8/12/2007

سوالف

مرحبا للجميع

مادري

هذي الكلمة أنا دائماً أرددها ،، تضحكني واايد


، لأن أحيانا لازم تكون تدري علشان ترتاح

هالأيام أحس إني واايد مشغول ،، وايد بعيد عن هواياتي إللى احبها مثل الكتابة

والأستمتاع بالهدؤ والأطلاع على المدونات وقراءة كتابة المدونين وبوستاتهم

أحب أقراء حق ناس واايد وفي ناس أحس إني أتطمن عليهم لما القاهم منزلين شي

يديد واذا تأخروا اقول عسى المانع خير ،، يعني تحس انهم قريبين منك برغم إنك ماتعرفهم

أنا فيني طبع إني وايد أتعلق بالأشياء ،، مو بس بالبشر حتى بالجماد ،، أحيانا أشياء تافهه أحس اني متعلق فيها

وأحزن كثير أذا فارقتها

لكن هذي الحياة لازم يكون فيها فراق على شان يكون في لقاء

احس إني أحتاج حق طلعة مجنونة من طلعاتنا أنا مع ترستن ،، بس الفرق إنا كنا نطلع هالطلعات في ايام الشتا

والبرد ،،، مثلاً في يوم عادي في نص الأسبوع وبساعة متأخرة أقول حق ترستن ودي أطلع ضايق خلقي

طبعا أكثر واحد بالدنيا دائماً مستعد أهو ترستن ،، على طول القاه قالي يالله قوم

عاد أسترخي بالسيارة وأتركله حرية أختيار المكان المناسب ،، والله يستر من المكان المناسب

أحيانا إذا كنا مخيمين القاه مودينا المخيم بأخر الدنيا ،،، وبس بروحنا نقعد نسولف ونتجاذب أطراف الحديث

أو يودينا البحر ونتمشي ( راجلين ) هههههه

عاد بررررررد وأحيانا يكون هواء عالي ،، يعني قمة المتعة والرومانسية

أنا يحظرني موقف الحين تذكرته

مرة كنا نتمشى بالسيارة انا وياه ندور مطعم نتعشى فيه وأعتقد كان نهاية الأسبوع وكل مكان زحمة

عاد قاعد يسئلني وين وين ،، قلت أنا تاركلك حرية الأختيار ،، جان يقول أكيد قلتله أيي اكيد

جان يقول أو كي ،، عاد أنا ضحكت قلت أكيد بيودينا مكان غريب ،،

ولا الريال مودينا ماكدونالد إللى بالزور ،،، رحنا تعشينا وردينا ،، ههههههههههه

يعني جنك رايح المطعم اللى يمكم وراد

هذا ترستن دائما مليء بالمفاجأت ،،، بس هالأيام صاير عاقل مادري شفية ،،، باط جبدي

أنا أوجهله نداء أقوله أرجع حق جنونك ومتعنا بطلعاتك الغريبة لأني هالأيام محتاج شي مجنون

مليت من الرتابة والتكرار


******

الحب أجمل أحساس بالدنيا

عيشوه واستمتعو فيه لأخر قطرة ولأخر نفس

****
إهداء

إنت أغلى الناس عندي
إنت أحلامي الهنية

والله لو تطلب حياتي
بيدي أقدمها هدية

تدري من تضحك حبيبي
الدنيا ما تحمل فرحتي

كل شي يتغير بعيني
تبتسم حتى دمعتي

( كاظم الساهر )

39 comments:

PearL said...

انت مثلي بطبع التعلق بالاشياء

انا وايد اتعلق بالاشياء
انسان جماد حيوان ذكرى

دام ان له معنى عندي وايد اتعلق فيه


حاول تدور لك طلعة وناسة

:)
الواحد يحتاج ينون بين فترة وثانية

PearL said...
This comment has been removed by the author.
الزين said...

اول شي وحشتنا

ثاني شي الجنون احيانا وايد يكون حلو
ويكسر الروتين
ويغير المزاج 180 درجه

اسألني عنه

:)))))

لا تغيب وايد ترى فقدناك

7osen said...

:بيرل

أهليين ومرحبتين

فعلا أنا واايد أتعلق بالأشياء أحيانا بطريقة مزعجة

ما أحب أفارق الأشياء اللى أتعود عليها

:))

وصج صج أنا واايد محتاج الجنون
واااااايد

واااااااايد

ههههههه

أبي أجرب

:)

شكرا لج عزيزتي وايد على تواصلج الجميل

أتمنالج كل السعادة

7osen said...

