10/01/2009

مواقف




الاسبوع إللي طاف عانيت من الم الاسنان بشكل كبير وااايد

يوم السبت ماقدرت انام

رحت الفير المستشفى وتميت اراكض من مكان للثاني طول اليوم

وابر بنج ومخدر وحفروا اسناني والم الله لايوريكم

للحين يعوروني ما اقدر أكل اللثة كلها وارمة وتعورني



ابي دكتور شاطر يعرف يعالج بدون الم وتكون النتيجة سريعة منو يعرف ؟



******



اليوم صار جدامي حادث على الدائري الخامس

سيارة طلعت من الشارع ودعمت الحاجز الأسمنتي بين الشارعين
مسكينة كانت سيارة بنت شباب كاشخة حدها


الصراحة كسرت خاطري حيييل

مسكينة مسكو بريكات جدامها بشكل مفاجئ

جان تلف السكان بقوة صوب حارة الامان وتدعم بالحاجز
مسكييينة شكلها يكسر الخاطر
ما احب اشوف هالمناظر

يعني بنت شباب بروحها في السيارة وتجمعو الناس حواليها

موقف لا تحسد عليه
الله يعين ، اهم شي انها ماتعورت وااايد الله يشافيها

5 comments:

فاطمة said...

السلام عليكم ورحمة الله وبركاته

الله يشافيك من ألم الاسنان
انا شخصياً عانيت منه كثييير

:(

الله يفكك ولا يبلى أحد

بالنسبه للبنت
الله يشافيهـا ..ومن جد موقف لاتحسد عليه :(

وأخيراً

سعيده لتواجدي في مدونتك الكريمه ..

7osen said...

فاطمة

وعليكم السلام
هلا والله اختي

الله يسلمج مشكورة على كلامج الطيب

وشكرا على المرور المميز
تحياتي لج

:)

Anonymous said...

عيادة اسنان كلينك

7osen said...

شكرا


:)

Hope said...

I agree with Anonymous
Asnan Clinic .. without a doubt
Slamat =]