتراب

ما الحل ؟
صبر جميل والله المستعان


واسعد الله صباحك ^_^

Sweet Revenge said...
This comment has been removed by the author.
Sweet Revenge said...

شلونك حسين ان شاء الله تكون ارتحت ونمت واشرب بابونج يمدحونة يهدي الاعصاب
في شغله ما اتفق فيها معاك
البعد وعدم الرد في حد ذاته رد
ما تسمع المثل الي يقول الصمت ابلغ من الكلام
في مواقف ماتعطيك الا هالاختيار البعد
والصمت
يكون نوع من انواع الاحتجاج
شفت الام شلون تحقر ولدها لما يسوي شي غلط لما يرجع عن الي براسه
انا استخدم هالطريقة مرات
لما الخطا في حقي يكون واضح ومتعمد ابعد وما ارد
اذا الطرف الاخر يهمه امري راح يصلح الخطا اذا ما يهمه راح يظل بعيد وجذي اريح لي وله
ماني ملزومة بناس ماتحترم ولاتقدر
والعتب اكيد ماراح يفيد معاهم
مواضيعك مميزة حسين
موفق

charisma said...

:)

هونها واتهون يا حسين
ما تمنيت ادش بعد غيبه على هالبوست
وسلالامتك من القهر ان شاءالله بعدويينك
والناس مشكاهم لله

:)

Najmah said...

مساء الخير والنور واافراح
اتمنى يكون يومك افضل من الامس
:)
هونها وتهون
اريح طريقة للتعامل مع البشر
إنك تعامل كل انسان بالطريقة اللي
تناسب شخصه
وبالنهاية اهم شي رضاك
عن نفسك وراحة ضميرك
والدنيا ماتسوى
:)
ربي ييسر كل امورك
ويوفقك بكل خطوة

أتيت متاخرة said...

شفيك يابو علي
هونها خوي
مافي شي بالدنيا يستاهل
وانا اختك
اترك كل شيء وراء ظهرك
فقط ثق بنفسك وعلى قدرتك على ان تعيش سعيدا حتى بدونهم

جنون إحساس said...

ان شالله تكون اليوم أفضل
عادي :)
شماخذين من الدنيا؟
اهم شي راحة البال

7osen said...

4
بتاح
سويت
كاريزما
نجمة
اتيت متأخرة
جنون احساس

شكر لكم احبائي على مروركم العطر
وكلماتكم الطيبة

لكم كل الحب والتقدير

تراب الكويت said...

احساس بليد

لا اعتقد ان هذا احساسك
فهذا ابعد ما يكون
قد تكون ردات الفعل كذلك
قد يكون الفعل كذلك
لكن ليس احساسك
--
في نصك الثاني سؤال طرحته على صديقتي .. هل ياترى نحن اوفياء الى حد الرتابه ؟

هل يرحلون لان سعادتهم في ظل قولبنا متعبه كما قالت اصاله في رحل ؟
هل اصبحت استقامتنا سيف حاد نسلطه على رقاب من لا تعجبهم الخطوط المستقيمه ؟

ببساطه .. اصبح الاحساس العزيز والغالي برخص التراب مع من لا يستحق ولا يحاول ان يستحق

,

تفاجئني يا حسين بكم مشاعرك
انت كنز ومعرفتك ذخر
فقط لمن يعرف حسين حق المعرفه

كن بخير كن هنا كن كما يحب ضميرك ان تكون .. مساء سعيد

:)
تراب