: زوزو

ياهلا ويامرحبا بالزين كله

الله يسلمج مشكوره على الكلام الحلو

:

والله صج الجنون بعض مرات ممتع حيييل

تسوي أشياء مو متعود تسويها
أشياء مجنونه تعيش على طبيعتك تطلع كل شعور حابسه بسبب الناس والعادات

ودي ألعب كرة قدم من زمان مو لاعب

شرايج تبارييني

عندج فريق ؟

ههههههههههههه

:

أقول زوزو ترا بوستج الأخير واايد حلو

كلامج واايد مؤثر حسيته طالع من أعماقج

كان ودي اعلق عليه

:)

شكرا على مرورج الجميل

لج أجمل تحية

charisma said...

الحمدالله انك بخيير

مو بس انت الى تطمن علينا فى بوستاتنا اليديده
ترى حتى احنا نطمن عليكم فى بوستاتكم وتواصلكم


انا مو شرط يكون كومنت فى بوستاتى
بس حركه المدون وروحه فى البلوقات تثبت وجوده واتفرحنى
واطمنى ان بخير

غريبه علاقتنا كمدونين
الفه تتكون بدون ما نحس
سبحان الله


الا تقول تدع القياده لترستن وانت تستمتع بالرحله
:))

الله معاك
انا متاكده 100% انك بتستمتع

:))

الله يحفظكم ولا يخليكم من بعض
:)

وان شاءالله ترجع مثل ما كنت واحسن

5roofa said...

looooool

استمتعت واايد وانا اقرا البوست
اشوه الكل تيله فتره وده يطلع عن العادي
بس اتوقع انتو الشباب عندكم اسهل من احنا البنات

البحر و البرد و الهوى وااااااي شوقتني
و تدري شنو الي يحلي هالشي
باسكن روووبنز كارمال مع صوصه كاوكاو
حزتها الدنيه تصييير حلوووووووه

:D

loool thansk 4 the great post
o ur last words fel post
WaaW

salamz...

الزين said...

هاهاهاهاها

عاد انا كلش مو صوب كرة القدم

ما افهم فيها

بس ممكن اباريك بش ثاني

:)))

مشكور على رايك
وكلك ذوق

واسمح لي اني شلت الكومنت

هذا الحجي لها اهي وبس

:)

TReSTeN said...

هههههههه

فحتنا يا شقوول

طلعت الماضي السحييق

عموما انا برد علييك بثلاث اجزاء

الاول ان الينوون انتهى لان انا الحيين كبرت وصرت موظف اد الدنيا ولازم انام مبجر والبخ الخ الخ

هههههههههه

وثاني شي بطاري عشا ماكدونلد

اول شي تدري ان هالسالفة صارلها 4 سنوات بالتمام والكمال

يعني شووف اشكثر الاياام تمر بسرعة

وبعديين ترى مو علشاانك انت رحنا

ترى السالفة غيير بس خانتك الذاكرة

كان صااحبنا الله يذكره بالخير

الي سويت وياه صفقة الميك اب الشهيرة

وتم من خلالها الكشف عن المستور
هههههههههههههه

كان بالشالييه

ورحنا صووب شاليهم عندنا شغلة

ههههههههههههه

وانت خو كل كاسر فيني ومستحي وقاعد بالسيارة وانا الي اخذ المبادرة

وبعديين النقطة الثالثة

اذا تبي نسترجع الذاكرة

انا اقولك متى خل ينزل جدول دوامي شهر 9 واقوولك اي اسبوع من الشهر تاخذ اجازة علشاان اصيعك مرة ثاانية

هههههههههههههه

وبس خلصت الرواية

ههههههههههههههه

7osen said...

: كاريزما

ياهلا ويا مرحبا

عاد تصدقين كاريزما إنتي من أهم الناس إللى استانس واايد لما أقرالج والله صج
أحس إنتي أهم واحد بالبوقرز لأنج صج أخت عزيزة مع الجميع واسلوبج جدا راقي

وفعلا العلاقة مع المدونين غريبة مالها تفسير
أحيانا تحب مدون من طريقة كتابته وتحسه حيل قريب منك
تشتاقله عن جد اذا غاب ويضيق خلقك

تصدقين علاقة مالها تفسر

:))


أكيد أذا كنت مع ترستن بتستمتع أستمتاع كبير ودائما توقع غير المتوقع

هههههههه

وااااايد مشكورة على وجودج وتعليقج
اتمنالج كل الخير عزيزتي

=====================

: خروفا

أهلا وسهلا

اي والله الشباب أسهل من البنات

الشباب يقدرون يمارسون الجنون اكثر من البنات

بس طبعاً اي جنون أو أي تصرف لازم يكون بحدود صح ؟

:

شدراج إنا دائماً ناكل أيس كريم في البرد
أحلى شي لما يكون الجو باااارد حيييل

تستمتع بالأيس كريم

صج وناسة

:)

مشكورة خروفا على مرورج وتعليقج

تحياتي لج


===================

: زوزو

ياهلا ومرحبا

ههههه
ضحكتيني زوز

ليش ما تفهمين بكرة القدم
في بنات وااايد يحبون هالرياضة

وما قلتيلي شنو الشي الثاني

:))

أي شي تبين أنا حاظر

يد سلة طائرة

حتى هوكي ما عندي مانع

هههههههه


أكيد مسموحة

حقج تشيلينه وفعلا أحيانا نكتب شي لنا احنا بس

نكتفي باللي كتبناه بدون أي تعليق

شكرا لج زوزو

تحياتي

7osen said...

: ترستن


ههههههههههههه
هههههههه

والله ضحكتني

صج صج ضحكتني

والله ما تذكر هاسالفة

مو أنت مغامراتك وصفقاتك ما تخلص

هههههههه

أنا أكسر فيك شي أكيد

لأني عندي حدود ما أقدر اتعداها

مبادئي ما تسمحلي

ههههههههههه

بس صراحة كان وناااسه

يالله شوف جدولك خل نرجع الماضي

:)))

الزين said...

تعال نلعب هند

ولا كوت بو اثنين يصير

:Pp

بصراحه بصراحه
انا ابي اتبارى وياك بالكلام

اكتب لي بيتين
خلني ارد عليك بمثلهم

شرايك؟

7osen said...

: زوزو

أهلييين

تصدقين عاد ما أحب العب هند وكوت

ما احب الورقه كلها

:

وأنا موافق على مباراة الكلام

مع إني مو شاعر بس أحب الشعر واايد

راح اكتبلج شي صغير
:

حاسبيني إن خطيت
وأتركيني وأرحلي

منك أنا كم خذيت
وعمرك ما تسألي

أن بعتك أو وفيت
حالفة إنتي إلي


يالله ردي

:))

الزين said...

على شرط

تحط اللي كتبناه بالبلوج

:)

وتذكر انه كان تحدي

عشان االناس ما تفهم غلط

اتفقنا؟

7osen said...

:زوزو

اهليين

أكيد راح أحطه في البلوق بدون ما تقولين

:))


وإن شاءالله مافي احد يفهم غلط

أو كي
أتفقنا

الزين said...

اوكي

هذا ردي عليك

كيف أحساب من حوى صدري وانزله
كيف اترك كيف ارحل
نادي قلبي واسأله

مو بسيطه اترك اللي حافني بشوق ووله
وان بعدت وان جفيت ولهوى غيرى وفيت
هم بجي لك وهم ابيك

لعيني رمش .... ومكحله

يالله رد

:)))))

الزين said...

correction

كيف احاسب


ويخرب بيت البدليات

:)))))

::heba:: said...

الله يخليكم لبعض ولايفرقكم يارب:)
احيانا نحتاج ان نخرج عن المألوف
لشعور بالمتعه اكبر وتجديد الكثير من الطاقات الخاملة
:P

مدونه حلوة : )

Unknown said...

عيل لازم تصير رفيجى لان انا عندى الجنون مو لى الزور:))

انا اسحب لى مطاعم اعرفها بالسعودية
بالجبيل
او كل مرة اكون ماسك الخط سواء الفحيحل او الملك فهد اقول الحين سنة وحدة لى البحرين ولا يهمنى

الحياة احبها بهالصورة القرار اللى تفكر فيه لا تؤجله لانك ممكن تتاخر عن امور كثيرة

والنعم فيك يا بوعلى وبصديقك ترستين

barrak said...

ابي اثنين من
ترستن

7osen said...

: ZoZOta

اهليين

عجبني واايد ردج

خصوصا المقطع الأخير

شكلج راح تفوزين علي بس ما يصير انتي يلعب معاج رونالدينيو

هههههه

بس راح ارد

:

ودي مرة تبعدين

لجل أشتاق لوصالك

وأشعر بزود الحنين

لغرامك ولدلالك

حسسيني بلوعة غيابك علي

عيشيني بناري وأشواقي شوي

خليني أطارد صورتك

خليني أتبع ظلالك

:))


=========
: ::heba

اهلين وسهلين

حياج الله اختي

شكرا على كلماتج الطيبة

الله يسلمج من كل شر


شكرا لمرورج الجميل

===================

:مشاري

اهلا وسهلا

لي الشرف إني اكون رفيجك

:)

ماشاء الله للبحرين عاد

ايي نروح نتعشا ونرد والله وناسه

فعلا حلوه الحياة مع شوية جنون غير محسوب

:
والنعم بحالك عزيزي مشاري

حياك الله
مشكور على المرور

============
: براك

يا اهلا وسهلا

مرحبتين كبار

انا أقول شهالنور هذا

اثاري براك مار عندنا

:)

والله ضحكت من كل قلبي أول ما قريت تعليقك

هههههههه

تبي اثنين من ترستن

واحد وزين مستحملينه

بعد هالمرة اثنين

ههههههه


حياك الله البرك

تحياتي لك

الزين said...

متى بتنزلهم بالبلوق

ما علمتني

نزلهم زكل ما ضفنا شي

سو على تحديث

اذا ما عليك امر

جنى قاعده اتشرط

:))))))


ةمر على بلوقي
في شي يديد بيعجبك

Shather said...

اهلا بعودتك ..
طولت
:}

وبعدين اشدعوه
مره ثانيه عزموني معاكم لي بغيتو تطلعون hehe

الزين said...

اسمع يا حوسن

تبيني أبعد ولعيونك تاركه

لجل تشتاق ولدروبك ماني بسالكه

وتشعر بزود الحنين وتبكي فراقي سنين

وتكره اليوم اللي صار فيه غرامي انتحار

وغيابي من دهر شربك كاس القهر

وفؤادك لين صاح يشتكي كثر الجراح

هذي انا من سواتك حتى صوتي بحرمك
حتى ظلي بيظلمتك

اتحدا .... هذا قلبي منت قده


يالله سمعني ردك

:))))

sologa-bologa said...

تحياتي أستاذي

تصدق عاد
أحيانا لما تقول
مادري

ترتاح أكثر
:)


أحلى شي الطلعات المجنونة
أذكر لما كنت بالإمارات
في إحدى الليالي المقمرات
قاعد بالبيت بروحي وما أدري شسوي
آخر شي قررت أروح العين
على مسافة 170 كيلو
علشان أتعشى في برغركنج
وأرجع مرة ثانية

الجنون فنون
منو اللي ينن المينون
مهوب العيون
:)

ودمتم بحب وود

الزين said...

يااااااااااااااه

وين الرد

ناطرتك

7osen said...

: زوزو

اهلا

أنا أقول أذا فزت عليج وخلصت
راح أنزلهم بوست أحسن

:))


=============
: شذر

اهلا وسهلا

شكرا لج على هالكلام
بس اذا أنا طولت عيل إنتي شلون

إنتي إللى صج تطولين

:))

او كي انتي معزومه
يالله حياج معانا

:)))

شكرا لمرورج المتميز
حياج الله أختي العزيزة

================
: زوزيتا

هذا ردي
بس بالمختصر المفيد

:)

أنا قدك مرتين

وأكثر شوية بعد

لي بغيتك أبتجين

ولي خلص قلبي أبتعد

أنتي خاتم في يديني

منتي قدي صدقيني

قلبك لعبة والله عندي وانتي ملكي للابد

:))

**

الزين said...
This comment has been removed by the author.
الزين said...

هذا ردك؟؟

ما اعتقد

هذا رد الجسوة فيك

هذا رد قلبي عليك

تسرق حروفي يا شينك

هذا عهد بيني وبينك

انت تجسى وانا اجسي

وبالأخير انت بتلين


ماملكنى وما انخلق اللي يكسر الزين


هي حقيقه حطها بين عينك يا حسين

:))))))

الزين said...

انا باجر مسافره
اذانزلته بوست راح اشوفه من بره الكويت

بس انت طلعت خطير
منت هين

وهذي مو نهاية المطاف
:))

حبيت التحدي
وحبيت المباراة
وحبيت ابياتك اكثر

بس بليز نزلهم على البلوق

خل نشوف ردة الفعل شلون

:))

نعطي شوية روح

وتبتعد انت عن مود الحزن

وهذي كانت الغاية يابن العم

;-)

Shaima'a Alkandari said...

طلعه عجيبه غريبه ممتعه بنفس الوقت

فعلا الواحد فينا لمن يرتاح لشخص معين يتعلق فيه وصعب انه يتركه بسهوله

نفس الياهل لمن يتعلق بلعبه مايقدر يهدها

الله يخليكم حق بعض ويعل صداقتكم دوووم تستمر وتعيشون نفس ايام قبل واحلى وتجمعكم الذكرى اكيد

وعيش حياتك ولاتتضايق ترى الدنيا ماتسوى

اكيد الحب شي كبير وجميل جدا

وشكرا على الاهداء الجميل

سالفة قلب said...

بداية الله لايحرمكم هالصداقه ولايفرق بينكم ويجمعكم على الخير دايماً
****
انا عن نفسي مااحب اغير الاشياء اللي تعودت عليها واحبها خصوصا اذا كانت هديه من شخص غالي.لوتصير عتيجه وموديلها راح اتعلق فيها اكثر واحبها اكثر

****
شكرا لهذا البوست وتحياتي لشخصك الكريم

SHAHAD said...

السلام عليكم
شلونك حسين ؟
مي تو أي شي يعز علي حتى لو كان ورقة أحب احتفظ فيها واتعلق فيها لدرجة إن ضاع هالشي أحس جنه شي مني ضاع
أما ترستن فمبين عليه يحب الوناسة والفرفشة وراعي فصلات وضحك
الله يديم صداقتكم يااارب
صدقني بهالدنيا نحتاج شخص يطلعنا من المود اللي احنا فيه
نحتاج شخص نحس إنه فاهمنا وقريب منا
وأعتقد لهالسبب تعلقنا بالمدونات
حسيت هالعالم شفاف واللي بالقلب كلله مكتوب .. الله يديم الصداقة والأخوة ما بينا
يا حلاة سوالفك يا حسين
لا تحرمنا

7osen said...

:سلوقابلوقا

ياهلا ومرحبتين


كلمة مادري صج أحيانا تريح

بي أيضا أحيان ثانيه لازم ندري علشان نرتاح

:)

خوش رحلة والله

أحلى شي لحظات الجنون اللى ماتكون محضر لها
تقرر وتنفذ على طول

:
أكيد العيون هي سبب الجنون

:))

حياك الله عزيزي سلوقا
وخلنا نشوفك

بالتوفيق إن شاء الله

7osen said...

: زوزو

بداية تسافرين وتردين بالسلامه

انا إللى أحب أشكرج واايد على هالمبارة الجميلة

إللى أعترف إن كلماتج واايد أحلى من كلامي

أهنيج على قدرتج على صياغه الاحساس والكلام

مشكوره يالزين

وإن شاء الله راح ينزل البوست قريبا

يعطيج العافيه أختي العزيزة
وبالسلامه

7osen said...

: Shaima'a Alkandari

أهلا وسهلا

حياج الله أختي

مشكورة وااايد على هالكلمات الطيبة المشجعه

فعلا أحنا نحتاج دائما أحد يمنا يكون يفهمنا ويحس فينا

مشكوره مره ثانيه
وحياج الله

7osen said...

: سالفة قلب

يا هلا ومرحبتين

الله يسلمج أختي مشكوره على هالكلام
:

أكيد الهدايا شي وايد قيم واايد مهم خصوصا أذا كانت من شخص نحبه حيل

أنا عندي هدايا أعتبرها من أثمن الأشياء إللى أمتلكها

بغض النظر عن شنو نوع الهدية لكنها معناها المعنوي يخليها وايد غاليه



مشكوره عزيزتي على هالمرور الجميل
أتمنالج كل التوفيق

7osen said...

:SHAHAD

وعليكم السلام ورحمة الله وبركاته

الله يسلمج عزيزتي


أهم شي الاوراق

والله أنا عندي أوراق قديمه حيل أحيانا أضحك على نفسي لما أشوفها

بس ما اقدر اقطعها شي يمنعني
أحسها فيها ذكرى من شخص او موقف معين او احساس معين

والله مشكله هالسالفة لأن عندي أرشيف كامل من الأوراق القديمه

:
اما ترستن فهو فعلا يحب الفصلات
أصلا أهو على طول فاصل

ههههههه
:

كل إنسان يحتاج لشخص أو أكثر يكون قريب منه ويفهمه عدل ويحس فيه

لأن هذا قانون الحياة


الواحد مايقدر يعيش بروحه مايقدر يحس بالسعاده اذا مافي ناس شاركوه هالسعاده هذي

أحنا دائما نحتاج ناس نحبهم ويحبونا

مشكوره شهد على كلامج المميز دائماً
اتمنالج كل السعاده

kawthar Mohammed said...

السلام عليكم..

أول تعليق لي في المدونة خذيت لفة سريعة اعجبني الطابع الرومنسي..وللأمانة كنت أظن المدونة لفتاة ..

:)

نتمنى أن تزول الرتابة من حياتكم ..